تعال اطبخ وتفنن .. صفحه للمأكولات
- بادئ الموضوع دكان
- تاريخ البدء
كويتي خالص
عضو بلاتيني
اذا هذا صج طبخج رؤى ....أنا أرفع الرايه البيضا ....استسلام 
اذا هذا صج طبخج رؤى ....أنا أرفع الرايه البيضا ....استسلام
إشدعوه , ما نقايش احنا
والله طبخي
تكفه اخوي مدني بوصله لموقع تحميل صور
علق علي موقع العملاق
بغيت احط الطريقة بالخطوات المصورة
كتبت المقادير والطريقة ومارضى يرفع الصور :/ !
كويتي خالص
عضو بلاتيني
مندي دجاج
المقادير
دجاجة مقطعة لـ 4 قطع
2 جزر مبشور
2 علبه مكعبات ماجي
2.5 كأس رز
4 ملعقه كبيرة سمنه
هيل
زيت
فحم
الطريقة
نحط السمنه في قدر الطبخ ونضيف له الجزر المبشور ومكعبات الماجي والهيل ونحركه بإستمرار الى ان يذبل الجزر و يتغير لون الزيت ويتلون بلون الجزر
نضيف الدجاج على الجزر والزيت ونقلبه لمدة 3- 5 دقايق
نضيف له ماء مغلي
نتركه يستوي نص سوا ونطلع الدجاج من القدر ونحطه بمشخال الي أن ينشف
بهاللحظة احط الفحم على النار
واقلي الدجاج بالزيت
واجبس العيش بماي الدجاج والجزر
والحف كوب قهوة بقصدير ونفس الطريقة غطاء القدر
بعد ما يقرب العيش من السوا احط الكوب بوسطه
بنفس الوقت اكون مخلصة قلي دجاج فأصف الدجاج فوق العيش وحوالين الكوب
اصب الزيت الي قليت فيه الدجاج بوسط الكوب
اهم لحظه هذه , امسك الفحم بالمنقاش باليد اليمنى وبأيدي اليسار غطاء الجدر الملحف بالقصدير , اقط الفحم بوسط الكوب الي فيه الزيت وعلى طوووول اسكر الجدر
عشان إدخنة و ريحة الفحم ما تطلع بره الجدر ويتشبع منها العيش والدجاج
اخليه يتسكر على نار هادية لمدة ربع ساعه وبس بالهنا والشفا
* كل المواقع موراضية ترفع الصور , إرتفع ضغطي :/ ! فكنسلت كل الصور وإكتفيت بالنتيجة النهائية
كويتي خالص
عضو بلاتيني
باااااااجر مسويها .....طريقه راااائعه وشهيه ....
وخلاص ...أنا من الحين ...أبصم لج بالعشره
ولو سمحتي ...نبي كل يوم ....وصفه ....
بس لو ممكن ...كوب القهوة ...شنو قياسه ...ولو صوره يكون أحسن ...
والفحم شنو نوعه وجم فحمه ...
وخلاص ...أنا من الحين ...أبصم لج بالعشره
ولو سمحتي ...نبي كل يوم ....وصفه ....
بس لو ممكن ...كوب القهوة ...شنو قياسه ...ولو صوره يكون أحسن ...
والفحم شنو نوعه وجم فحمه ...
باااااااجر مسويها .....طريقه راااائعه وشهيه ....
وخلاص ...أنا من الحين ...أبصم لج بالعشره
ولو سمحتي ...نبي كل يوم ....وصفه ....
بس لو ممكن ...كوب القهوة ...شنو قياسه ...ولو صوره يكون أحسن ...
والفحم شنو نوعه وجم فحمه ...
مصوره كل شي انا
بس ما ادري اشقصة المواقع معاي
كوب القهوة , النسكافيه كبير يعني
والفحم العادي الي نستخدمه للدوا والشوي انا احط فحمة كبيرة او 2-3 حجم وسط
ونصيحة جرب الطبخة لانها عجيبه
ولو تنطر الى باجر انزل الطريقة بالصور ان شاءالله , أحسن لان في شغلات لازم بالصور والتطبيق خصوصاً سالفة الفحم
باجر ان شاءالله بسوي مطبق سمج - حلوايوه - ان شاءالله اصورها
وشكراً اخوي على التشجيع وشهادتك اعتز فيها
* ملاحظه مهمه : لو تلاحظون المقادير بدون ملح لاني اكتفي بملوحه الماجي , يعني الملح حسب الذوق , عليكم انكم تذوقون ماي الدياي اذا يحتاج ملح زيدوه شوي ملح او ضيفوا له ماجي
ماشاء الله يادكان..صاير شيف.
أكلتين غرامي, هي المندي...واختها البخاري.
والثانية: التكة الكندرية, لها مذاق خاص, وكل ما سألت صديق كندري ...يعطيني الوصفة ناقصه وكأنها سر من الاسرار العسكرية, أو يتعذر ويقول الوالدة تسويها ما عرف طريقتها!!
من يعرف تتبيلة التكة الكندرية..وكم من الوقت توضع في الثلاجة عشان تتشرب توابلها...جزاه الله خير؟
أكلتين غرامي, هي المندي...واختها البخاري.
والثانية: التكة الكندرية, لها مذاق خاص, وكل ما سألت صديق كندري ...يعطيني الوصفة ناقصه وكأنها سر من الاسرار العسكرية, أو يتعذر ويقول الوالدة تسويها ما عرف طريقتها!!
من يعرف تتبيلة التكة الكندرية..وكم من الوقت توضع في الثلاجة عشان تتشرب توابلها...جزاه الله خير؟
بسم الله الرحمن الرحيم
الزميله الشيف رؤى
حقيقة الله يعطيج العافيه ويرحم والديج .. ماقصرتي وعساج على القوه .. وكملي وخل بعض الناس يتعلمون
ننتظر المزيد ...
ودمتم,,,
لا تسمعك أمي بس وانت تقولي شيف رؤى وتصدق , من يومين تقولي خل نسوي بوفيهات :/ !
حاظرين , انا بروحي غرامي الطبخ , هالدور إندقينا سلف ان شاءالله كل يوم طبخة
وياريت بقية الاخوات والاخوان يشاركون نفيد ونستفيد
شكراً اخوي دكان
يا عين جدي على قولة محمد
تعالي انتي بس والعين اوسع لج من البيت , والي تبين اسوي لج
مندي , قبوط , ورق عنب , ملفوف اللهانة , مكرونة بالبشاميل وانواع السلطات والحلويات
انتي بس قولي تم وامد لج ذيج السفرة الي ماصارت ولا استوت
عاد مو بس انا اطبخ انا وامي وخواتي حاظرين :وردة:
اخوي قديم , تسلم على الدعوات الطيبة
يا عين جدي على قولة محمد
تعالي انتي بس والعين اوسع لج من البيت , والي تبين اسوي لج
مندي , قبوط , ورق عنب , ملفوف اللهانة , مكرونة بالبشاميل وانواع السلطات والحلويات
انتي بس قولي تم وامد لج ذيج السفرة الي ماصارت ولا استوت
عاد مو بس انا اطبخ انا وامي وخواتي حاظرين :وردة:
اخوي قديم , تسلم على الدعوات الطيبة
اخجلتينى بهالكرم :وردة::وردة:
فديت الشيف رؤى
شكلى اليوم بروح الجمعية وبدور على الصمون هذا
صمون المطاحن بالاعشاب والحب الشمسي
مع مايونيز مخلوط بمخلل خيار المقطع
وجبن تشدر
ديك رومي مدخن
وخس وطمام
يلا كتبنا المقادير
والطريقة سهله , ادهن الصمونه بالمايونيز وصف المقادير كلها بالداخل
مع دايت بيبسي , احلى من ديك رومي - ويك إند - :إستحسان: