سليل الجود
عضو مخضرم
بعد تواتر الانباء من هنا وهناك عن اسقاط القروض
وكثرت الادله شبّه المؤكده حول حل قريب للمديونيات
سواء بشرائها من قبل الدوله أو اعاده جدولتها
فى شهر رمضان تقريبا
خرجت اصوات تحث الحكومه على منع هذه المكرمه
بحجّه أنهم لم يأخذوا قروضا فما ذنبهم !!
يعنى ديره حسد اعوذ بالله من الشيطان الريجيم و من الحاسدين
قال ليش تطيحون القروض وانا شنو ذنبى ما خذيت قرض ؟
اقول ليش ما تحمد ربك أن امورك سهاله بدال لا تحسد
احمد ربك اللى ما ابتلاك بطفل مريض ويحتاج علاج للخارج
وما عندك واسطه عند اللى مخلين واسطاتهم لزوير وعوير
يسفرّون ربعهم للراحه والاستجمام
وانت تشوف ولدك يموت جدام عينك ومو قادر تسوى شى
فمضطر تاخذ قرض عشان تبرأ ذمتك أمام الله تجاه طفلك
احمد ربك ما طاح اخوك بالسجن بسبب شيكات بدون رصيد
والا بالبورصه واكلوه تجار الديره اللى لا يحرّمون ولا يحلّلون
احمد ربك اللى ما احتجت ترمم بيتك بقرض
احمد ربك اللى ما احتجت تاخذ قرض عشان تشوف ولدك
يدرس باحسن الجامعات بدال هالجامعات اللى كل يوم يلغون الاعتراف فيها
طبعا ما انكر انه فيه ناس تاخذ قروض للرفاهيه وعشان يسافر
لكنهم اقليّه لان معظم الشعب الكويتى عايش بهموم ومشاكل ماديه
ما يعلم فيها الا الله
وعلى فكره وقبل لا انسى اللى كاتب هالسطور ولله الحمد والمنّه
ميسور ماديا وبخير ونعمه لكن اللى اشوفه ربى يرزقه
افرح له اقول اللهم زيده من خيرك وفضلك
مو اتضايق وتمتلىّ نفسى بالحسد اعوذ بالله
لو المطر منكم منعتم صبوبه=لاشك رزق الخلق من عند وهّاب
جيش الحسد سقتم علينا حروبه=كلٍ يبي يزرع علي جسمنا ناب
حرب علي المحسن تراها عقوبة=يا الله عساكم ما تفيدون حراب
