National Socialist
عضو ذهبي
نعيش اليوم في حالة من التوتر السياسي في منطقة الخليج العربي من المنظور الكويتي بشكل خاص و الخليجي بشكل عام بسبب الحرب في العراق، و الأخطر و اللي الله يستر منه في إيران. بعد التصريحات الإسرائيلية بضرب إيران راح يصير الخليج ساحة حرب دولتين من أقوى دول العالم. ماله داعي نعرف إذا كانت التصريحات رسمية ولا لا لأن إسرائيل من زمان تبي تضرب القدرات الإيرانية النووية و نفس الشي من الجانب الإيراني لضرب إسرائيل و "محوها من الخريطة".
السؤال المهم الحين: هل الجيش الكويتي مستعد لمواجهة أي أزمة محتملة؟
المنطقة الحين في وضع متوتر لدرجة كبير و الحرب يمكن تتفجر بأي وقت و بدون إنذار في شرق الخليج و غربه. المشكلة أن دول الخليج راح تعطي الضوء الأخضر لإسرائيل لضرب إيران، و الخوف الثاني اهو أن إيران تكتسح الخليج لإقامة القواعد و تمديد خط دفاعها. لا ننسى أن قدرات إيران العسكرية تمكنها من احتلال الخليج والله يمكن خلال شهر او أقل.
في ظل هذي الظروف اشترت مصر منظومات دفاعية روسية للتصدي لأي هجوم إيراني صاروخي محتمل على المنطقة المصرية القريبة من إسرائيل لأنها تدري أن قدرات الإيرانية الصاروخية مو هينة و الكل شاف تجريب الصواريخ اليديدة و معلومات عن مداها و الرؤوس الحربية اللي تقدر تشيلها.
نشوف أن العالم كله في تقدم عسكري إلا احنا!! إيران و تطور أسلحتها بنفسها و تصنع الصواريخ و الطائرات و الأجهزة و الرادارات و غيرها و أغلب الخبرات أخذوها من الاسلحة السوفييتية و طوروها حق نفسهم. إسرائيل تمتلك أقوى الجيوش في العالم و اكثر تكنولوجيا حربية تقدما في العالم بمساعدة أمريكا. و العراق الحين قاعد يبني جيشه و قواته المسلحة من يديد بمساعدة أمريكا.
شنو قاعد يسوي جيش الكويت؟ شنو قاعدين يسوون ظباط الجيش الكويت و القادة الكبار؟ هل في أي استعداد صريح؟
ليش ما نشوف الجيش يسوي مناورات برية جوية بحرية؟ ليش ما نشوف القدرات الكويتية الدفاعية و الهجومية؟ ليش ما نشوف الكويت تشتري أسلحة و صواريخ و طائرات؟
لازم ما نشكك بالجيش الكويتي أو نستصغره و لا نحتقر حجم الكويت بالنسبة للمحيط و أمثلة وايد على دول صغيرة ورت العالم الويل بجيوشها و قواتها أهمها بريطانيا اللي سموها "الدولة التي لا تغيب عنها الشمس" و صلت لي أخير العالم بأساطيلها و جيوشها. مثال ثاني هو ألمانيا اللي احتلت أوروبا و شمال أفريقيا في سنين قليلة و اهي حجمها لاهو بحجم قارة أو إمبراطورية خيالية. و مثال ثالث اهو اليابان اللي اخضعت الصين في الحرب العالمية الثانية مع أن مقارنة اليابان بالصين مثل مقارنة النملة مع الفيل!!
الجيش الكويتي لازم يعزز قدراته و كل فروعه و يشتري كل أنواع الأسلحة و يحاول يدرسها و يطورها مثل ما تسوي بعض الدول، لأن الصراحة هذي الأيام القوي اهو اللي يسود و من السهل أن تختفي دولة من الخريطة في الحروب الكبير و تطلع دول كثيرة غيرها في ظل تخاذل المجتمع العالمي و تفرق الشعب في داخل الدولة نفسها. محد راح يحمي الكويت إلا جيشها و عيالها... لكن إذا نبي نحارب بسيوف و حجارة فراح نصير أذل من التراب.
يعني المشكلة أن احنا انقرصنا سنة 1990!! بس الظاهر ما تعلمنا شي!!
السؤال المهم الحين: هل الجيش الكويتي مستعد لمواجهة أي أزمة محتملة؟
المنطقة الحين في وضع متوتر لدرجة كبير و الحرب يمكن تتفجر بأي وقت و بدون إنذار في شرق الخليج و غربه. المشكلة أن دول الخليج راح تعطي الضوء الأخضر لإسرائيل لضرب إيران، و الخوف الثاني اهو أن إيران تكتسح الخليج لإقامة القواعد و تمديد خط دفاعها. لا ننسى أن قدرات إيران العسكرية تمكنها من احتلال الخليج والله يمكن خلال شهر او أقل.
في ظل هذي الظروف اشترت مصر منظومات دفاعية روسية للتصدي لأي هجوم إيراني صاروخي محتمل على المنطقة المصرية القريبة من إسرائيل لأنها تدري أن قدرات الإيرانية الصاروخية مو هينة و الكل شاف تجريب الصواريخ اليديدة و معلومات عن مداها و الرؤوس الحربية اللي تقدر تشيلها.
نشوف أن العالم كله في تقدم عسكري إلا احنا!! إيران و تطور أسلحتها بنفسها و تصنع الصواريخ و الطائرات و الأجهزة و الرادارات و غيرها و أغلب الخبرات أخذوها من الاسلحة السوفييتية و طوروها حق نفسهم. إسرائيل تمتلك أقوى الجيوش في العالم و اكثر تكنولوجيا حربية تقدما في العالم بمساعدة أمريكا. و العراق الحين قاعد يبني جيشه و قواته المسلحة من يديد بمساعدة أمريكا.
شنو قاعد يسوي جيش الكويت؟ شنو قاعدين يسوون ظباط الجيش الكويت و القادة الكبار؟ هل في أي استعداد صريح؟
ليش ما نشوف الجيش يسوي مناورات برية جوية بحرية؟ ليش ما نشوف القدرات الكويتية الدفاعية و الهجومية؟ ليش ما نشوف الكويت تشتري أسلحة و صواريخ و طائرات؟
لازم ما نشكك بالجيش الكويتي أو نستصغره و لا نحتقر حجم الكويت بالنسبة للمحيط و أمثلة وايد على دول صغيرة ورت العالم الويل بجيوشها و قواتها أهمها بريطانيا اللي سموها "الدولة التي لا تغيب عنها الشمس" و صلت لي أخير العالم بأساطيلها و جيوشها. مثال ثاني هو ألمانيا اللي احتلت أوروبا و شمال أفريقيا في سنين قليلة و اهي حجمها لاهو بحجم قارة أو إمبراطورية خيالية. و مثال ثالث اهو اليابان اللي اخضعت الصين في الحرب العالمية الثانية مع أن مقارنة اليابان بالصين مثل مقارنة النملة مع الفيل!!
الجيش الكويتي لازم يعزز قدراته و كل فروعه و يشتري كل أنواع الأسلحة و يحاول يدرسها و يطورها مثل ما تسوي بعض الدول، لأن الصراحة هذي الأيام القوي اهو اللي يسود و من السهل أن تختفي دولة من الخريطة في الحروب الكبير و تطلع دول كثيرة غيرها في ظل تخاذل المجتمع العالمي و تفرق الشعب في داخل الدولة نفسها. محد راح يحمي الكويت إلا جيشها و عيالها... لكن إذا نبي نحارب بسيوف و حجارة فراح نصير أذل من التراب.
يعني المشكلة أن احنا انقرصنا سنة 1990!! بس الظاهر ما تعلمنا شي!!