ممكن أحد ( ما فيه ضغط وسكري ) يشرح هالإعلان !!!

[شخص مهم]

إعلان من وزارة التربية لهذا اليوم




انتبه للي تحتها خط أحمر !!!

لاحظ ما هي الوظيفة ؟!! ومن هم المطلوبين لـ شغل هذه الوظيفة ؟!!


هل أصبحت مهنة باحث اجتماعي ونفسي نادرة ؟!!

ألا يوجد كويتيون يقومون بهالوظيفة ؟؟!!​

 

[Ms Rose]

ودي اجاوبك بس هاليومين حاسه فيني ضغط

عموما يمكن فيه نقص :إستحسان:​

 

[kal ho na ho]

مخرجات كلية العلوم الاجتماعية كـ غثاء السيييل !!

سأشرح لك طال عمرك .. يريدون .. بأقولها بالكويتي ..

يبون يجيبون ثلاثة وافدين براس كويتي واحد .. يعني ثلاثة نفر بمعاش كويتي نفر !!


الله يهداك .. راسي صاكني وزاد بلاه ..

يالله الخيرة ..


ودمتم

 

[بـارود]

مخرجات كلية العلوم الاجتماعية كـ غثاء السيييل !!

سأشرح لك طال عمرك .. يريدون .. بأقولها بالكويتي ..

يبون يجيبون ثلاثة وافدين براس كويتي واحد .. يعني ثلاثة نفر بمعاش كويتي نفر !!


الله يهداك .. راسي صاكني وزاد بلاه ..

يالله الخيرة ..


ودمتم

يعني الوافد صار شامبو وبلسم

2 في 1

 

[kal ho na ho]

يعني الوافد صار شامبو وبلسم

2 في 1

الله الله ..



ودمتم

 

[شخص مهم]

عموما يمكن فيه نقص

مخرجات كلية العلوم الاجتماعية كـ غثاء السيييل !!

لاحول ولاقوة الا بالله

 

[الأصمعي]

ماتدري جوود ماعندهم متقدمين من الكويتين فا إضطرو للإعلان عن حاجتهم للوافدين ..

 

[العجيز]

عادي !!
اصلا ما اكثر من عندنا خدمه اجتماعيه ونفسيه !!
الصحه طلبت 60 اخصائي اجتماعي وافد عشان يشتغلون بالصحه .. بس وقفهم الديوان !!
التربيه والصحه .. ماعندهم كادر اخصائي اجتماعي ويبون وافدين !!
شمعناتها ؟؟
يطفشون الكويتي عشان لا يقول ابي كادر !!

 

[Normal]

رخيّص وكويس ..

هذا المطلوب هاليومين ..

الوافد ميزته ما يقول لا ..

 

[يوزر انتحاري]

حكومة تدور الرخص وتنظر للمواطن كأنه عدو وتستخسر فيه الفلس الواحد ويطفشون الكويتيين ويسقطون الكويتيين بالمقابلات الشخصية مالت التربية ويمشون الوافد !! وزارة التربية يموووتون بالوافدين ومايواطنون الكويتي الكويتي جم يكلفهم والوافد جم يكلفهم؟!! , المشكلة دولة نفطية وغنية يعني اذا ماقطوا الفلوس علمواطنين مادري على منو يقطونها ليش مستجعصين كل شي علمواطنين مادري !! وبرا كرم حاتم الطائي !!! برا يبنون جامعات ومستشفيات ويساهمون في البنى التحتية لدول كحيانة ودول مانعرف مكانها على الخارطة واول مرة نسمع فيها واهني يستجعصون علينا بكلشي الكويتيين طاقهم المرض لا مستشفيات مثل خلق الله وتليق بدخل الدولة ولا كليات ولا معاهد محترمة عيالنا مطشرين ونسبة القبول للجامعة مرتفعة والحين بعد حتى بالوظايف يدورون الرخيص ويخلون ولد الديرة مجابل امه وابوه ويطق اصبع !

 

[العجيز]

يطق اصبع بس !!!!
مستشفى الطب النفسي فيه 70 اخصائي نفسي واااااافد
والكويتيين يتخرجون معالج نفسي من جامعة الكويت ويطلب يتعين هناك تدري شيقولون له؟؟
عندنا اكتفاء !!!
اصلا تدري ليه كله وافدين هناك؟؟؟ لان المستشفى الوحيد اللي فيه كادر !!
يعني الكويتي مستشفى عادي يستلم 640 د.ك
وبالطب النفسي 850 د.ك !!
ومافي كويتيين !! كله وافدين !!
شمعناته بالله ؟!!!!!

 

[رؤى]

هذا الإعلان يناقض ما تم نشره اليوم في جريدة النهار وبالخط العريض على صفحتها الاولى !

بعض الوظائف وضعت وبعضها الآخر يُستحدث لـ حساب الوافدين وأغلبهم من الجنسية المصرية طبعاً

دولة غنية , شعبها يعاني البطالة

بينما أعداد الوافدين إليها باليوم الواحد بـ معدل 1000 - 1500 وافد للعمل !

أعضاء مجلس الأمة وينهم عن هالمهازل !

 

[بو مشيري]

الكويتيين يتشكون من هالوظيفة والي اعرفه ان السنة الي طافت معتصمين وكانو يطالبون بكادر اذا ماني مضيع ..

انا درست 12 سنه دور الاخضائي يساوي دور السكرتير .. خاصة بالثنوية 3 اخصائيين مصاروة عليهم كل الدق بالطباعة والتصوير والاتصال والتنسيق ..

شغله مو ماخذه حقها كلش .. لان دور الاخصائي النفسي والاجتماعي بمدارس الحكومة معدوم

 

[العجيز]

الكويتيين يتشكون من هالوظيفة والي اعرفه ان السنة الي طافت معتصمين وكانو يطالبون بكادر اذا ماني مضيع ..

انا درست 12 سنه دور الاخضائي يساوي دور السكرتير .. خاصة بالثنوية 3 اخصائيين مصاروة عليهم كل الدق بالطباعة والتصوير والاتصال والتنسيق ..

شغله مو ماخذه حقها كلش .. لان دور الاخصائي النفسي والاجتماعي بمدارس الحكومة معدوم

صحيح ومن هالشي مافكر اتوظف بمدرسه لان اكيد راح اتهزأ
قدمنا شكاوي واعتراض واعتصام لكن مكانك راوح
بالصحه يمكن اهون شوي على لااقل في جانب اجتماعي
لكن بالتربيه .. منسق اداري افضل مسمى له !

 

[الأصمعي]

يطق اصبع بس !!!!
مستشفى الطب النفسي فيه 70 اخصائي نفسي واااااافد
والكويتيين يتخرجون معالج نفسي من جامعة الكويت ويطلب يتعين هناك تدري شيقولون له؟؟
عندنا اكتفاء !!!
اصلا تدري ليه كله وافدين هناك؟؟؟ لان المستشفى الوحيد اللي فيه كادر !!
يعني الكويتي مستشفى عادي يستلم 640 د.ك
وبالطب النفسي 850 د.ك !!
ومافي كويتيين !! كله وافدين !!
شمعناته بالله ؟!!!!!

حلوة الصورة .. معبرة
إيي الوافد أرخص لهم ​

 

[Bello]

يدورون الرخص
و الفرعوني أرخص شي

 

[عبدالله .]

اللي قبلي كفوا ووفوا
لكن انا احد المتضررين من وزارة التربية !!​

طال عمرك الوظائف المساندة مثل اخصائي نفسي واجتماعي وامناء المكتبات واخصائيي التقنيات مالهم كادر
طيب ليش هالناس درست 4 سنين وتعمقت في المجال التربوي !!! ​

تخيل نتوظف ومعاشنا مايتجاوز الـ 620 إلى 650 د.ك ​

بينما اروح وزارة ثانية تعطيني كادر مع اني ما استفيد من اي معلومة اخذتها خلال الـ 4 سنين خلال دراستي للبكالريوس يعطوني تقريبا 880 إلى 900 !!!​

طفشونا الله يطفشهم
احنا دارسين وحابين مجالاتنا ونبي نشتغل فيها ليش هالتطفيش !


-------------

على فكرة المزاج تعكر فوق ماهو متعكر من هالسالفة التعيسة اللي كل يوم افكر فيها​

 

[عبدالله .]

تبون ارفع ضغطكم اكثر
كلية التربية الاساسية وهي الكلية المعنية بتخريج معلمي ومعلمات المستقبل واللي لطالما خرجت العديد من الكوادر الكويتية اللي نفخر فيها

المهم هالكلية همشت تهميش كاااااامل

تخيلوا التخصصات الاساسية مغلقة !
( عربي - إسلامية - انجليزي - رياضيات - علوم - اجتماعيات ... )
والغير اساسية مفتوحة !
( حاسوب - مكتبات - تكنلوجيا تعليم ( اخصائي تقنيات تربوية ) - كهربا - تصميم داخلي ( ديكور ) - فنية - تربية بدنية ... )

ووزارة التربية تعلن عن نقص في التخصصات الاساسية وتعلن انها في كارثة ولازم يتم التعاقد بأسرع وقت ممكن للنقص
وتتعاقد مع الوافدين لسد هالنقص !

زين يابشر يافاهمين من الاول افتحوا المجال للتربية الاساسية وافتحوا هالتخصصات !
شي يقهر

وعلى فكرة انا التحقت بالتربية الاساسية 2003 ولازالت لليوم التخصصات الاساسية مغلقة
وعلى فكرة تخصص رياض الاطفال للبنات مغلق ولاتستبعدون سنة سنتين يعلنون عن نقص ويطلبون وافدات والتخصص لازال مغلق

في تطفيش اكثر من هالتطفيش !​

 

[الأصمعي]

إللي يبط الجبد صج لما يشغلون واحد في مجال غير تخصصة .. مو بس الحكومة حتى بالقطاع الخاص..

انا أشتغل في شركة مالية معاي موظفة شهادتها جامعية تاريخ !!!
و الراتب نفس راتب إللي شهادته إدارة أعمال او محاسبة !!!

انا اقول لو يخلون رواتب المدرسين للـ ( علوم - الرياضيات - الفيزياء - الكيمياء ) نفس رواتب وكوادر المهندسين على الأقل نشيل تكدس الطلاب على كلية الهندسة ويتوجهون لسلك التدريس !

وايد أبرك و أفيد من البطالة المقنعة في الوزارات ونسكر باب توظيف المدرسين من الخارج !

 

[الحاسم]

ويسقطون الكويتيين بالمقابلات الشخصية مالت التربية ويمشون الوافد !! وزارة التربية يموووتون بالوافدين ومايواطنون الكويتي الكويتي جم يكلفهم والوافد جم يكلفهم؟!!

ملة الردح واحِدة بالضبط نفس الفكرة الى كان يقولها الاساتذة المصريين لما اشتغلت وياهم. يقولون الوزارة تسقط الوافدين ـ حتى الاكفاء ـ وتنجح "الكُواايته" حتى الغير اكفاء.


بعدين بالذمة .. الكويتي (بالغالب) مايبي ولايحب التربية الا اذا كان مدرس بدنية حق الريوق و"تشوح" الجبده من صباح الله خير! .. عملت فترة قصيرة بالتدريس .. وشفت حال الاخصائي الاجتماعي .. اكثر واحد يشتغل والراتب سيئ فلا تُلام الاكثرية ان رفضت العمل بهذا الموقع.