يالله عسى ماجاك مني خبر شين *** ياشيخ ياشاعر يافارس يارجال
ميزاتك الاربع كفيــــــــــــــله بثنتين ***بعد النظر والثانيه وسعة البال
وإن عذربوني عندك المستفيدين *** فأنا غني قبل أعرفك ولازال
بخير واخذ واعطي المستحقين *** لني أعبد الله مانيب أعبد المال
زعلان لني ما مدحتك ببيتين *** وإلا علشاني مدحت أبو الأفعال
المدح للي يقشع الفقر والدين ***المدح للي يهوم هومات الأبطال
المدح للي يلتفت للمساكين *** المدح للي كل وقفاته ثقال
وانا حسب ما شفت لاشين لازين *** عادي ولا يسند على العادي جزال
المدح ماياتيك بالهون واللين *** ياوردة ماتنبت الا على الجال
ماقول لي شي بليا براهين *** حتى اللي بيكذب يبي شي ينقال
قبلك سعى للمدح راعي ملايين ***وحاول وخليته يحاول ولا إحتال
شرحت مافي خاطري لك وذالحين ***جعلك غني ولاهنت في كل الاحوال
الصراحة زين يسوي فيه
قصيدة إبن علوش جازت لي