نساء ( الكويت ) ... مابين .. ( فقدان الانوثه ) و ( بشاعة الذوق )

[العجيز]

بعدين ترا في حريم يلبسن ساتر ما نبي نظلمهن
بس ماكو ذوووق ؟!!
يعني لابسه خام قنفات !! على بو ان دراعه !!!
ويا ريت خام قنفات .. ماكو المطارح خابرينها ؟؟ اللي قبل الغزو ؟؟
ولا في اللي الحين بنطلون سكيني .. وقزززززمه ..ونعال فلات !! وراس تافخته حدددده !! وشايله هاند باق زعم جنطه !! بالله شنو الذوق بهذا ؟!
مرات اتخيلهن مصاصه !!!!

اوكي في شغلات تطلع بالموضوع تناسب الضعيفه وما تناسب المتينه
حلوه على الطويله وأرف على القصيره
حلو على البيضه..وسينما على السمره

يعني مو كل شي حلو.. يبيلنا مراية اخونا محمد العنزي ..

 

[محمد1]

اتعلم متي يالاصمعي نكون في قمة الانواثه....
عندما نجد من نحب...
عندما نجد الارفع منا مكانه...
وعندما نجد الغني جدمنا...​

يسعدلي ...هالابتسامة...شلونك:وردة:​

مبين على كلامج الى كاتبته ع الصوور الى بالتوقيع هههههههههه

 

[محمد1]

بعدين ترا في حريم يلبسن ساتر ما نبي نظلمهن
بس ماكو ذوووق ؟!!
يعني لابسه خام قنفات !! على بو ان دراعه !!!
ويا ريت خام قنفات .. ماكو المطارح خابرينها ؟؟ اللي قبل الغزو ؟؟
ولا في اللي الحين بنطلون سكيني .. وقزززززمه ..ونعال فلات !! وراس تافخته حدددده !! وشايله هاند باق زعم جنطه !! بالله شنو الذوق بهذا ؟!
مرات اتخيلهن مصاصه !!!!

اوكي في شغلات تطلع بالموضوع تناسب الضعيفه وما تناسب المتينه
حلوه على الطويله وأرف على القصيره
حلو على البيضه..وسينما على السمره

يعني مو كل شي حلو.. يبيلنا مراية اخونا محمد العنزي ..

هههههههههههه هم لوو يفكهم التغليد الموولااايق​

 

[طريق الحرير]

ما كنت حابة أشارك في هالموضوع بس فيه كلمتين صغيرونتين :


البضاعة اللي ما تلقى لها سوق تطيح بجبد راعيها ، لكن بضاعة البنات اللي تم الهجوم على لبسهم ومكياجهم في هذا الموضوع ما طاحت بجبود راعياتها !!!!!!!!!!


الريال اللي يبي يشوف أنوثة المرأة عليه أن يفهم أنه هو مصدر إلهامها الذي يمنحها الأنوثة إذا كان في حياتها رجل بحق وليس مجرد ذكر نحل !!!!!!!!!.

 

[العجيز]

ما كنت حابة أشارك في هالموضوع بس فيه كلمتين صغيرونتين :

البضاعة اللي ما تلقى لها سوق تطيح بجبد راعيها ، لكن بضاعة البنات اللي تم الهجوم على لبسهم ومكياجهم في هذا الموضوع ما طاحت بجبود راعياتها !!!!!!!!!!


الريال اللي يبي يشوف أنوثة المرأة عليه أن يفهم أنه هو مصدر إلهامها الذي يمنحها الأنوثة إذا كان في حياتها رجل بحق وليس مجرد ذكر نحل !!!!!!!!!.

المشكله أن المرأة هي اللي تخلت عن انوثتها وبرضاها
يعني تتحمل كل شي والرجال شايل ايده !!
هي تودي المدارس..وهي تجيب الماجله..وهي اللي تودي السوق..وهي راعية الجيب وهو صالون اخر موديل
المرأة يا أختي بعضهن (عشان محدش يزعل) تكون بأحلى صورة عشان تحصل على احسن رجل !! ومن تحصل الرجل تهمل بنفسها بحجة البيت والمسؤوليه !! طيب الرجال قلبه خضر شسوي يعني ؟؟ اكيد بيكون في وحده تبي نظره حلوه وتبي كلام معسول ..وتبي رجال !!

الموضوع يتكلم عن الذوق .. يعني الخلاجين اللي يسمونها موضه..
مره دخلت محل لبناني يبيع فيه .. قلت شنو احدث شي عندك .ز والله طلع لي لبس اراجوزات !! الوان غريبه عجيبه..شراميح .. شغلات ما يلبسونها الا الممثلين بمسلسل حوش المصاطب مدري اذا خابرينه ( بتاع عيال المنصور)
اقوله مابي عطني شي اكثر ملائمه للبشريه !! وهو ما غير بيليء عليكي ..انتي بيضه حلو هاد كتير !! بيضه !! عباله انا غشيمه ما عرف سحنتي وله خشتي !! مجولحه امولحه الله يخلي كريم نيفيا !!!!
الشاهد .. الذوق انعدم.. وصار اللبس خريعه اكثر ما يكون حشيمه !!

 

[طريق الحرير]

اللي نشوفه انعدام ذوق راعيات البضاعة جربوه مع المستهلكين وكانت النتيجة ربحية عالية تفوق ربحية التأمينات الاجتماعية اللي كذبوا علينا لما قالوا انها خسرانة !!!!!!!!!!


والمستهلكين الذين يتم ترويج البضاعة بينهم ماهم أزواج وإن كان بعضهم متزوجين !!!!!!!!!


والمتزوجين منهم يبون زوجاتهم يصيرون مثل راعيات البضاعة ، لكن مثل هالشي لا يمكن يتم في البيت وإنما في أماكن أخرى !!!!!!!!!


الحياة الزوجية ماهي خطاب الجسد للجسد وبس وإن كان هذا جزء مهم ، لكن الجماعة اللي يروحون يتمشون في المجمعات وهم ما يبون يشترون أو يحومون حول الكليات وحتى داخل الجامعة وهم ماهم طلبة ولا عندهم بنت ولا أخت ولا زوجة يايين ياخذونها هذيل ما يعرفون أصلا شنو الذوق ولا يمكن الأخذ بشهادتهم .


وهذيل عندهم أم الخلاجين هي صاحبة الذوق اللي تستاهل الملاحق والترقيم وحتى غير ذلك ، أما الوفية الصابرة اللي تودي العيال للمدارس وتصرف على البيت لما يقصر الحبيب الباحث عن الأنوثة برة هذي ما عندها ذوق ومهملة نفسها !!!!!!!!!!


’ ما لكم كيف تحكمون ‘

 

[المختصر المفيد]

يا الله يا دافع البلاء العج ثاير و أنا يا غافلين لكم الله ؟

اضمحلال الأنوثة عند غالب الكويتيات منشأه للأسف من زمن :"ديرة مرة و رجال ما فيه نعرة " و لكن تمردها على فطرتها كان مخفيا و مع الزمن طفت هذه المصيبة و كأن ما حصل عبارة عن حادث سير مفاجئ

بالله وين الأنوثة و وحدة تطرد من صباح الله خير وراء الدوام شخليتي لرجلك ؟

و في المقابل أين الرجولة يا أشباه الرجال و إن كنتم للإناث أقرب ؟ لا شكل رجال و لا فعل رجال خمال في خمال .

الزوجة توصل العيال المدارس

مصرف البيت الزوجة

رواتب الخدم الزوجة

تدريس العيال الزوجة

السفرة على الزوجة

يبا ما بقى إلا العصمة

البيت بكبره شايلته الزوجة و هو عديم الأهلية

يا معشر الرجال الله جعل لكم القوامة بسببين بما فضل الله به بعضكم على بعض و بما أنفقتم

الزوجة أنفقت نصف قوامتك و راحت عليك شتبي بعد ؟

و اللي يشوفكم يقول بالصومال

رواتب و موجودة بس ليش تكلفون نفسكم فوق طاقتها ؟

مد رجلك على قد لحافك
خلاص مسكن و أمن و تغذية و كسوة و احمدوا ربكم لازم تتشيحطون على ظهور حريمكم ؟

الله رازقك عز نفسك رزقك على قدك انفق على قدك يا مال شقول

------------

بشاعة الذوق :-

مو لو التزمتن بضابط الشرع كان الله ضبط أموركن

لي طلعتي من بيتك استري نفسك و العبي و البواشي ترس السوق و استحي و انتخي و اعرفي انك منتي للتمنظر

و لي بغيتي تطلعين لا تفرغين زجاجة العطر من الترشش لأنك بهالفعل زانية بلسان خير البشر

و الله يا بشر توني واصل من أحد المجمعات و مر علينا مجموعة من الفتيات كل وحدة تقول كاسرين القرشة فوق راسها ليش ؟ الخلاء لا بارك الله بهالاشكال

التعطر للغرب و زوجك طمبور الطين ما يشوف الا شوشتك و بشاعتك

مو كل شي بالسوق يناسبك بعض الملابس ما يلبسها الا المجانين

البسوا الملابس السنعة الوان متناسقة اتركوا عنكم هالمكياج عفس بشرتكم شفيه الكحل ؟

تخرعون الله يفضخ قلوبكم كل وحدة جنها شيطان

السنع زين و الرزانة زينة موضة سنعة مو مشكلة بس مو خبال علبو موضة


شكرا للجنازة :وردة:

 

[يوزر انتحاري]

الأنوثة مو باللبس ولا المكياج وأعتقد من المعلوم والمشهور أن نساء الكويت الأكثر أناقة في الخليج كله ,وحتى في الوطن العربي هم الأكثر أناقة من بعد اللبنانيات , والكويت كما تسمى باريس الخليج !

لكن الأنوثة تبين في طريقة التعامل مع من حولك من انسان وجماد وفي الرقة في التعاطي مع من حولك وماحولك !!! يعني بالله وين الأنوثة بالي صوتها يعلى على البايع أو السائق أو الفراش وتزف فيه ! وين الأنوثة فيمن تدخن ! وين الأنوثة فيمن تشتغل بوظيفة خشنة وين الأنوثة فيمن تضرب الحيوانات ! تخيل منظر بنت تحذف قطو ببطل ماي منظر تكرر علي كثيرا ! وين الأنوثة فيمن يعلو صوتها على كبار السن وين الأنوثة فيمن تضطهد الخادمة وتعاملها بقسوة ! وين الأنوثة فيمن تزاحم الرجال في الطوابير , وين الأنوثة فيمن تجادل زملاءها الرجال في العمل في كل صغيرة وكبيرة !


وأما فيما يخص أنوثة المرأة بعد الزواج :
هنا أتفق مع الأخ مختصر مفيد فيما قاله جزء كبير من سبب تخلي المرأة عن أنوثتها هو الرجل نفسه ! المرة تجيب العيال وتوديهم وتجيب أغراض الجمعية والماجلة وتركض بالوزارات تخلص معاملاتها وتجيب الغاز وتركبه بعد ! وتصرف على البيت وغالبا على زوجها أيضا !! وتطلع مع شقة النور تركض ورا اللقمة *بغبااااااااااااء* أقسم بالله أستغرب من امرأة تتخلى عن حقها في الدلال والقعدة في البيت وتأخذ دور الرجل في السعي وراء لقمة العيش خصوصا اذا كانت وظيفتها غير ذات أهمية للمجتمع وظيفة مكتبية او سكرتيرة والا مدرسة والمدرسات على أفى من يشيل ! ولا أتكلم هنا عن المهندسة والدكتورة وغيرها من الوظائف الي احنا فعلا بحاجة لها , أستغرب من الي متعبة روحها وشايلة دور مو دورها وتركض ورا لقمة العيش اذا كان زوجها حالته المادية جيدة !!!!

وربما هنا نرجع نقول ان أخذ المرأة لدور الرجل والخرج للعمل والزج بنفسها بين الرجال في الوزارات لتخليص معاملاتها بزعم انها شخصية مستقلة مو بحاجة للرجل في تخليص أمورها *خطأها* وهي الي وصلت زوجها لهبلادة , كل هذا هو ماشجع الرجل على الربادة وتخليه عن رجولته والاتكال على المرأة في كل شيء حتى في الصرف ! المفروض من البنت من تتزوج تعود الرجل على تولي مسؤولياته وعدم التفريط بأي منها سواء كانت مادية مثل الصرف أم غيرها من مثل صيانة أي عطل في المنزل أو تخليص المعاملات أم توصيل العيال للمدارس الخ ,

 

[العجيز]

يوزر كلام 100%

موظفه عندي بالدوام .. تخررررع !! شلون تكلم البنغالي !! انا استحي !!
اقولها لا تصارخين حرام ..قبت فيني ابي السلامه !!
من يومها .. عباس ما اقرب له<<< طلعت عليها علوقة عباس

 

[أم حمد]

ما فهمت !!!!

ما فهمتي؟؟ تبينه يعيدها؟؟
يا حجيه ..ويقولون حوار ونقاش واحترام الراي والراي الاخر!!
انا بفهم المواضيع تطرح للنقاش والاستفاده ووضع حلول..والا للتجريح؟

مع احترامي للجميع ولصاحب الموضوع جد ندمت على المشاركه
الله يسامحك يالجنازه

 

[العجيز]

ما فهمتي؟؟ تبينه يعيدها؟؟

يا حجيه ..ويقولون حوار ونقاش واحترام الراي والراي الاخر!!
انا بفهم المواضيع تطرح للنقاش والاستفاده ووضع حلول..والا للتجريح؟

مع احترامي للجميع ولصاحب الموضوع جد ندمت على المشاركه
الله يسامحك يالجنازه

شوفي انا فهمت شي !! بس يختي مابي اظلم بختي !!!!
يعني يمكن اكون مركبه الكلام غلط !! او وصل للخلايا العصبيه بطريقه غير صحيحه !!
انا اللي فهمته أن الاخ اللطيف قاعد يتهمنا بالازدواجيه بافكارنا !! يعني نعاني من شيزوفرينيا
يعني الحجي اللي نكتبه غير اللي نقوله !! او نعاني من مشكله واشتغلنا باسقاطاتنا على الموضوع ؟!!!!
هذا اللي فهمته !! <<< هو صحيح ؟؟؟

 

[أم حمد]

شوفي انا فهمت شي !! بس يختي مابي اظلم بختي !!!!
يعني يمكن اكون مركبه الكلام غلط !! او وصل للخلايا العصبيه بطريقه غير صحيحه !!
انا اللي فهمته أن الاخ اللطيف قاعد يتهمنا بالازدواجيه بافكارنا !! يعني نعاني من شيزوفرينيا
يعني الحجي اللي نكتبه غير اللي نقوله !! او نعاني من مشكله واشتغلنا باسقاطاتنا على الموضوع ؟!!!!
هذا اللي فهمته !! <<< هو صحيح ؟؟؟

عزيزتي الراقيه جدااا خلف معرف العجيز على قولة استاذ ياسين الحساوي
المشكله الظاهر فينا احنا .. !!
مشاركين ومتفاعلين يعني يكون في حوار وفكر !!
والله يا اختي مافي حد شارك غير انا وانتي !! قبل تعليقه الفاضل الكلاااااس!!
اذن استنتاجك .. احتمااال كبير يكون صحيح !!!هذا واحنا نتحاور بادب واحترام
و هذا رااايه ...!! لا حول ولا قوة الا بالله العلي العظيم !!!
الله يسااامحه ..

 

[العجيز]

عزيزتي الراقيه جدااا خلف معرف العجيز على قولة استاذ ياسين الحساوي

المشكله الظاهر فينا احنا .. !!
مشاركين ومتفاعلين يعني يكون في حوار وفكر !!
والله يا اختي مافي حد شارك غير انا وانتي !! قبل تعليقه الفاضل الكلاااااس!!
اذن استنتاجك .. احتمااال كبير يكون صحيح !!!هذا واحنا نتحاور بادب واحترام
و هذا رااايه ...!! لا حول ولا قوة الا بالله العلي العظيم !!!
الله يسااامحه ..

امي تقول انتي كله نيتج شينه وتدققين !!
كذا مره بالمنتدى حاولت احسن النيه بس يختي ما يساعدون !!!!
انا فهمته من الاول بس ما حبيت اكون متهجمه .. قلت بنعطيه فرصه يرقع حق عمره
بس اعتقد اللي قال هالشكل هو يعاني من مشكله !!!
انا مشاركه عشان خاطر الجنازه وخاطركم والله..واذا كل من نط وقط تعليق سخيف بننسحب كان قعدنا نطالع بعض
انا متجوده بصميلي اخض اللبن وانتي تنقين عيش !!

 

[أم حمد]

امي تقول انتي كله نيتج شينه وتدققين !!
كذا مره بالمنتدى حاولت احسن النيه بس يختي ما يساعدون !!!!
انا فهمته من الاول بس ما حبيت اكون متهجمه .. قلت بنعطيه فرصه يرقع حق عمره
بس اعتقد اللي قال هالشكل هو يعاني من مشكله !!!
انا مشاركه عشان خاطر الجنازه وخاطركم والله..واذا كل من نط وقط تعليق سخيف بننسحب كان قعدنا نطالع بعض
انا متجوده بصميلي اخض اللبن وانتي تنقين عيش !!

سبحان الله ملاااحظه..!!يسلم خاطرك يالغاليه كلك ذوق ! يعني ليش منتدى؟
الكل يشارك ويبدي رايه والجنازه ربي يحفظه يستاهل !!ما بين !!
الله الهادي ..تذكرين نصيحتك لي !! بموضوع الرحال؟؟
اي حاضرين ليش لا ..ننقي عيش بلا حوار وفكر ونقاش !!

 

[[ الحجية ]]

على كثر البنات اللي تشوفونهم بالمجمعات [ فاصخين الحيا ] مثل ما تفضلتوا .. ما شفتوا لكم بنات محترمين نفسهم ؟؟!!

لكن عينكم وآراءكم السلبية ما تجي الا على هالنوعية .. وتعممونها على بنات الكويت ..

وحبيت اقولكم على كثر اللي تشوفونهم [ متمردات ] في ضعفهن محتشمات

فلا تعمم انت عندك ام واخت وزوجة

 

[@الناصر@]

عاد لوربك ابقار انا من مناصرين المره ​

الجنازه بعد اذنك شويت تلميع حق النساء ​

عاد من حلات الرجال عندنا ​

​

​

يالحبيب هذا من أيام يامركب الهندي

 

[jody]

أصبحنا وأصبح الملك لله ..​

ولا حول ولا قوة إلا بالله ..​

أول موضوع أصبّح فيه الفير !!​

​

لـ عـودة ـي ..بإذن الله ..​

 

[حلوة الكويت]

مبين على كلامج الى كاتبته ع الصوور الى بالتوقيع هههههههههه

ترجم لو سمحت؟؟؟​

 

[محمد1]

ترجم لو سمحت؟؟؟​

أأترجم لو سمحت ؟؟ كلاامي وواضح ولاااا ا

 

[jody]

السلام عليكم ..

قلت في عنوانك : " نساء الكويت "

وهـ العنوان غلـط ..

لأنه العنوان فيه شمولية ..

يا سيّدي الفاضل .. أحنا ما عرفنا لكم ..

شنهي الأنوثة اللي تبونها ..؟

كل ما حجى وآحد منكم .. قالك : أنوثة هيفاء !!

وأنتوا هيفا .. مو جآيفين منها غير جسمها !!


ولا إيي لك الثآني .. إيقول : آنا بآخذ على مرتي ..

ليش عسى مآ شر ..؟

لاهية عني ولا إيقولك :

لاهية عنك بـ شنو ..؟

مو المرة ألحين أهيا اللي قآمت .. تكدّ !!

مو أهيا اللي قلبت " رآجو " .. عشآن أتودي إعيآلها وتييبهم ..؟

مو أهيا اللي قلبت " ميري " .. عشآن السي سيد .. يآكل .. وينآم مرتآح ..؟

أشلون بتحس بأنوثتها .. وأنت مو ريّال أصلاً .. ؟




...



أشلون حكمت على فلانة من الناس أنها والله أنثى أو لا !!

فيه بنات .. وجزء قليل مو بالكثرة اللي أنتوا متصوّرينها .. عليهم حركات عجييييبة ..


.. خلني أقولك ..

وحدة كآنت معآيّ من أيام المدرسة .. ياربي عجيييييبة .. جنّه أخوي عمر ويآنّا بالمدرسة .. حدّها حدّها مو مهتمة بـ عمرها .. وبـ تصرفآتها .. ويوم كننا بسنة ثانية كلية تزوّجت ..

أمبييييييه .. لا لا .. والله مو أهيا .. حتى طريقتها بالتعآمل تغيّرت ..

تدرون ليش ..؟

آنا مرآح أقول ..


..

الريّال له دور .. ودور كبييير في أنه المرة تفقد أنوثتها بالكآمل .. أو جزء من أنوثتها .. وأكرر هـ الجملة ألف مرة ..


..

ياربي .. آنا أبي تعريف حق الأنوثة اللي تتحجون عنها ..

يعني .. بقتنع بشغلة آنا ..

أنت أتقول .. يطبون المحلات .. ويشترون .. و .. و .. و ..

يعني أشتبيها مثلاً ..؟

تلبس كودري .. وتعطيك إبتسآمة رقيقة !!

ولا تلبس بنجآبي .. وتطأطأ رآسها لا جآفتك !!


..

الأناقة .. جزء مُكمل للأنوثة اللي تتحجون عنها ..






..


سؤال أخير ..

أشلون تعرفون هـ المخلوقة أنثى ولا لا ..؟

نوّروني .. عشآن أعرف .. إذا كان سين من الناس اللي جدآمي رجل .. أو لا ..؟

لأنه آنا خبري .. الأنوثة إحساس .. شي تشعر فيه .. ( مو أتطالعه بعينك !! ) ..


..


كونوا رجالاً .. سـ تجدون إناثاً حتماً ..



​