عنوان المقال ( شخصيات اختفت)
*أود ان اتكلم عن شخصيات عامه او من النواب او الوزراء وراح اتكلم عن النائب الفاضل علاوي الي تكلم وسولف وراح و رد وعمل ندوات كلها ضد نائب من زملائه ويدافع عن وزير قبل الاستجواب مع انه هذا مو دوره يمكن تقولون ليش علاوي ارد عليكم انا ما ألوم معصومه الي كانت معاه في الندوه لانها توها في سنه اولى اعدادي والو مالي استذبح على الوزير ويدافع ( وهو مو دوره) وفي حال ان لم يتم احاله المحور الاول الى النيابه انا اول واحد استجوبه مع العلم علاوي قانوني بحت وانا اسئل بعد كل هذا الموضوع طلع هواء واقولك وينك ؟ شقاعد اتسوي ؟ اتفكر بجواب واذا كان جوابك صعب ترى احنه على ابواب رمضان شارك في برنامج ثقافي عشان يساعدونك ولا تدوس في بطن الدستور
*والثاني جوجو المشاكس طبعا عرفتوه انا ماني قايل اسمه لانه ريال يدور الفلس من وراء القضايا , جوجو المشاكس الي دعايته عن جبله وشرق والمرقاب وعقال مرعز 12 سم على راسه بس مقيوله صخلة الفريج ما تحب الا تيس الغريب ,جوجو المليونير اللي يدعم المرشحين في وقت الانتخابات هذا شسالفته منو الي يحركه بس في وقت الانتخابات الي صارت الندوات بس عن الطائفه وجبله وشرق المرقاب وبدو وحضر والسؤال هو ؟ ليش هذي القضيه بالذات في وقت الانتخابات ؟ شنو يبون يخلونه نفكر فيه غير المواضيع المهمه بس اقول برافو برافو وصفقه فوقها حق الحكومه
هذول احد ابرز الشخصيات في النصف الاول من 2009 من ارباح السلطه التنفيذيه والتشريعيه