اخترت لكم أجمل ما كتبته الشاعره بوح القصيد
اترككم مع القراءه ..
معقــول ترحــــل ؟؟ ما أصــدق تجافيــك
والله لــو تـــرحــل عمــــر مـــا تجينــــي
مـــا يقنــع غيابــك غــلا قلـــب يرجيــك
لـــو الــوجــوه تغيــب طيفـــك يجينـــي
أدري بقلبــك غـــالــي فــي معـــاليـــك
وأدري بـك تحـس الغـــلا فــي حنينـــي
فيني وداد (ن) يسكـــن القلــب يبغيـك
وصار الـوله أكبر مــن احســاس فينــي
يكفيــك فـــزة خافقـــي عنــد طـــاريــك
ويكفيــك دمعــة عشق بينــك وبينــــي
ودي بكفــــي يحتضــــن نبــض كفيــــك
وودي تغفــــي بيــــن كفيــــك عينــــي
ليتــــه بكفـــك تشعــــر بقلب مغليــــك
وليتـــه بصــدرك تدفـــن اقصــى انينــي
مهمـــا يباعــد مركبــي عــن مــوانيــك
صــار اتجاهـــك هـــو غربـــي ويمينــي
والله أحـبـــــك ثــــم والله أنــــا أبغيـــــك
ولا أبـــي غيـــرك لــو كـــل (ن) يبينــي
دونــك أنــا صحــرا عـــذاب (ن) تناديك
دونــك أنــا صحــرا عـــذاب (ن) تناديـــك
ترجي حنينــك يضـوي أجمـل سنينــي
مابه حــروف (ن) توصف الشوق وتجيك
تعجــز حـــروف بصــادق الحـــب فينـــي
حسبي عليك ان كان تدري بي أغليك
وترضــى الليالـــي تحرق بدمــع عيني
عفـــت الحيـــا كلـــه إذا كــان يـرضيــك
وجيتــك هــوا يصـرخ من أقصى حنيني
يــا أبــوي تكفــا مــا لهــا داعي أرجيــك
خذني معـك وأرحـل .. نخيتــك تجينــي