(( قلـبي يـسأل ))
قلبي مجروح بالحيل
قلبي ينوح طول الليل
قلبي يتألم و يآهي
قلبي يصرخ و ينادي
اخذوني من هالدنيا بس كافي
هذا اللي جرا دمرلي احساسي
كيف حبيبي بعد طول العشره يخون
ليه لحبي و اخلاصي ما يصون
كيف أقرب صديق بعد العمر يغدر
ليه يقسى و أحلى أيامنا ما يذكر
كيف القرابه صارت بالمصلحه مو بالدم
ليه قريبي بغير افلوسي و اللي عندي ما يهتم
كيف أعيش و أنا كل احساس فيني مات
ليه أنبض و أغلى الناس صاروا من أقسى الذكريات
كيف أحب بعد خيانة حبي الأول
ليه أحب و الحب في هالدنيا تحول
كيف أبوح بأسراري للصديق بعد غدره
ليه أسامحه أو حتى أفكر أعذره
كيف آمن لطمع القريب
ليه جشعه خلاه عني غريب
كيف أعيش بهموم و اجروح لوامه
ليه أعيش في زمن يدور فيني مثل الدوامه
كيف أنام و عيوني بالدموع غرقانه
بس يا رب كافي اخذ الأمانه
و ابكل هدوء و صمت و سكوت
بس أبي أرحل و براحه أموت
بقلم \ غاليه كمال
((معنى الرجولة))
والله وعرفت معنى الرجولة
ودليت درب الدواوين
وتغير كل هرج تقوله
وتبدلت كل العناوين
تعدل الحال وميوله
وتعلمت شرب الفناجين
غابت النظرات الخجوله
وحبسك لحالك مثل المساجين
أنكرت من علمك كل شي وأصوله
ومن لبسك لبس الملوك من بعد الخلاجين
نسيت فضلي بكل سهولة
والعبت بافكارك الشياطين
تجاهلت بنت الأصل والحموله
عذرك رجال ما تحب الحب بس للمجانين
يا ناسي الطيب تركتني بصدمتي مذهوله
كيف كان الأمس وكيف صرت أنا الحين
بقولها منت رجال من ينكر الفضل مافيه أي رجوله
للأسف نسيت أعلمك ان الرجولة ماهي شرب قهوه وجية دواوين
بقلم\ غاليه كمال
(( رخــيصه خــاينه ))
احبك واعترف بكل ما فيني اني عشقتك
لا تقول اني بكل بساطه بعتك لاجل اخون
انت اول حب سكن قلبي وبجفوني حضنتك
قلت اني رخيصه خاينه لحبك لكنك تمون
لا تكثر بسؤالك لاني غصب عني تركتك
ابتعدت عن دربك وقتلت قلبي وبكيتك بجنون
عشت على انفاسك ادمنت ظلك وللاخير اتبعتك
حبيبي بعترف لك لاجل لا تكثر بك سوء الظنون
صديقك.. رفيق دربك.. هو السبب في اني هجرتك
هو حبني رغم حبي لك وانا تعودت بحبي اصون
طلبني اهجرك واعشقه بدل عنك لكني حشمتك
ابتعدت بصمتي ما حبيت سبب فرقاكم انا اكون
عرفت الحين اسبابي وتأكدت اني ما عمري خنتك؟!!
اعترف قلبي وقلتها وانزاح همي بعد كل هذي السنون
تسكت ليه ابي اعرف ؟؟ مو كافي اني طول هلوقت صنتك!!
وصاتي لك بعدما شتمت بحبي سلم على رفيقك المصون
بقلم \ غاليه كمال
(( رخــيصه خــاينه ))
احبك واعترف بكل ما فيني اني عشقتك
لا تقول اني بكل بساطه بعتك لاجل اخون
انت اول حب سكن قلبي وبجفوني حضنتك
قلت اني رخيصه خاينه لحبك لكنك تمون
لا تكثر بسؤالك لاني غصب عني تركتك
ابتعدت عن دربك وقتلت قلبي وبكيتك بجنون
عشت على انفاسك ادمنت ظلك وللاخير اتبعتك
حبيبي بعترف لك لاجل لا تكثر بك سوء الظنون
صديقك.. رفيق دربك.. هو السبب في اني هجرتك
هو حبني رغم حبي لك وانا تعودت بحبي اصون
طلبني اهجرك واعشقه بدل عنك لكني حشمتك
ابتعدت بصمتي ما حبيت سبب فرقاكم انا اكون
عرفت الحين اسبابي وتأكدت اني ما عمري خنتك؟!!
اعترف قلبي وقلتها وانزاح همي بعد كل هذي السنون
تسكت ليه ابي اعرف ؟؟ مو كافي اني طول هلوقت صنتك!!
وصاتي لك بعدما شتمت بحبي سلم على رفيقك المصون
بقلم \ غاليه كمال