أم سيف66
أنا أتكلم عن العمل في بيئة شرعية أما العمل الغير شرعي فهذا خالصين منه
المشكلة في شي اسمه بيت و عيال و وقت مخصص لهم فقط 8 ساعات باليوم على أحسن تقدير يعني وقت ما أخدر فيه قهوتي
و نصيحتك هذه حطيها في ميزان الشرع خلنا نشوف شتسوى ؟
تضييع المال مضيعة و التبعزق مرادفة للتبذير و خوة للشيطاين و المعزة هي طاعة الله مو وظيفة اللي كفو و اللي مو كفو فيها
يوم اضيعه وابعزقه وبنفس الوقت أأدي الحقوق الي امرني فيها الله ما اعتقد اني اجرمت بهالشي والا خاويت الشيطان(على طول لفيتها على التبذير والاسراف)
خوووووووش نيه على قولتكم
أجل زينك لما تطردين من صباح الله خير وراء القريشات ؟
والله اذا المفتي ال الشيخ افتى بحرمة وظيفتي كمدرسه وافتى بتحريم جريي وراى القريشات ذيك الساعه اتقلط بصالة البيت بكل سعاده
و يم إن الله عطاه القوامة هي زينة يتزين فيها
قيومك قال : ما في شغل من اليوم ؟ بتقولين أبشر بسعدك و بإذن الله تبشرين بالجنة و الا تعصينه و جهنم و بئس المصير ؟
ههههه الي عندي رجل من عصم الشوارب ولله الحمد ما يتمرجل علي عشان وظيفه
ويمارس قوامته بالأمر والنهي ...وعلى حسب اسلوبه راح يجيه الرد
يوم انه يعطيك و هو يضحك ليه ما تعطينه وانتي تضحكين ؟ و الا العملية حقوق دون واجبات ؟
الحمد لله ربي رزقني برجل يتعزز عن فلوسي ...لاااا ومانعني احط من فلوسي بالبيت
بس علي وعلى عيالي للكامليات بعد...لانه مو مثل غيره يتحمل معااير الرجال له
أجل "وقرن في بيوتكن" موجودة في قصايد بن لعبون مو سورة الأحزاب ؟
هههه حلوه هاذي منك....تصدق شكلك عالم نوايا بامتياز....لا يكون بمفهومك ان العادات والتقاليد المقصود فيها الأحكام الشرعيه....تبغاني اوضح لك قصدي ؟ والا اقولك
ماله داعي ....
الله معليهم عليكن بأكثر من 20 ميزة شنو ردك ؟
يوم الله خلقني عق عني أبوي بكبشين و انتي بكبش
النبوة للي من جنسي مو للي من جنسك
ان متي بالخطأ ديتك نص ديتي و ان ورثتي ورثك نص ورثي
شهادتي تعدل شهادتك مع وحدة من جنسك
و .. و .. و
هو فيه أحد عنده وعي و دين ينكر إن الذكر ليس كالأنثى ؟
يادااااافع البلا ......ومين قال اننا زي بعض.....النظره الاستعلائيه تكون باستخدام الميزات الي وهبها له الله عشان تكون ادوات احتقار ومذله ... حتى ان بعضهم يعزز ويكرم ناقته اكثر من زوجته او اخته او بنته
أجل محور حياتك وش ؟ الناظرة و الكشاكيل و فطور الصبح ؟
نفسي ثم نفسي ثم نفسي.....وبعدين تترتب عندي المحاور الثانيه
حقه و أصل أصيل و سنة حميدة شالمشكلة ثنتين و ثلاث و اربع الشرع زين
ايه يتزوج ليش لاء...بس على وضح النقى يكون زواجه مو بالدس او لأسباب واهنه
ومو بالخديعه ومرته ما تدري الا من الناس....ويعدل بكل شي....اما قلبه بكيفه فيه وبقريح بعد
أجل انطري العوض من الفلوس يوم تعرض النفوس
و لو صبرت و كانت نيتك إرضاء الله أبشري بعوض الله
ولله الحمد ارضاء الله من اساسيات حياتي.....واعتقد ان المؤمن القوي خير من المؤمن الضعيف.....والله حط لي احكام شرعيه اخذ منه حقي فيها بشرع الله
والصبر شي مو بيد الانسان يتحكم فيه
و عبادة المادة بلوى
بهاذي مدري شتقصد وبفترض لك النيه الزينه
إنها تخنع و تهجع و تستحي من تشوف رجال مو تبحلق بوجهه كأنه وحدة من صاحباتها
لي مشى الرجال بأول السكة وهي بآخرها زبنت يم الطوفة مو تناطحه تقول بقرة
تعرف تسنع بيتها و تحوفه مو تسنع بهالملفات
تقر ببيتها مو تهابد من صباح الله
تحن على بزرانها مو تنافت عليهم تبي السلامة من مسؤولتها .
والله اذا كانت تتحول بقره طبيعي لان الي قدامها ثوور بقرون....
ويعني الحين الي تشتغل ما تعرف تسنع بيتها وعيالهااا .....مالوومك بصراحه
وهذا لجهلك الكبيييييييييييير بعالم النساء الموظفات.....عن جد ماااتدري
إن كانت الانوثة هي المياعة فما أكثرهن
و إن كانت الموقف الحازمة المشافق على التقييم فنعم
و إن كن عن ألف شنب من شوارب الصراخ و الضجيج عز الله شنبات
أقول : يا زين السنع .
ومن قال ان الأنوثه هي المياااعه.....ياااربي بس انت كيف عندك القدره العجيبه لتفسير كلامي على هواك؟.
اتحدى فيه مواصفات انوثه متفق عليها بين الرجال اتحدىىىىى
والاشناب الي اتكلم عنهم هم الاشناب الي ببيئتي ومجتمعي ...ما اقصد غيرهم يالاخووووو
اي والله يازين السنع
و هي ما تعرف تعز أبوها الا بالقروش و القروض و البلاء ؟ و أبوها ما لقة له سنع إلا عند البنت و إن كان شبه الرجل طرطور حرمته هل نعمم و ندعوا للخروج على الفطرة ؟ تحسبا لأي طرطور أو زرزور آخر
لا كان ابوها ضعيف فلوسه على قد حاله وسيارته مصديه وشلون تبغى تعزه الا انها تساعده ماديا...وياكثرهن الي ساعدن ابوانهن لاااا وزوجن اخوانهن لحريم ركبن فوق روسهم ودلن رجولهن بعد.....
والي يعمم انت مو انا.....وانا رديت على انه ليه بتكون الوظيفه مهمه في حياة المرأه
شاهت الوجوه
شاااهت ليه لاء...انا معك بهاذي
و الله ان كنت تشوفين الأنوثة أنك تصرفين على رجلك هذا شي يرجع لك
أنا أشوف أن القرار في البيوت أنوثة
اشوف الي يرضى ان زوجته تصرف عليه اممممم خليني ساكته احسن
ووجهة نظرك بان القرار بالبيوت انوثه انت حر فيها وشي راجع لك
و الله دينك و الله ابتلاك فيه الله يصبرك
و إن أدى ذلك إلى طلاقك و بقائك في منزل ذويك مثل أحد المساند و المساند أكرم لأن الوظيفة هي غاية المؤمنة و رجاءها فمن صبرت على وظيفتها لها البشرى العظيمة و إن أبى ذلك الزوج المتسلط الذي يريد أن يهيمن عليها بدينه المهيمن على كل دين
تستاهلين و الله البيرق على هالنصيحة
الوقت تغير يالاخووو تغير باللللحييييييييييييييييل
ورب الكعبه لو يطلب مني اترك الوظيفه لسبب شرعي واضح
ورب الكعبه لاتركها
ايام القعده مثل المسنده او المركى ولى ورااااح
....لكن المشكله دايم الي يطلبون من حريمهم القعده يكون عندهم عقدة نقصصصصصصص
و الله إن كان الأمان شرق
النسوان جبلة
جبله يعني(قبله)؟
مدري هاذي حكمه ..توني اسمع به
العفو
* اللهم صل على من بين في الدين نقص العقل و الدين عند النساوين قولوا آمين
تبغى اشرح لك ايش المقصود بنقصان العقل والدين
والا اقولك ...ماله داعي بعد