يسعدلي صباحكم!!

[Ms Rose]

مبروك .. سجلتي بصندوق المعسرين ؟؟ ..

أنا واحد من الناس أعيش هاليومين بالضبط لخبطه كبيره بالمواعيد ..

لدرجة وصلت إني صرت أرد من الدوام .. أنام لليل .. وأواصل للصبح .. وهكذا ..

لخبطة ذكرتني بأسير القفص الذهبي .. المأسوف على عضويته "CREATIVE" .. بالزمانات .. عندما كان من كبار السهيره ..

عموما .. التنظيم شيء جيد رغم صعوبته .. والإلتزام بالنظام هو الأصعب .. وإنشالله نحن اللاحقون ..

تحياتي ..

اهلا طرقي

لالا باذن الله اثبت على ماانا فيه

بصراحه احس الحين براحه كبيره الله يتممها علي

اول وضعي كان جداًسيء سهر وعيون مبققه بالشاشه 24 ساعه

الحين نظام وجدول لكي شي

تغيرت حياتي 180 درجه للافضل طبعا

اجل مدرسه على الفاضي

والفال لكم يارب:وردة:​

 

[Ms Rose]

يسعدلي صباحكم......​

صباح جميل و جديد​

ويوم متشابه لباقي الايام في الكويت!​

هاليومين صايره زحمه غير طبيعيه بعد الساعه 11 صباحا​

في كل شوارع الكويت ​

ماني عارفه شسالفه ​

امس رحت باخذ بنت اخوي من المدرسه​

طلعتها الساعه وحده رديت البيت الساعه ثلاث الا ربع​

وربي تمنيت عندي طياره واطير​

انسجنّا بالمكان لا تقدر تلف​

ولاترجع ولاتغير طريقك​

والقراده اني طمرت الرصيف واخذت فوق تحت​

وحاولت اخذ طريج ثاني والنتيجه​

نفس الزحمه ونفس تسكيرة الشوارع​

شسالفه الله واعلم​

بس عن جد رجعت طول يومي تعبانه​

ياساااااااااااااااااتر​

توني عرفت قيمة دوامي ورجعتي للبيت بدري​

اللهم لك الحمد​

قاعده الحين بالصف وشابكه مع ارتشافه من مج نسكافيه ولا اروع​

وطبعا مانستغني عن اختنا العوده فيروز

​

http://www.youtube.com/watch?v=3tHN30qc2cQ​

 

[Ms Rose]

يسعدلي صباحكم......​

رجعنالكم اليوم ثاني​

تستاهلون​

دعوه للضحك والفرفشه​

مع منى شداد​

ويعقوب عبدالله​

في تقليد راشد الماجد واسماء المنور​

بصراحه تقليد يعقوب عبدالله لراشد ابداااااااع​

http://www.youtube.com/watch?v=6I0pdqHDa8w​

 

[Ms Rose]

يسعدلي صباحكم......​

جميل ان الانسان يكافيء نفسه بعد انجاز عمل ما​

سواء يهدي نفسه هديه​

او يروح مشوار يحبه ​

او حتى زي حلاتي يعزم نفسه على كابتشينو​

وبما ان اليوم اربعا ءومن زمان عن الصالحيه​

وبما ان الكابتشينو لاتحلى الا بستار بوكس​

وبما اني انجزت امس عمل طيب​

وبما ان مافي اطفال​

فشكلي بكافيء نفسي الحين وبقوم استاذن واروح​

بس يارب ماتكون الشوارع كلوز​

بااااااااااي​

http://www.youtube.com/watch?v=VDevmsBBT-s​

 

[عزيز نفس]

الزحمة هاليومين الكل يعاني منها

لو مشوار داخل المنطقة لازم زحمة

مشكلتي وبعد المعاناة الوصول للبيت

بيتنا على شارع مدارس

مادري أشتري براشوت؟

بس بالنسبة لج يا مهره يختلف الوضع

تتشكين من الزحمة ورايحة الصالحية هالحزه

أبشري بزحمة وقوية بعد

عموما أتمنى لك مشوار سعيد

​

 

[Ms Rose]

الزحمة هاليومين الكل يعاني منها​

لو مشوار داخل المنطقة لازم زحمة​

مشكلتي وبعد المعاناة الوصول للبيت ​

بيتنا على شارع مدارس​

مادري أشتري براشوت؟​

بس بالنسبة لج يا مهره يختلف الوضع​

تتشكين من الزحمة ورايحة الصالحية هالحزه​

أبشري بزحمة وقوية بعد ​

عموما أتمنى لك مشوار سعيد ​

مارحت

طلعلي مشوار اخر مفاجيء

الحمدلله على كل حال

بدال الصالحيه رحت زياره لمريضه بالمستشفى

عاد كان الشارع ميه ميه فاضي

بس خيرها بغيرها
​

 

[الأصمعي]

ياليت مسميتها نافذة رواد تالي الليل ..

بالتوفيق يالجفول :وردة:​

 

[Ms Rose]

ياليت مسميتها نافذة رواد تالي الليل .. ​

بالتوفيق يالجفول :وردة:​

اهلا بالاصمعي

لا السهر كان مبطي

الحين احنا من اصحاب نام بكير واصحى بكير وشوف الصحه كيف تصير:إستحسان:

يسلموا على الدعوه الطيبه:وردة:​

 

[Ms Rose]

​

يسعدلي صباحكم.....​

ولو اني فازه من النوم مخترعه سبع ونص​

وركضه للدوام​

وشايله الشارع شيل​

يارب تستر علي​

وطول الطريج ادعي ان الله يعديها علي خير​

لاني بالاامس هم كنت متاخره​

مدري شسالفة نومي​

اسكر المنبه وارجع انام​

هاليومين احس ودي انام طول اليوم فيني فقر راحه​

وربي عطاني ماابي ولله الحمد​

الوكيله غايبه والمشرفات دايخات كالعاده وماقالولي ليش متاخره​

وقعت ومشيت​

لا ولي عين بعد مستعجله وشايله بيدي جنطة اللابتوب​

الحين انتي متاخره وحالتك حاله​

شكو ماخذه معاك اللابتوب​

عجبي​

وعلى قولة عبد الكريم عبد القادر مانسينا​

اهداء الى لابتوبي الحبيب​

http://www.youtube.com/watch?v=Md9yowegVXc​

 

[السلطاني]

اسكر المنبه وارجع انام

للتغلب على هذه المشكلة .. ( وهي مشكلة عامة ) على فكرة...

يُفضّل وضع المنبه _ أي كان _ ساعة منبهة أو موبيل بمكان أبعد من ( الكومدينو )

ومو معقولة بعد إبعاد المنبّه أن تبقى تلك المشكلة قائمة...




* كُتب مع فنجان قهوة تركي ساخن _ بدون سكر _ بوضعية جلوس ( رجل على رجل )


يسعدلي صباحكم...:وردة:

 

[الأصمعي]

اهلا بالاصمعي​

لا السهر كان مبطي​

الحين احنا من اصحاب نام بكير واصحى بكير وشوف الصحه كيف تصير:إستحسان:​

يسلموا على الدعوه الطيبه:وردة:​

العفو تستاهلين كل خير ..
و دام حاطة صورة لميس فا إبشري بالسعد



​

وين السهر ده كان زمان .. انا على إن عندي قطعة e-go بس ماحب أشبك إلا بالقهوة و مرات عالسريع أتشيك بالدوام ..

و من عقب القانون الخايس قمنا ننام مبجر ماتصير الساعة 8 إلا خوووووووو بشششششش خووووووووو بشششششششششش

ننطر الويكند حق سهرة الشالية :الخفاش:

 

[Ms Rose]

للتغلب على هذه المشكلة .. ( وهي مشكلة عامة ) على فكرة...

يُفضّل وضع المنبه _ أي كان _ ساعة منبهة أو موبيل بمكان أبعد من ( الكومدينو )

ومو معقولة بعد إبعاد المنبّه أن تبقى تلك المشكلة قائمة...

تصدق حطيته بعيد​

اقعد اسكره وارجع انام​

احب العناد مرات​

* كُتب مع فنجان قهوة تركي ساخن _ بدون سكر _ بوضعية جلوس ( رجل على رجل )


يسعدلي صباحكم...:وردة:

وصباحك:وردة:​

العفو تستاهلين كل خير ..​

و دام حاطة صورة لميس فا إبشري بالسعد ​

اتهقى لميس مضبطتني​

وين السهر ده كان زمان .. انا على إن عندي قطعة e-go بس ماحب أشبك إلا بالقهوة و مرات عالسريع أتشيك بالدوام ..

احسن علشان تجابلون اهلكم شوي​

 

[السلطاني]

تصدق حطيته بعيد

اقعد اسكره وارجع انام

وصلنا لمشكلة آخرى..وهي السيّر أثناء النوم...

يعين الله...:وردة:




* مأساة..وحرق أعصاب..

أمر يتجدد في شوارع الكويت...ومهما حاولت توسيع بالك..وعدم الإهتمام..والتركيز ...

إلاّ أن ( تاكسي جوال ) أو ( دكتور هندي ) أو ( موظفة شؤون ساذجة ) أو ( قائد سيارة يستهبل )

هم من يثيرون أعصابك...ويطلعونك من طورك...!!

 

[Ms Rose]

وصلنا لمشكلة آخرى..وهي السيّر أثناء النوم...

يعين الله...:وردة:

جربها ولا اروع

النومشه شي عجيب​

* مأساة..وحرق أعصاب..

أمر يتجدد في شوارع الكويت...ومهما حاولت توسيع بالك..وعدم الإهتمام..والتركيز ...

إلاّ أن ( تاكسي جوال ) أو ( دكتور هندي ) أو ( موظفة شؤون ساذجة ) أو ( قائد سيارة يستهبل )

هم من يثيرون أعصابك...ويطلعونك من طورك...!!

اووووف

الزحمه بالكويت شيء لايطاق

العام اطلع بعد الدوام اتسوق الظهر اخف وماكو زحمه

الحين مع زحمة الشوارع الظهر

صرت ارجع البيت بعد الدوام مباشره

صرت عاجل

مااتسوق

الا بالويك اند

الكويت صايره في فترة الظهر

كانها القاهره

يااااااااااااسااااااااااااتر:باكي:​

 

[الأصمعي]

وصباحك:وردة:​

اتهقى لميس مضبطتني​

احسن علشان تجابلون اهلكم شوي​

منو أجابل عزوبي الله يهداج

و في البيت ماكو غير الوالدة و لا قعدت عندها ماتبيني أفرفر بالتلفزيون .. محتكرة تلفزيون الصالة لها

و ملينا من الدار


لكن الشكوى لله ..

 

[Ms Rose]

منو أجابل عزوبي الله يهداج

و في البيت ماكو غير الوالدة و لا قعدت عندها ماتبيني أفرفر بالتلفزيون .. محتكرة تلفزيون الصالة لها

و ملينا من الدار


لكن الشكوى لله ..

اسفه:باكي:

لايكون امك تتابع بوعيده

ترى محبوب عند الحريم الكبار​

​

 

[الأصمعي]

اسفه:باكي:​

لايكون امك تتابع بوعيده​

ترى محبوب عند الحريم الكبار​

عاد قلنا كبيرة بس مو لهدجة .. توها متقاعدة

لا بوعيدة إيب لها الحارج ​

 

[Ms Rose]

يسعدلي صباحكم......​

القيها للصادقين فقط.....​

للذين لم تدخل قلوبهم يوما قسوه!​

للذين لايعرفون صفة التلون!​

لمن يتصفون بالشهامه!​

لمن لايعرفون النفاق!​

للواضحين مع الجميع​

للذين لايغطون اعينهم عن الحق بعصابه!!​

لمن يحسنوا الظن بي دائما!​

لمن لم يظلموني يوما!​

لمن عرفوا قلب مهره الطيب والنقي جيدا!​

اقولهم:​

انتم عماد قلبي​

واساسه الذي لن ينهدم​

يسعدلي صباحكم ومساكم​

وايامكم​

يااجمل قلوب​

وانقى بشر!!​

اما الاخرين​

الذين تجرعت منهم​

الظلم والقسوه​

اقولهم:​

ستذكروني ان عاشرتم غيري​

وستبكون علي زمنا طويلا:إستحسان:​

والله يسامح الجميع​

***********************​

ذكرت الناس اللي ذكراهم سيئه بحياتي​

لاني ولاول مره بعد سنوات طويله​

اشرب حليب​

صارلي سنين اصبّح بكوب نسكافيه​

اليوم قلت يعني بصير بنت صحيه​

واشرب حليب​

احس كياني كله تلخبط​

مو قادره اكمل ربع المج​

بس الفرق بين اللي ظلموني وبين الحليب​

ان اللي ظلموني كان وجودهم عديم الفايده بحياتي​

بس الحليب وجوده مهم ولابد منه​

حتى لو مااحبه بس دام يبيلي الخير​

لابد احبه واحاول ماانساه ابد:إستحسان:​

عناد بالنسكافيه​

لاني حبيته واخلصتله وضر صحتي وضرني​

بحب الحليب دام يحبني ويبي مصلحتي

بعدين شفيه الحليب روعه اصلا وطعمه رهيب​

http://www.6rb.com/songs/32457.html​

 

[السلطاني]

:وردة:

صباح الخير...يا ( منطقة )


من يومين بدأت النوم ( بدون تكييف ) .. تفتح ( دريشتين ) وتتلقى النسائم المسائية الكويتية الباردة...

في هذا الوقت من السنة...

ويكون الإستيقاظ أكثر نشاطا....


يسعدلي صباح ( الرايقين ) اللي يكتبون مشاركات طويلة الساعة 8 الصبح....!!:وردة:



على فكرة...

مصطلح ( النومشة ) الذي قيل بمشاركة سابقة...أسمعه لأول مرة في حياتي الممتدة لسنوات طويلة...

وإن شاء الله يطولّ بعمري لسنوات طويلة آخرى.

 

[هنوه]

:وردة:

على فكرة...

مصطلح ( النومشة ) الذي قيل بمشاركة سابقة...أسمعه لأول مرة في حياتي الممتدة لسنوات طويلة...

وإن شاء الله يطولّ بعمري لسنوات طويلة آخرى.

لنعيد صياغه الدعاء للعنزي ( يستاهل الخير )

ان شاء الله يطول عمرك ملبوسا بالصحه و العافيه و على طاعه الرحمن


و على فكره

نطالب المهره بترجمه مصطلح النومشه ليتسنى لنا التعرف عن قرب على هذا المصطلح الجديد