كنت جالس فى الديوانية مع أحد الاصدقاء
ودخل علينا الغالي بندر..
وقام بالسلام على صديقي والتفت الي وقال..
عمي؟
قلت له وكما قال الزير سالم
نعم يا عيون عمك
قال: صحيح أنك راح تتزوج ويجيك عيال وتنساني؟!
قلت له ومن قا لك هذا الكلام؟
قال : والدي قال لي عمك راح يتزوج ويترك اهتمامه فيك !!
طبعا شقيقي أبو بندر يستفز ولده لأنه يعلم حبه لي
فقلت له لن أتزوج واذا فكرت في ذلك ستكون أنت الولد لأنك ستكون صهري وسأزوجك بنتي
فابتسم وذهب
--
هذا الولد قصته قصة
أخذ الغلا كله
وترك لأبنتي الوحيدة الشىء القليل منه
تستغربون اذا قلت بأني أحبه أكثر من بنتي !!
-----------------------------------
أنا وان ضاقت على الدنيا والعالمين رقود
ذكرت اللى يسليني هواه ونازف طعونه
ذكرت اللى بغلاه احيا واعرف ان الأمل موجود
وأعرف بغيبته لو غاب طعم الشوق وش لونه
أنا واللى خلق هالناس وهم له راكعين سجود
يلبونه ويدعونه وكل حزه يعبدونه
أحبه حيل ياخالد ولا لحبه بقلبى حدود
أحبه ومن كثر حبه أحب اللى يحبونه
أحبه كثر ما ينبت بهالدنيا زهر وورود
وأحبه كثر ما غنوا القصيد وشالوا لحونه
غلاكم عندي بالدنيا وهو عندى عليه يزود
غلا نادر غلا ثانى جديد وما تعرفونه
وش أوصف لك وش أحكى لك كلام وللكلام حدود
خفوقي ما تساعده الحروف والبوح مكنونه
لك الله من عقب فرقاه غدن كل الليالي سود
قمرها طيفه الى صرت سجانه ومسجونه