معاناة طلبة الحقوق

[It's Me]

اي عادي انت بجامعة الكويت دايما اذا انظلمت تذكر انك بجامعة الكويت راح تنسى كل همومك,, اشوه اني خريجه لان ان طولت بالجامعه راح استخف من الي اشوفه الله المستعان

والله إنتوا قصصكم سعيدة مقارنة بمعاناتي ..

رايحة شويخ تسجيل الخريجين أقولهم بتخرج .. يقولون ماكو مواد خليها السنة الجاية

شسوي يعني .. أمد إيدي ؟



جامعتي و إن جارت علي خسيسة ٌ .. و دكاترتها و إن ظنوا علي يتمون لئامُ ...

 

[k7elan]

البايفورس بالتربية رايحين من الساعه 6 الصبح معطينا رقم 50 !! وماكو احد !!

وغيرها وغيرها


جامعة الكويت كلها مو بس حقوق



الله المستعان ..

ليش ما نطرت

اخذت رقمي 77 <<< جايهم الساعة عشر الصبح

رحت سجلت لي مواد بالآداب و بعدها رديت للتربية انتظرت بس ثلث ساعة

وسجلت موادي بأيسر ما يكون..!

كان ببالي اني اسجل مادة بالباي فورس لكني وصلتها ل 18 وحدة



بالنسبة لكلية الحقوق انا اللي اعرفه عن نظامهم الغريب انه قريب من نظام الفصلين بالثانوية العامة

و هو نظام مرهق حسب ما يتصور لي


الله يعينكم و و يسهل لكم اموركم , لكن بودي لو اعرف ما دور الاتحاد و الجمعية في هذه القضية.؟

 

[It's Me]

كان ببالي اني اسجل مادة بالباي فورس لكني وصلتها ل 18 وحدة

عزيزي يوسف وهبي .. إنت صبي / شاب / طالب / ذكر

أستغرب أصلا جاي للباي فورس ... في كل مكان المواد تاخذكم بالأحضان .. خصوصا طلبة التربية مقزينها على أبو إنكم شوية

كل المواد إللي أبيها شعب البنات فل و يبون بعد و شعب الشباب فيها عالـخمس و الست مقاعد فاضية ..

فلا تستغرب أنا جربت باي فورس كل الكليات : العلوم - التربية - علوم اجتماعية - آداب - و حاليا تسجيل الخريجين بشويخ ...... شنو الشباب مستريحين حتى لو تكلف و طق درب عالأقل يسجل ...

وإحنا الله يكون بالعون .. زحمة بس الأهم منع الإختلاط يتطبق!!!!!!!!! يامال الضربة ..

 

[k7elan]

عزيزي يوسف وهبي .. إنت صبي / شاب / طالب / ذكر

أستغرب أصلا جاي للباي فورس ... في كل مكان المواد تاخذكم بالأحضان .. خصوصا طلبة التربية مقزينها على أبو إنكم شوية

كل المواد إللي أبيها شعب البنات فل و يبون بعد و شعب الشباب فيها عالـخمس و الست مقاعد فاضية ..

فلا تستغرب أنا جربت باي فورس كل الكليات : العلوم - التربية - علوم اجتماعية - آداب - و حاليا تسجيل الخريجين بشويخ ...... شنو الشباب مستريحين حتى لو تكلف و طق درب عالأقل يسجل ...

وإحنا الله يكون بالعون .. زحمة بس الأهم منع الإختلاط يتطبق!!!!!!!!! يامال الضربة ..

لا تكسرين الشاشة من القهر :باكي:


للأمانة لم تعترضني مشاكل بالتسجيل منذ دخولي لكلية التربية خصوصا قسم العربي

فأنا غير محسوب عى اي قائمة و الكل يخدمني << احم احم

و اليوم اللي رحت فيه للكلية كان عندي بس ثلاث مواد لذلك كنت مفكر بالباي فورس

لكن سجلت مادتين بالتربية تو منزلينها شباب عند احسن الدكاترة

و المادة الثالثة مسجلها بالآداب مع الواسطة حيث عدد المقاعد عند هالدكتور وصل سالب

تسعه و انا العاشر


الله يعين البنات لو اني كنت متوقع ان امورهم اسهل لأني كل ما استطلع المواد القى له

شعب بنات لكن لم اعرف انهن فــــــــــُــل

 

[ودي أتغير ..]

^^^^^


الشباب دايما تسجيلهم يكون سهل .. لانهم عددهم قليل بكلية التربية ..

اما احنا البنات الي مساكين دايما نعاني ..

انا ما استفدت شي من روحتي للبايفورس غير الانتظار والحر والمغثه من بعض الموظفات النفسية .. بس الحمدلله, سجلت عن طريق السستم ..

 

[Venezia]

د.ثقل العجمي مو مقصر معنا >>>والله انه اخلاق وذمه وضمير...
وبالنسبه لسنه اولى كان القبول والتسجيل منزل نسبه القبول الفوري وكان القبول 90.%..
طبعا الدكاتره معترضين على هالشي وخاصه الدكتور وليد الطبطبائي وكانو متشددين بالتصحيح حيل على سنه اولى بهدف تطفيش الطلبه ويصفونهم لان العدد كان كبير مو عاجبهم ...
اما بالنسبه للعميد فلا يحل ولا يربط ...بس اذا دشيت عليه يعطيك الشمس بايد والقمر بايد ....
وتلقاه يصف وياك وبمجرد خروجك من باب مكتبه نسى موضوعك....
د.عادل المانع دايما صاف ضد الطالب وهجومي ولازم تطول بالك معاه لين يهدى يفهمك.......
بس عن جد في دكاتره عندنا الله يهديهم بلا ذمه ولاضمير >>>>>>بعضهم
وفي البعض ينحطون على الجرح يبرى......
وهم عندنا لي اليحن دكاتره ياخذووون فلوس ورشاوي بس من طلبه الماستر......

الزميل ناقد سياسي ..

بداية .. اتفق معاك الدكتور ثقل العجمي .. و نعم الدكاترة انسان فاضل و محترم .. الله يحفظه :وردة:


بالنسبة للدكتور وليد الطبطبائي اظن انك تقصد الدكتور عادل الطبطبائي اللي يدرس مادة القانون
الدستوري في سنة أولى .. مع الاسف هذا نقدر نطلق عليه (قاتل طموح طالب الحقوق) الله يسامحه
شديد جدا و متعسف في تصحيحه للامتحان .. و يتعامل مع الطالب على اساس ان عقلية كبيرة و
واعية مع العلم ان الطالب لا يزال في السنة الأولى في الكلية ! لكن كشرح و طرح اعتقد انه ممتاز
حسب ما سمعت انا حضرت له مرة بس و ما قدرت استوعب منه .. و بالنسبة لكلامي عن الدرجات
فهذا شفته بعيني بالنسبة لزميلاتي اللي خذوا المادة عنده و كنت موجودة لما تكلم عن الدرجات و كيف
ان يبي الطالب يكون فاهم جدا و هو توه بسنة اولى


مادري منو العميد على وقتكم .. بس اجمالا العُمَدَة .. غير صارمين في اتخاذ القرارات و لا حتى
مساعدين العميد للشئون الطلابية لدرجة انك تحس ان رئيس الكنترول اقوى منهم باتخاذ القرارات ..


د. عادل المانع .. من أفضل الدكاترة في الشرح و الطرح و التواصل مع الطلبة .. فعلا مبدع
عطاني قانون الجزاء الخاص في سنة ثالثة .. انسان ناجح و صدقني يحتاج بس انك تتعامل معاه
بطريقة سليمة .. الطلبة دايما يفترضون ان الدكتور ظالمهم .. و على هذا الاساس تتكون ردة فعل
الدكتور .. لكن معاك حق دكتور عادل يبيله شوية طولة بال بس بالنهاية ينصفك و يعطيك حقك
ترى انا اقول هالكلام و انا يبت عنده دور ثاني بس الحق ينقال .. من خيرة الدكاترة ما شاء الله
عليه :وردة:


بالنسبة للرشاوي .. انا ما صدقت لما عرفت عن دكتور أجنبي من الجالية المصرية و جاء اسمه
بين الردود أظن .. بس مع الاسف ان العمادة في الكلية أبقت على عقده و جددته رغم انهم عرفوا
عن الرشوة اللي اخذها و كيف انه كان متعسف بتصحيح الدرجات و غير عادل أبد .. و سرّب
امتحان الفاينل لبعض الطلبة .. ! انا الوم العمادة و الادارة انها ما توقف هذه الامور عند حدها .
و خاصة رئيس الكنترول .. اللي كان على علم بموضوعه .. و ايضا وقفوا مكتوفي الايدي ..

فعلا الكلية تحتاج شوية شد و ضبط .. و اتمنى تتواصلون مع الاتحاد و الجمعية عل و عسى
تطلعون بنتيجة ..

و الله يوفقكم ان شاء الله :وردة:

 

[الزيــــــــــن]

اختي فينيزيا كلامج جميل لا تعقيب عليه ,

العميد هو بدر اليعقوب بس سمعت انهم بيغيرونه او غيروه مو مهم لان اي عميد كان ماراح يسوي شي,

,اللي نبيه ان يلتفت لشكوانا احد الاكادميين علاقل يعني لازم نكلم اعضاء ولا ما ينحل الموضوع ,

بس الدكتور ثقل هو الي واقف معانا نبي احد يتبنى مشكلتنا احنا كطلبه محد قاعد يلتفت لشكوانا نحصل على وعود وما نشوف شي متجاهلينا تماما والقوائم عطوها النحشه , اوقات المشاكل يخشون روسهم مانشوف احد فيهم .

يمكن جمعيه القانون قاعدين يحاولون بس اتوقع ماراح يطلعون بنتيجه الوضع مأساوي جدا , الله اعلم بحالنا .
الدكاتره راكبين روسهم .

اما بالنسبه للدكتور عادل المانع انا ما خذيت عنده لكن لما شفت الفاينل وتصحيحه قلت الله يعين الي ما خذين عنده ,, هذا الدكتور يندرج تحت مقوله ""في الحقوق الدكتور عدو الطالب""

الله بهديهم مانبي شي نبي حقنا ولا يشيرون بالتصحيح على كيفهم لكن الي له حق بياخذه .

 

[It's Me]

كل عام و طلبة جامعة الكويت بخير .. باجر الدوام ..
ترا مددوا تسجيل طلبة الحقوق و حاطين إعلان بالسستم و بالتوفيق للجميع ..

 

[الزيــــــــــن]

كل عام و طلبة جامعة الكويت بخير .. باجر الدوام ..
ترا مددوا تسجيل طلبة الحقوق و حاطين إعلان بالسستم و بالتوفيق للجميع ..

وانت بخير عساها سنه دراسية طيبه عالجميع وموفقين خير يارب
الله يسلمج احنا تسجيلنا كالاتي بس للعلم للي ما عندهم خبر :
-التسجيل راح يكون بالنت
- المواعيد :
سنه رابعه: 6/10
سنه ثالثه:7/10
سنة ثانيه: 8/10


ودعواتي لكم بالتوفيق والنجاج ,, ولا تنسونا من حسن دعاؤكم لان صج طلية الحقوق يستغيثون.

 

[liberalism]

اختي فينيزيا كلامج جميل لا تعقيب عليه ,

العميد هو بدر اليعقوب بس سمعت انهم بيغيرونه او غيروه مو مهم لان اي عميد كان ماراح يسوي شي,

,اللي نبيه ان يلتفت لشكوانا احد الاكادميين علاقل يعني لازم نكلم اعضاء ولا ما ينحل الموضوع ,

بس الدكتور ثقل هو الي واقف معانا نبي احد يتبنى مشكلتنا احنا كطلبه محد قاعد يلتفت لشكوانا نحصل على وعود وما نشوف شي متجاهلينا تماما والقوائم عطوها النحشه , اوقات المشاكل يخشون روسهم مانشوف احد فيهم .

يمكن جمعيه القانون قاعدين يحاولون بس اتوقع ماراح يطلعون بنتيجه الوضع مأساوي جدا , الله اعلم بحالنا .
الدكاتره راكبين روسهم .

اما بالنسبه للدكتور عادل المانع انا ما خذيت عنده لكن لما شفت الفاينل وتصحيحه قلت الله يعين الي ما خذين عنده ,, هذا الدكتور يندرج تحت مقوله ""في الحقوق الدكتور عدو الطالب""

الله بهديهم مانبي شي نبي حقنا ولا يشيرون بالتصحيح على كيفهم لكن الي له حق بياخذه .

الدكتور بدر اليعقوب .. زين بس لي حبتك عيني .. و يعطي درجات اوكي .. بس هم عالمزاج ..

شوفه بس لما يولع السيجار و بدش تكلمه بالمكتب تختنق و تطلع و انت مو واصل لي نتيجة معاه ..

الدكتور عادل المانع :إستحسان: بالشرح

على فكرة اعتقد ان في بنات نوتهم - اغلب المواد الدراسية - موجود ليلحين في المكتبة للتصوير تقدرون تستفيدون منه خاصة نوت دفعتنا 2001

الله يوفقكم و يسهل عليكم يا رب

 

[liberalism]

وانت بخير عساها سنه دراسية طيبه عالجميع وموفقين خير يارب
الله يسلمج احنا تسجيلنا كالاتي بس للعلم للي ما عندهم خبر :
-التسجيل راح يكون بالنت
- المواعيد :
سنه رابعه: 6/10
سنه ثالثه:7/10
سنة ثانيه: 8/10


ودعواتي لكم بالتوفيق والنجاج ,, ولا تنسونا من حسن دعاؤكم لان صج طلية الحقوق يستغيثون.

دايما الحقوق جذي !! يداومون اخر ناس و يخلصون مناهج اول ناس و يظلون شهر كامل يمتحنون !!! هذا على وقتنا .. و الله يعينكم هالسنة

 

[Venezia]

اختي فينيزيا كلامج جميل لا تعقيب عليه ,

العميد هو بدر اليعقوب بس سمعت انهم بيغيرونه او غيروه مو مهم لان اي عميد كان ماراح يسوي شي,

,اللي نبيه ان يلتفت لشكوانا احد الاكادميين علاقل يعني لازم نكلم اعضاء ولا ما ينحل الموضوع ,

بس الدكتور ثقل هو الي واقف معانا نبي احد يتبنى مشكلتنا احنا كطلبه محد قاعد يلتفت لشكوانا نحصل على وعود وما نشوف شي متجاهلينا تماما والقوائم عطوها النحشه , اوقات المشاكل يخشون روسهم مانشوف احد فيهم .

يمكن جمعيه القانون قاعدين يحاولون بس اتوقع ماراح يطلعون بنتيجه الوضع مأساوي جدا , الله اعلم بحالنا .
الدكاتره راكبين روسهم .

اما بالنسبه للدكتور عادل المانع انا ما خذيت عنده لكن لما شفت الفاينل وتصحيحه قلت الله يعين الي ما خذين عنده ,, هذا الدكتور يندرج تحت مقوله ""في الحقوق الدكتور عدو الطالب""

الله بهديهم مانبي شي نبي حقنا ولا يشيرون بالتصحيح على كيفهم لكن الي له حق بياخذه .

الدكتور بدر اليعقوب .. اعتقد لو اجتمعتوا كلجنة و يمثلكم طالب او طالبة معينة و تدخلون عليه
بشكواكم يمكن يسمع لكم .. انا ماعندي نظرة كاملة عنه كدكتور و عميد .. لكن ان شاء الله تطلعون
بنتيجة معاه .. و حاولوا تنتقون الوقت المناسب عشان تكلمونه .. هو محامي و كان وزير سابق

يعني شدوا حيلكم بالتوقيت المناسب و الاسلوب المنمق و إلا ما تطلعون بنتيجة ان شاء الله ..

بالنسبة لجميعة القانون منو اللي ماسكها الحين المتحدون ولا المستقلة ؟ المتحدون ترى يشتغلون و
تقدرون تاخذون منهم نتيجة بشوية الحاح منكم وتواصل معاهم .. و لا يهونون المستقلة طبعا بس
على ايامي المتحدون سوت شغل ممتاز ما شاء الله .. و من هالمنطلق انا تكلمت ..

أما الدكتور عادل المانع على العكس صدقيني تراه فعلا من خيرة الدكاترة مثل ما قلت لج انا طلعت عنده
بـ mm و ما اعتقد احد يطلع بهالنتيجة و يمدح الدكتور بعد بس تأكدي أنه فنان بالشرح
و تقدرين تعتمدين على النوت فقط دون الكتاب و مثل ما قالت لج شقيقتي liberalism دايما
استعينوا بالـ نوت الخاص بالدفعات السابقة لانها ممتازة و كلنا درسنا منها .. كل دكتور يحب
شرحه و خاصة دكتور عادل لان شرحه فعلا يغني عن الكتاب و مختصر مفيد .

شدوا الحيل و قلوبنا معاكم والله و اذا فيه اي شي نقدر نقدمه لكم ماراح نتأخر بس أنتوا بلغونا

و الله يوفقكم يا رب :وردة:

 

[الزيــــــــــن]

الدكتور بدر اليعقوب .. اعتقد لو اجتمعتوا كلجنة و يمثلكم طالب او طالبة معينة و تدخلون عليه
بشكواكم يمكن يسمع لكم .. انا ماعندي نظرة كاملة عنه كدكتور و عميد .. لكن ان شاء الله تطلعون
بنتيجة معاه .. و حاولوا تنتقون الوقت المناسب عشان تكلمونه .. هو محامي و كان وزير سابق

يعني شدوا حيلكم بالتوقيت المناسب و الاسلوب المنمق و إلا ما تطلعون بنتيجة ان شاء الله ..

بالنسبة لجميعة القانون منو اللي ماسكها الحين المتحدون ولا المستقلة ؟ المتحدون ترى يشتغلون و
تقدرون تاخذون منهم نتيجة بشوية الحاح منكم وتواصل معاهم .. و لا يهونون المستقلة طبعا بس
على ايامي المتحدون سوت شغل ممتاز ما شاء الله .. و من هالمنطلق انا تكلمت ..

أما الدكتور عادل المانع على العكس صدقيني تراه فعلا من خيرة الدكاترة مثل ما قلت لج انا طلعت عنده
بـ mm و ما اعتقد احد يطلع بهالنتيجة و يمدح الدكتور بعد بس تأكدي أنه فنان بالشرح
و تقدرين تعتمدين على النوت فقط دون الكتاب و مثل ما قالت لج شقيقتي liberalism دايما
استعينوا بالـ نوت الخاص بالدفعات السابقة لانها ممتازة و كلنا درسنا منها .. كل دكتور يحب
شرحه و خاصة دكتور عادل لان شرحه فعلا يغني عن الكتاب و مختصر مفيد .

شدوا الحيل و قلوبنا معاكم والله و اذا فيه اي شي نقدر نقدمه لكم ماراح نتأخر بس أنتوا بلغونا

و الله يوفقكم يا رب :وردة:

كلامكم اخواتي فينيزيا وليبرا فعلا يطيب الخاطر بس شنقول هذي اخر سنه والله يسهل الامور ويفتحها علينا ,, الحمدالله على كل حال

ولا هنتو اخواتي راح احتاجكم,, افكر اكمل الماستر بعد ما اسجل اكيد راح استعين بخبرتكم وانتو ما تقصرون معاي الله يبارك فيكم ويفتحها عليكم ما تصورون شكثر ردودكم ريحتني .

اشكركم من كل قلبي :وردة::وردة:

 

[الزيــــــــــن]

بالنسبة لكلية الحقوق انا اللي اعرفه عن نظامهم الغريب انه قريب من نظام الفصلين بالثانوية العامة

و هو نظام مرهق حسب ما يتصور لي


الله يعينكم و و يسهل لكم اموركم , لكن بودي لو اعرف ما دور الاتحاد و الجمعية في هذه القضية.؟



[/QUOTE]
يوسف وهبي
اخوي العزيز نظام الدراسة في الحقوق نظام فصلين مثل الثانويه العامة بالضبط يعني بالفاينل ندرس الكورسين وموادنا ثابته في الكورسين يعني المواد الي ندرسها بالكورس الاول اهي نفسها نكملها بالكورس الثاني ,, الدراسه جدا مرهقا لكن ممتعه تربي فيك قوة في كل المجالات التحدث واللباقه والحضور الذهني والذكاء وتحس انك شخص مميز في المجتمع تعرف كل شارده ووارده وتفهم بكل شي الاقتصاد ,السياسه,القانون طبعا,الامور النفسيه ,وتكوين الشخصيه وتفهم الشخص الي جدامك قبل لايتكلم تخيل لي هذه الدرجه واشياء كثير تنسيك صعوبه الدراسه ,, انا شخصيا كنت شي قبل دخولي الحقوق وصرت شي ثاني مختلف وبصراحه احس برضاء تام عن نفسي وباليوم احمد ربي مليون مره لاني بالحقوق وبين هالدكاتره , مثل : د. ثقل د. عبيد د. عبدالعزيز العنزي وغيرهم من افاضل الدكاتره
. لكن بعض الدكاتره اللي هم اعداء طالب الحقوق مايشرفني اني اكون طالبه عندهم ,,

الاتحاد ليس له دور اما الجمعيه حاولت محاوله خفييييييفه لكن النتيجه متوقعه ما سوت شي.

خلاص سلمنا الامر الى رب العالمين هو خير مغيث لنا ,, اشكرك جدا على الدعوه الطيبه ولك مثلها ,, موفق خير يارب

 

[بنت ** الشيخ]

اخ يالحقوق يبتيها عالجرح .. انا طالبه دفعه 2006 وهالسنه انشالله خريجه شفت ظلم ماشافه احد بالكليه
والكليه وان كان فيها دكاتره ممتازين امثال د. ثقل بيض الله وجه الا ان الظلم فيها طاغي على كل شي

لكل حقوقي (( الله يعينك)) بس شنسوي كليتنا وعزيزه علينا والله يوفق الجميع

 

[Venezia]

كلامكم اخواتي فينيزيا وليبرا فعلا يطيب الخاطر بس شنقول هذي اخر سنه والله يسهل الامور ويفتحها علينا ,, الحمدالله على كل حال

ولا هنتو اخواتي راح احتاجكم,, افكر اكمل الماستر بعد ما اسجل اكيد راح استعين بخبرتكم وانتو ما تقصرون معاي الله يبارك فيكم ويفتحها عليكم ما تصورون شكثر ردودكم ريحتني .

اشكركم من كل قلبي :وردة::وردة:

عزيزة و غالية زميلتنا الزيـــــن .. عسى الله يوفقج و تتخرجين و ترتاحين من كل هالتعب
و يوفق كل الطلبة و الطالبات معاج .. ريحي بالج و لا تشدين اعصابج نهائيا .. لانج بكل الاحوال
بتتخرجين ان شاء الله و بعدها الماستر و الدكتوراة ياارب

و انا و اختي بالخدمة باللي تحتاجينه و ما قصرتي على الدعوات الطيبة بارك الله فيج :وردة:

 

[الزيــــــــــن]

عزيزة و غالية زميلتنا الزيـــــن .. عسى الله يوفقج و تتخرجين و ترتاحين من كل هالتعب
و يوفق كل الطلبة و الطالبات معاج .. ريحي بالج و لا تشدين اعصابج نهائيا .. لانج بكل الاحوال
بتتخرجين ان شاء الله و بعدها الماستر و الدكتوراة ياارب

و انا و اختي بالخدمة باللي تحتاجينه و ما قصرتي على الدعوات الطيبة بارك الله فيج :وردة:

حبيبت قلبي عساكم عالقوه يارب:وردة::وردة: