رواية صراع مع النفس بقلمي احمد العصيمي دش ومنت ندمان

ا

المتوكل على الله

عضو مميز
واصل عطاءك يااحمد فالكتابه رياضه فكريه ولابد من الاستمرار حتى يرتفع لديكمستوى اللياقه الذهنيه ... من يشتغل في الادب يمتاز بخصال انسانيه رائعه وانت منهم
 
ا

احمد العصيمي

عضو ذهبي
المتوكل على الله قال:
واصل عطاءك يااحمد فالكتابه رياضه فكريه ولابد من الاستمرار حتى يرتفع لديكمستوى اللياقه الذهنيه ... من يشتغل في الادب يمتاز بخصال انسانيه رائعه وانت منهم
أنقر للتوسيع...

الله يبيض وجهك ورايك شهاده اعتز فيها
وان شا الله دايما اقرا ردودك على قصصي لنك من الناس اللي الواحد يتشرف فيهم
 
ا

احمد العصيمي

عضو ذهبي
في احد الايام
بدر: ساااااره ساره
ساره: نعم
بدر: وين يعقوب ؟
ساره: بصراحه هو من البارح مو فالبيت
بدر: لا تقولين مسافر البحرين
ساره: بدر خل اليوم يعدي على خير ولك مني اني اكلمه وما يصير خاطرك الا طيب
بدر: هالمره بطوفها عشانج بس المره اليايه ما راح اسكت
الفجر
وصل يعقوب من السفر
بالحوش اللي عند الباب الخارجي
كانت ساره متوتره كل شوي تطل من الباب وبعدين ترد تمشي بالحوش لنها تدري انه يعقوب هالحزه راح يوصل وتبي تكلمه قبل ما يشوفه بدر وعيونها عين عالساعه وعين عالباب
وصل يعقوب البيت
يعقوب استغرب من وقفة ساره عند الباب وقبل ما يسالها
ساره(بلهجة امر):يعقوب تعال معاي داري
بغرفة ساره
يعقوب:ماكو الحمد الله عالسلامه تو ما نور البيـــ
قاطعته ساره: انته وبعدين وياك عيزت وانا ارقعلك اليوم بدر سالني عنك وانا هديته بس لي متى بتم اهديه
يعقوب:انا ماني صغير انا ريال ومحد له كلمه علي
طلع يعقوب من غرفة ساره
بدر كان قاعد بالصاله ولمح بدر
بدر: انته ما تقدر احد البيت صاير فندق تبدل وتطلع وتغط بالايام
يعقوب: اقول استريييييح انته اخوي مو ابوي مالك كلمه علي لك كلمه على خواتك انته حر واياهم اما انا لا انا ريال
بدر(بصراخ): انته محد مالي عينك الظاهر الكلام ما يفيد معاك
يعقوب(بصراخ):لا ما يفيد معاي وورني شبتسوي ؟
دخلت على صوت الصراخ عمتهم منيره
العمه منيره: بدر يعقوب بسكم نجره (بصيغة السؤال) انا موجوده واتهاوشون
رد عليها بدر بصراخ:انتي موجوده شكليا وهاده البيت بللي فيه كل واحد يسوي اللي يبيه
منيره(خانقتها العبره) انا يا بدر ينقاللي هالكلام وانا اللي مو مخليه عليكم قاصر
طلعت على الصوت ساره وخذت يعقوب معاها غرفتها عشان ما تكبر المشكله
بدر:وشنو اللي ضيعنا غير الدلع الزايد
منيره حست انها ودها تتكلم عن سنين الظيم وعن الوحده اللي تحسها بسببهم وعن نار الحبيب البعيد اللي ما تدري وينه حست انه دموعها بتسبق السانها وراحت غرفتها ودموعها على خدها ..
بدر طلع من البيت
وبنفس الوقت كانوا ريم وشوق عند الدرج يتسمعون
ريم: ابيييييه صارت مشكله بينهم
شوق مسكت ايد ريم: انا خايفه انا خايفه و(بجت)
ريم حضنتها وتحاول تهديها
(شوق عندها فوبيا من الاصوات العاليه من طفولتها لغاية يومنا وهي تخاف من الصوت العالي دايما تحس انه بعد الصوت العالي راح تفقد احد)
ريم: شوق شفيج تبجين ؟
شوق: تذكرت شكان يسوي فينا ابوي
ريم والدموع بعينها:ذكرتيني بشي ما ينسي الظاهر حتى بيوم العظله مشاكل امشي داري قبل لا يحوشنا طشار
بغرفة ساره
ساره:انته لازم تتاسف من بدر مو كافي كدرت امنا
يعقوب:اووووووووووه
وطلع من الغرفه وسكر الباب حيييل وراح غرفته
ساره: فوق شينه قوت عينه
بغرفة منيره
منيره حست بمراره وذهول معقوله بدر اللي اعتبره كل شي بحياتي واغليه واعتبره قطعه مني يقوللي هالكلام وكان اصدق تعبير لصدمتها دموعها اللي بللت خدها
ساره راحت غرفة ريم
كانت ريم حاضنه شوق
دخلت ساره
ساره: انتوا اهنيه وما شفتوا الهواش اللي صار
ريم اغمزت لساره
ريم: ههههه ما صار الا الخير
ساره مستغربه
ريم اشرت لساره بايدها اطلعي
طلعت ساره
ريم الحقت ساره
ريم: انتي شلون تقولين هالكلام جدام شوق
ساره: ليش
ريم: صارلها ساعه تبجي وانا اهديها وتقول تذكرت بسبة الصوت ايام (باستهزاء) الوالد
ساره: من قال اني اصلا نسيت ايامه خليها على الله
وراحت ساره غرفتها وبدون ما تتكلم اي كلمه زياده
ريم:مالت على حظي الناس ابوهم يتركلهم فلوس او حتى ذكريات حلوه ابونا ما ترك لنا الا الهم والغم
منيره سمعت صوت واحد يطق باب غرفتها
منيره: منو
بدر: يما انا بدر
منيره ادخل
دخل بدر وباس ايدها وراسها
بدر: يما سامحيني كنت معصب
منيره: عمري ما ازعل منك وما يصير خاطرك الا طيب انا الحين اكلم يعقوب
بغرفة يعقوب
منيره: وانا عاذرتك بس انا لي غلاة عندك
يعقوب: هذي ما يبيلها حجي
منيره:تنزل تتاسف من بدر يما ترا عقب عيني مالكم الا بدر
يعقوب:بعد عمر طويل الحين انزل اكلمه
يعقوب راح الصاله وشاف بدر
يعقوب:بدر انا اسف لا تاخذ بخاطرك
بدر:انا مو شايل عليك بس قبل لا تسوي شي حطني فالصوره ما يصير ادور عليك القاك مسافر
يعقوب: معاك حق وصدقني اخر مره
منيره: ايه ابيكم على قلب واحد وما يفرق بينكم شي
 
ا

احمد العصيمي

عضو ذهبي
بغرفة شوق
شوق: والله العظيم ما فيني شي خلاص ارتاحي
ساره: شوق احلفي انه ما فيج شي
شوق:خلاص يا ساره ما بقا شي ما سويتيه لي يبتيلي عصير وما ادري شنو والله ما فيني شي
ساره بعتب:هذا يزاي يا شوق
شوق:لا تزعلين بس والله العظيم ما فيني شي انتي تعامليني جني ياهل وما افهم
ساره: والله لو يصير عمرج خمسين بتمين بعيني احلى ياهل
شوق: مشكوره انا ياهل
ساره: دام تطمنت انج بخير انا بروح انام تبين شي
شوق: ما ابي الا سلامتج
ساره : الله يسلمج
وطلعت ساره من الغرفه وفتحت الباب بسررررعه
ساره: نسيت لا اقول تصبحين على خير يا احلى ياهل
شوق: ملييييغه
ضحكت ساره وطلعت من الغرفه وراحت غرفتها
بعدها
بغرفة ريم
ريم: ههههه ما تيوز ساره من سوالفها
شوق: والله العظيم اني مرات احسد نفسي انه ساره اختي
ريم: احم احم نحن هنا
شوق: لا تفهميني غلط انتي بعد سبيشل بس انا اقصد انه ساره سوتلنا اشياء وايد ما تنعد ضحت عشانا بكل شي
ريم: حتى انا احس بهالشي والله يا شوق لو تشوفين خوات رفيجاتي اشلون علاقتهم ببعض ما راح اتصدقين بيناتهم حسد وحقد وغيره كلما اذكر انه ساره اختي احمد ربي الله لا يبلانا
(ريم حطت ايدها على حلجها)
شوق: فهمتها يعني طرده
ريم: فهمتيها بسرعه تصبحين على خير
شوق: وانتي من اهله
بغرفة ساره
ساره حست بفراغ كبير وحست انها بوادي والكل بوادي حست انها طبيب يداول الكل بس محد فكر انه بوقت مرضه يداويه على اساس انه دوم يداوي وانه يقدر يداوي نفسه تمت هالافكار براس ساره قالت بينها وبين نفسها : ليش انا وحيده محد يحس فيني ومحد يدورني الا بوقت المصايب ولا بالرخا الكل ناسيني
وطلعت ورقه وقلم وكتبت
بسم الله الرحمن الرحيم
بقايا انسان..كتلةاحزان..خصمي والحكم الزمان
.......عدوي النسيان.......صديقي الحرمان.............
لي مع الامل امل............................ والدمع جريان
.........وفيت وضحيت و جازوني بالهجران ......................
........................................متى اصير والزمن خلان ..........
اقضي ليلي لوحدي سهران ................................................
اسهر مع طيف انسان............. راسمه ببالي من زمان ..............
....................ويا الفرح مالي مكان ...................................
............................طول عمري وانا شقيان ........................
..........برحل .................................................. ............
.................كتر.............................. .............................
.................... حزني .................................................. ..
............................والانين .............................................
.................................................. ................التوقيع
.................................................. ...........شقيان من الزمان
و بجت و بجت بجي يعور القلب ونامت
.................................................. .................................................. ...........
يتبع
اذا لقيت تفاعل
 
ا

احمد العصيمي

عضو ذهبي
عــاتــق قال:
متابع لك و بإنتظار تفاصيل القصة


بمناسبة اانتقاد الموضوعي الا ترى ان فكرة عائلة غنية و تمتلك القصور و الثروة لكنها محرومة من السعادة مكررة بالمسلسلات الكويتية

حتى بالقصص القصيرة على الرغم من قرائتي البسيطة جدا جدا , اذكر قرأت قصة قصيرة لفهد
الدويري ((صانع المتاعب )) و قصة قرأتها لعلياء الكاظمي موزعة بمركز السلطان كذلك تتحدث عن نفس الفكرة

اتمنى لك التوفيق بفن القصة :وردة::إستحسان:

لا يجيك احباط مني , فهذا طبعي فالح انتقد بالشعراء و الادباء و انا ما اقدر لا اكتب شعر او اقصوصة :)
أنقر للتوسيع...

اتمنى تطول بالك
وان شا الله القصه راح تعجبك
 
ف

فزااع

عضو فعال
مساااءك ورد اخوي احمد ...

واهنيك وربي سيناريو ولا اجمل لاسره بسيطه تحاول الوقوف بوجه الانحلال الاجتماعي

وسلمت يمناك

واذا انا ماعلقت الا توي .. هذا مو لخلل في الروايه..؟؟؟

بل هذا تقصير منى .. لاني وربي من زمان عن النت

لافض فوووك يالعصيمي
 
ا

احمد العصيمي

عضو ذهبي
فزااع قال:
مساااءك ورد اخوي احمد ...

واهنيك وربي سيناريو ولا اجمل لاسره بسيطه تحاول الوقوف بوجه الانحلال الاجتماعي

وسلمت يمناك

واذا انا ماعلقت الا توي .. هذا مو لخلل في الروايه..؟؟؟

بل هذا تقصير منى .. لاني وربي من زمان عن النت

لافض فوووك يالعصيمي
أنقر للتوسيع...

مساء النور والغلا
وشهادتك في قصتي هشاده اعتز فيها
وانت متى ما رديت راح تنور الموضوع ان كان امبجر والا متاخر لنك دايما تثري الموضوع وتعطيه قيمه
 
يجب تسجيل الدخول أو التسجيل كي تتمكن من الرد هنا.
أعلى