لاحظت من خلال قرآتي لهذا الموضوع ان كثير من الشباب الكويتي مو طايق بنت ديرته ويشوف فيها عيوب الدنيا طيب بقول لكم شغله تدرون أنه الوضع نفس الشي عند بنات الكويت شكثر بنات شابات مو طايقيين الشاب الكويتي ويشوفونه أسوء رجل بالعالم...
منو قالك مو طايقين بنت بلادنا !!
العيوب ملموسه وموجوده وبشهاده بنات جنسك
بس مافيه مجال للكراهيه
ومسألة اسوء رجل في العالم وجهة نظرك ونحترمها
الكويتي يشوف انه الكويتية مغرورة متكلفه مبذره مصاريفها وايد وماتعرف شغل البيت ولازم خدم وحشم بس ويقارنونها باللبنانيه والسوريه والمصريه انهم هالجنسيات من الحريم مالهم مصرف مايبون مهر مايبون خدامات ...
الواقع واللي حاصل اللي يتزوج شاميه مثلا ولا مصريه بتقعد تشتغل له في البيت شهر شهريين بعدين بتطلب خدامه وبعدين راح تطلب فلوس وتطلب يكفل اخوها وولد عمها وولد خالها واييبهم الكويت عاد احلى لقطة لما اييب ولد خالة زوجته أيهم ولا ياسر ولا ممدوح وكل يوم يزور بنت خاله ويتغدى عندهم والحب القديم يتجدد ..وماني قايله أكثر...
لا عزيزتي قعدوا بالسنين ولا طلبوا خدامات ولا زالوا بالخدمه والحشمه والتقدير
ولا تطلب اخوها ولا ولد عمها وان طلبتهم فما فيها شي
لاجل عين تكرم الف عين
وبالنسبه للخيانات واحلي لقطه فلي بتسوي هالامور ما يحتاج تجيب من برا
الديره مليانه وروحوا شوفي المجمعات منو الي يتسكع فيها اجانب ولا بناتنا!!
بالنسبة للكويتية تشوف الكويتي انه لعوبي غير مخلص بالزواج عنده سفرات ودوانيات مايدري عن البيت ويقط الحمل كله على المره ومايعرف عياله بأي صف "وعلى طاري الصف بغيت أسأل الكويتيين الأبهات اللي معانا بالمنتدى ياترى تدرون عيالكم بأي صف بالمدرسة؟؟" المهم ما علينا عاد الكويتية تقارن الكويتي بالسوري والمصري اللي يخم البيت ويغسل المواعيين ويقعد مع اليهال يدرسهم ...
اللعب مهو باسم الكويتي اقرني معاه الياء والتاء المربوطه
واذا اخطأ البعض فلا يعمم علي الجميع فكم من رجل اراد الحياه السعيده والاستقرار ولكن ضيعتها بنت بلادي
عيالنا ندري باي صف ونتابعهم في ظل ان مدرساتهم منشغلين بالمسجات والضحك والحش والسوالف
ما فيها شي الكويتي ممكن يغسل المواعين ويطبخ يساعد زوجته ويدرس عياله
فخير البشر هو قدوتنا
ولكن اين المراءة الكويتيه من هذه الاعمال ؟
هل هي علي استعداد للكنس والغسل والطبخ
هل عندها استعداد للاستغناء عن الخادمه
هل عندها استغاء عن العمل والاسواق
الاسئله كثيره ولكن اي الجواب المنطقي
انا لست بعدوا انا اتكلم من خلال واقع وتجربه
المهم بالأخير آنا أئييد زواج الكويتي من غير كويتية وأؤيد زواج الكويتية من غير الكويتي لكن بالواقع الكويتي اذا كره الكويتية مثل ما أسلفت يقدر يتزوج من اي ديرة ثانيه حتى السيلانيه يقدر ياخذها بس الكويتية اذا كرهت الكويتي مثل ما أسلفت ماتقدر تاخذ غير الكويتي ولذالك زادوا عدد العوانس بالديرة وأرجع أقول ان شاء الله مع الوقت تاخذ الكويتية حقوقها وتقدر تتزوج غير كويتي لما ولد بلدها يشنع عليها بأبشع الصفات وأيضا انصح الشباب والبنات اللي فيكم يدور نصفه الآخر خارج الديره أتمنى أنه يدورها خارج العالم العربي لأنه العربيه اللي تبي كويتي تاخذه من أجل ماله والجنسيه واذا ضمنت الفلوس والجنسيه راح ترفسه فدوروا برة العالم العربي ولا تعطونها الجنسيه وبس...
زواج الكويتي من خارج بلاده لانها ما لقي زوجه لقي رجل بثوب امراءه
تخرج معه وتعود معه تاكل من المطاعم لا تهتم ببيتها ولا باولادها
يتمعر وجهها لما يقول لها انتبهي لبيتكم وترد فكنا والي يرحم والديك
وزواج الكويتيه من غير الكويتي مو مشكله ولكن شنو بيطلعون عيالها عراقيين ولا سودانيين
شلون يتقدر تتعايش مع المجتمع اذا ما تبي عيال عليها بالعافيه بس بعيال صعبه يروح عمرها تتحسر
عموما مافيه مقارنه ولكن بالنهايه اطالب الكويتيه بالعوده للطبيعه والفطره ان ارادت الحياه الكريمه