الكويت تجمعنا
عضو مخضرم
انت حزنك مهو معقـول ، لكـن نبيـل
ليله الموحش اطول مـن يـد المقـدرة
وين رايح ، هروبك ذنب مثل الدخيـل
آمنٍ فـي بيـوت أجـواد ومـا كـدره
غير أمانه وهو يقصـر مـداه الطويـل
كلّما صوّت الطرقـي عليـه إذعـره !!
كان هذي نهايـات القلـوب : الرحيـل
ما بقى قلب نشتاقـه وفيـه إثمـره !!
ياعسى وادي الفرقـا بطونـه تسيـل
ويحديـك ان بغيـت تـروح ماتعبـره
وان تكاثرت بي قلبـك فأنـا مستحيـل
آتكاثـر عليـك القلـب لـو تنحـره !
لكن اللـي تكاثرتـه عليـك : القليـل
تدفع الليل لك جزيه تخـاف إسهـره !
اشهد اني علـى مـد المفـارق بخيـل
آتكاثـر علـى الغاليـن وزن شـعـره
كيف تقدر على حمـل الفـراق الثقيـل
وانت لامن لبسـت العقـد مـا تقـدره
كيف أجل تلبس عقود الغيـاب وتميـل
وانت عودك طريْ ..وادنى هبوب كسره
كان عزمت في ذبحي (فصبرٌ جميـل )
ابشر بمن سبق ذنبـك لـك بمغفـرة !
لكن ان رحـت لاترجـع وقلبـك ذليـل
قول رديـت تبنـي عمـري وتعمـره
قلب غاليك ، لـك ظـل وزلال ومقيـل
ياعسى الله ياتي بك ، قبل تهجـره !!
فهد دوحان