مشاعركم عبر أبيات الشّعر هنا تتدفّق

[إسبآنيول]

 

[الجمآن]

يا وجودي وجد من / نفسه جزوعه
باقيٍ فيها [ علومٍ ما نستها ] ..!


لا بغ ـا من سجّته ينسى دموعه ..؟
مرّته [ ذيك الع ـلوم ] / وحوّلتها !

 

[خولة]

لآ هل مزن الغيث وأرخى هميله أقوم أطالع ساري البرق من وين @ وأقول يا برقٍ عيوني تخيله لآ تمطر الا يم ( دار المحبين ) .​

 

[ساهر الليل]

انت هاجس خاطري .. وانت فرحة ناظري
يا قريب ويا بعيد .. فيك امسي وحاضري

:وردة:​

 

[خيــال]

يآمطآول ألدنيا على ألشر - وألخير******* أنت أنت وآلدنيا مدآهآ مدآهآ

شف وُش طموُحك وأنت وش تبغي تصير ***وأتعب على ألصعبه وروّض قسآهآ​

 

[مسك الورد]

يامتلف الروح لما تنظر لحالي
الناس نامت وانا عيني سهيره

يهل دمعي مثل وبل الخيالي
من حر مافي الحشا مثل السعيره

اشق جيبي إلا منه طرالي
واصير عقب الفرح ضايق بحيره

 

[شجون الكويت]

ادلهمّ الكـــــــــــون حولي واطْبقـَت سحب الكآبه
أغرقـَت جوفي بدمعي واهلـَكـَــــــــت أخضر حقولي

وينكــــم ياربع عمــــــري ؟ من بقى ما صك بابه؟
مابقى لي صاحبٍ أرمــــي عليه اهــْــــوَن حمولي

الكتابة عن همـــــــــومي ذنب أفْشَل في ارتكابه
هكذا حــــــزني أناني ... غير فرْحـــــــي للّي حولي

من همـــــــــــوم الناس أبني دافعي لجل الكتابه
ما حسَبْت حساب ضاقوْ بْما كتبت او صفّقوا لي
كم كتبت و قيل تكفا ........ هذا شي ما ينحكابه
مو بكيفي صرت وابِل تُرتَقب لحظة هطــــــــولي

ما تعبت ارقى و أرقى .... بالدُّعــــا حالي تشــــابه
مقدر انزِل لو أبنزل ... غصب ترقــــــــــابي رجولي

لي إلهٍ جلّ ذِكْــــــــره عندْ ما اكون فْـ رِحــــــابه
في ركوعـــي في سجـــودي أصْعَد فْـ قِمّة نزولي
لي مكانٍ في الكواكب .... ذا طموحـــــي لسْتُ آبَه
نجم عالي ..ذا مكــاني .. عل موتي هـــو أفـــــولي
باقيٍ يا دنيا شعـــــري يمـــــلئك فخر و مهــــابه
قـــــد يزول فْـ يــــــوم آتي عنـــــدما أنتي تزولي
إنتسبت لْـجَـد مُعْجِز ... دين و عزوم وصــــــلابه
هو أخو نوره معَزّي ... تبطــــي جــــــــداً يا ذُبولي
ولي أبو ما شفت مثْلـَه مُحتسِب مهما أصابه
كل زهدٍ غير زُهْدَه مُفْتَعَـــــــلْ وَهْمــِـي وصــولي
عندي امٍّ مستحيله طيبها صعب اجتنابه
آه يُمّه كــــم أحبّك في شرايينــي تجــــولي

ولي وطن أحيا لعـــــزّه أفتــــــدي ذرّة ترابه
مسلم ..سعودي .. عروبي ذي فروعي ذي أصولي

ولي شقيقٍ ماني اقـــوى نبرة الحــزن فْـ عتابه
كيف عاد ان كان يزعل ؟ أحترق من فرط هُـــولي
ولي ولد عمٍ غمَرني فضله و سِرْت فْـ رِكــابه
شفت له في كل لحظــه فزْعه و موقف رجــولي

ولي حبيبه مستديمه حُب عمــري من شبابه
ما لي فصول ومواسم وَحْــدَها بس هي فصولي

أم قلبينٍ بجــــــــوفي هم بعد كل القــرابه
هم سبب سعدي و مجدي هم سبب خوفي و جفولي

ما فعلت الخير أرجي من بشر فــــــاني إثابه
عالمٍ ربّي بقصـــدي ... وما سبَبْ أطيب فعـــــولي

إن بغيت اعطي فـأعطي فوق ما أقوى اكتسابه
رزق باكر .. همّ باكـــر .. إهتمامي لـَسْتُ أوْلي

ما أفكّــــر في عواقب جور وقتي و انقــــــلابه
أوْثـَق بْمَا عنــــد ربّي .... صعب عن هذا عــــدولي
جُل خيرٍ قد فعلتَه كنت في عَكْسَه أ ُجـــَــــــابه
لم يفاجئني جحود ... ولم يُثِرْ حتى فضــــــــولي
يا زماني قبل غدرك كنت اقول الدنيـــــــــا غابه
يا زماني بعد غدرك ما نقص ما زاد قــــــــــولي

أربعينٍ من تجارب .... أربعينٍ من غــــرابه
أربعينٍ من تأمُّل شكّلت ذاتي و ميــــــولي
الكِبِـــــــر أردى الخطــــــــــايا ما تجبّه إستتابه
أستعيذ بربّي منّه في خروجــــــي في دخـــــولي
كلّ احَـــد يقضي حيـــــــــــاته بين تقصير وإنابه
يستحيل انّك تلاقي ... لاْيّ اْحَد وصفٍ شمـــولي
شفت في الدنيا مهـــــــازل تُفقِد المدرِك صوابه
يفخر الكــــافر بكفره ... تُشْتَم بْقولة " أصولي "
النفاق اكبر رموزه كـــــان في عهد الصحـــــابه
كيف عـــــاد الوقت هذا ..؟ كل شبرٍ به " سلولي "
الرضوخ أصبح فضيله وقول " لا " أصبح دُعابه
والمشاكــل مبتدعها قال : تِلْزِمْكــُم حلـــــــولي
كيف تغيير المعــــــاني يُرجِع الحقّ لْنصَـــــابه
والثوابت مستبـــاحه عند ذول و عنــــــــد ذولي
كل حـــــقٍ دون قوّه زاهـــــق و ثابت ذهـــابه
يُكْتَب التاريخ ناصــع للقوي لو هـــو " مَغـولي "
العدو بالحيـــــــــــل قرّب واضحٍ تكشير نابه
وبعضنا لازال يسأل ظنّكــــــــم أسرِج خيولي ؟
بين تفريط و تطرّف تاه جيلي في خِطـــــــابه
خير اموري هو وَسَطْــــــــهَا ... طال عن هذا غفولي
إحترس يا ذيب و احذر من زمن ســــــــادَت كلابه
الوفا بَه صار عِجْبه .... والغدر فعــــــــلٍ بطولي
لا تثق بالّي تثق به .... بد شكّــــــــك وارتيابه
كم عُهُرْ سافِرْ يُغطّى بْملْمَــــحٍ طاهــــر طفولي
عندي للدنيا ســـــــــؤال وما أبي منها إجــابه
هو يغيّر شي رفضــي .. أو حيادي .. أو قبولي ؟
كن يا دنيا همومـــك جُمِّعَت مثــــــل الذّيابه
سالـَمَت كل الّي قبلي .. تنتظـر لحظة وصــــولي
كلّ غــــدرك ما يســــــاوي في موازيني ذبابه
ربّما لوّك وفيتي .... كان أرّقْنــِــي ذهـــــولي
يا عذولي هاك بوحي هاك جرحي و انسكـــابه
ما سوى ذا وقت سـَـــانح ... قم بدورك يا عذولي
أتعبتني هالقصيده .. فكـــــــر و جروح ورتابه
بس يا هذي القصيده .. أقصريها لا تطـــــولي
يا كـــريم يحب عَفْـــوهْ رحمِتَه تسبق عــــذابه
ألطف بذلّي أمامـــك حينمــــــا يَحْتُمْ مثولي​

 

[Mr.Max]

نفسيـأ ارتـاح لامـن جيـت هالسـكّـه
يا قبلـت الله . ويـا ملحـه علـى بيتـك

يا اغلى من اغليت يا وسط (الورق ) . ( إكّه )
لـو كنـت دمعـه تنهّـدتـك وهلّيـتـك

بلسانـي الطلـق لا شفتـك تجـي لـكّـه
وانـا محنّـك وليـتـك تفتـهـم ليـتـك

بابِ يجـي منـه ريـح ومزعجـك صكّـه
قل منـك مليـت و (اقطعهـا ) اذا جيتـك

وبـابِ يجيـب الهنـا .. ومريّحـك فكّـه
قلي فديتك .. وانـا افـدا حيّـك وميتـك

ما قلت احبـك عبـث وإلا عـن الشكّـه
تبينـي اقـسـم؟. قـسـم بالله حبيـتـك

انـا تولّعـت بـك مـا عـاد لـي فـكـه
مـدري البـلا منـك يالكشخه وإلا إنـي تبليـتـك

 

[مسك الورد]

الزمن يفرض سؤاله كل أجابته محال
السعادة شيئ واضح ولا من وحي الخيال
كلنا محد سلم من تعاسه أو الم
بس من هو اللي فينا من وسط قلبه أبتسم
أنا مو قصدي تشاؤم ولابجراحك أساهم
أنا من قلبي أحاول ألقى بس إنسان فاهم

 

[Mr.Max]

النوم وين النوم ؟؟ يا حارس النوم
..و سهر الليالي لجل عينك نهبنـي
ادري خسرتــــك بس حاصل ومقسوم
..هذا البخــت في شوف غيرك وهبني
خلصـــــت ..!والا باقي ٍ عندي علوم
..وآللــــه مدري .. بس جرحك عطبني ,,

 

[Mr.Max]

درب الهوى بمشيه لرضاك
وبعطيك من شوقي وبغليك

ومهما الشوق جرحني ولاجاك
لا تفتكر انسى ودادك واخليك

تفداك روحي وشوقي يفداك
احبك احبك واموت انا فيك

 

[kuwait1]

لها:وردة:
الحب مثل النوم .. والوصل .. الاحلام..
.. والشيين من الاحلام..صد المحبيين

 

[مسك الورد]

كتبت انا في تالي الليل بيتين,,,
لعيوون من يسوى جميع المخاليق,,,
اللي معاهدني على الزين والشين,,,
واللي بشووفه يصبح الفكر رايق,,,
الصاحب اللي منزله داخل العين
هو الخوي وقت السعه والضوايق

 

[خالد بن يـزيد]

مساااء الخير لا قبلكـ ولا بعدكـ مسااء وخير
تعال وسولف لقلبٍ يحبكـ كثر ما احتاجكـ

مساااء الحب واحشني من البارح عساكـ بخير
ترى مابي من الدنيا سواكـ وضحكة شفافكـ​

 

[هيبة قلم]

تصدق عاد !! أنا والشوق والاحساس والغيره

جلسنا كل واحد يشكي غيابك علي الثاني​

 

[هيبة قلم]

أنت عمرك شفت لك واحد يسولف مع ظلاله ؟


هذا من كثر ماشعر فيك أحس انك ظلالي​

 

[بن ذى يزن]

مساااء الخير لا قبلكـ ولا بعدكـ مسااء وخير
تعال وسولف لقلبٍ يحبكـ كثر ما احتاجكـ

مساااء الحب واحشني من البارح عساكـ بخير
ترى مابي من الدنيا سواكـ وضحكة شفافكـ​

الله ما اروع البيت وناقل البيت

تحياتي :وردة:
​

 

[Mr.Max]

كتبت انا في تالي الليل بيتين,,,
لعيوون من يسوى جميع المخاليق,,,
اللي معاهدني على الزين والشين,,,
واللي بشووفه يصبح الفكر رايق,,,
الصاحب اللي منزله داخل العين
هو الخوي وقت السعه والضوايق

وش أخبارك " يا نسيم الورد لا هب
الهبوب !!
يا شعاع الشمس من بعد المطر ،،
يا دوا همي وغمي والكروب ..
يا صديق الدهر يا ضوء القمر ،،
يا حنين الشوق يا نبض القلوب ..
يا حبيب الناس يا تاج البشر ،،

 

[ابو هـــادي]

للهوا وانتي ومعاذيـر الظـروف
مابقى للقلب من صبـري مفـر


الرجا شمسه بداء فيها الكسوف
والأمل في ساحة الظلـم . .انتحـر


نلتقي في صمت و نتوادع بخـوف
بيننا حتى الحكـي صـار بحـذر


في خواطرنا اختفت حتى الحروف
والمشاعر تبكي من جروح و قهـر


حبنا اللي بالوفاء كان محفـوف
فوق كفـج دمـه اليـوم أنتثـر


لا زمن يرحم http://vb.roooo3.com/showthread.php?t=192440ولا قلبك يـروف
لي متى وانتي سحـــاب بلا مطـر​

 

[Mr.Max]

فرقا الرفيق اللي يبادلنـي الأشواق
أحــس بإحـســـاسـه وأردد حنـينــه
أشتاق لـه دايـم وهـو دوم يشــتاق
وحالت ظـروف الوقـت بينـي وبـيـنـه
وأمسيت دمعي فوق الأوجان دفاق
أشـيــل هــم مــاتــشـيـله مديـنــه