ويك اند + شباب + مجمعات = هواش يهال !!!

[سمو ذاتي]

المدان بجريمة سرقه تصدر عليه حكم بانه سارق
من غير ان تثبت انه سارق ...
فانت تصدر الاحكام هكذا متسرعا على رجال الامر بالمعروف
ولم نرى عملهم اصلا هنا في الكويت ....
وبعدين عندنا مجلس امه يحاسب ويراقب .. واكيد الدوله ستعين مسؤل للامر بالمعروف
وليست سايبه وسيراقبه المجلس... وتكون الحسبه بشروط وضوابط تضهعا الدوله

 

[الأصمعي]

احنا بنستقدم رجال الحسبه من السعوديه ..؟؟
واذا افترضنا انهم سيتصرفون مثل الاخوه في السعودبه
اجتهدوا السعوديين وأخطأو ..
وبعدين لايستخدمون رجال الامر بالمعروف العصي والضرب الا عند الخطأ
اكيد في ناس لم يلتزموا بتعاليم الدين ..

شفت يعني في إسلوب ضرب حسب وجهة نظرهم للخطأ الشرطي ما نرضاها يمد إيده هالمرة هيئة !!​

الشرطة تطبق قانون بلد لكن الهيئة ماعندها شئ إسمة دستور و حرية ​

أنت تبي تطبيق أمور الدين لكن إحنا نبي تطبيق القوانين و الدين للجميع و لكويت يحكمها دستور مثل ما أنت عارف !​

باجر لو تنطق مرة بالسوق بتشوف الدم و الفوضى على أصولها ​

و أنت تعرف لكويتي شلون كلمة مايتحملها هالمرة تستعمل الضرب​

نعيب على هواش الشباب و دفاشتهم و نستعمل نفس إسلوبهم !!​

جذي زدنا من المشكلة ماحليناها​

أنا اقول أي واحد يسوي مشكلة ينحط إسمة الكامل و صورته بكل جرايد لكويت
علشان يكون عبرة و ثاني مرة الكل يحترم نفسة و يخاف من التشهير فيه​

.. تحياتي ..​

 

[سمو ذاتي]

شفت يعني في إسلوب ضرب حسب وجهة نظرهم للخطأ الشرطي ما نرضاها يمد إيده هالمرة هيئة !!

انت تقول يلاحقون الحريم بالعصي ...؟؟ يعني شنو يسون
بالعصي ياترا .. انا اخذتها منك ...

 

[الأصمعي]

المدان بجريمة سرقه تصدر عليه حكم بانه سارق
من غير ان تثبت انه سارق ...
فانت تصدر الاحكام هكذا متسرعا على رجال الامر بالمعروف
ولم نرى عملهم اصلا هنا في الكويت ....
وبعدين عندنا مجلس امه يحاسب ويراقب .. واكيد الدوله ستعين مسؤل للامر بالمعروف
وليست سايبه وسيراقبه المجلس... وتكون الحسبه بشروط وضوابط تضهعا الدوله

و ليش الأذية .. فعل القوانين بالأول تالي يصير خير ..

حتى الهيئة ماراح تنجح في الكويت و إذا طبقت يمكن تنجح في مناطق محافظات الأحمدي و الجهراء و الفروانية بس باقي المحافظات بتصير ثورة مخملية عليهم

تحياتي .. :وردة:

 

[الأصمعي]

انت تقول يلاحقون الحريم بالعصي ...؟؟ يعني شنو يسون
بالعصي ياترا .. انا اخذتها منك ...

الخط الله يهداك وايد كبير

إي معاهم عصي يعني النية مبيته و لا إمش إنصح كافي و وايد أزين لك

 

[سمو ذاتي]

و ليش الأذية .. فعل القوانين بالأول تالي يصير خير ..

حتى الهيئة ماراح تنجح في الكويت و إذا طبقت يمكن تنجح في مناطق محافظات الأحمدي و الجهراء و الفروانية بس باقي المحافظات بتصير ثورة مخملية عليهم

تحياتي .. :وردة:

بارك الله فيك
:إستحسان:

 

[BoJaSSeM]

ياخوي نسوي نفس الفنادق بأجهزة الكشف

بس سالفة الهيلق مايفيد فيهم الخيازرين عندي حل إنساني لهم

كل ما واحد قل أدبة و دش بنجره يحطون صورته و إسمه الكامل بالجرايد اليومية علشان يحرمون .. :إستحسان:

أما سالفة الخز أظن في بعض الشباب ماقامو يعصبون مثل قبل أحس الناس بدت تفهم إن في خز يكون إعجاب موشرط

تحياتي :وردة:

صح كلامك يا الاصمعي عين العقل :وردة:

 

[شادي الخليج]

احنا بنستقدم رجال الحسبه من السعوديه ..؟؟
واذا افترضنا انهم سيتصرفون مثل الاخوه في السعودبه
اجتهدوا السعوديين وأخطأو ..
وبعدين لايستخدمون رجال الامر بالمعروف العصي والضرب الا عند الخطأ
اكيد في ناس لم يلتزموا بتعاليم الدين ..

لا حبيب قلبي ماراح تستقدم مطاوعة السعودية .. لكن راح تستقدم فكرهم .. مثل ما الفاضل العلامة الشيخ محمد هايف - نفعنا الله وإياكم ببحور علومه - قاعد يطبق أجندة إخوان بريدة على مجتمع حر مثل المجتمع الكويتي .. بغض النظر لو تعاطف معاه من تعاطف بحكم القبيلة .. لكن تبقى إطروحاته مرفوضه ولن تمشي على الأحرار ..
بعدين يا سمو ذاتك .. تبي اطلع لك فضايح هيئة الأمر بالمعروف بالسعودية ؟
من خلال متابعتي للمنتديات السعودية ( الليبرالية منها على وجه الخصوص تكون لدي إرشيف لا يستهان فيه من جرائم هيئة الأمر بالمنكر هذه
وانا مسجل عندي إرشيف كامل عن بلاويهم ومستعد اطلعه الآن وانشر لك ملفاتهم حتى تعرف مدى جرم اعضاء هذه الهيئة اللي ظاهرها الورود وباطنها سم فتاك .. الأغلب خريجين سجون حفظوا القرآن بالسجن علشان تسقط عنهم نصف المحكومية .. طلعوا من السجن بلحى ودشاديش قصيره ، طالعوا مامعهم لا شهادة ولا طل بلحاهم .. نطوا عند اقرب راهب - قصدي - شيخ وطلبوا تزكية منه وسيييدا للهيئة وتوظيف وبدأ عمله الميداني في طق خلق الله وظلمهم والتبلي عليهم وتجميع اكبر عدد ممكن من المظلومين والزج بهم في السجون او جلدهم وتحليق رؤوسهم وعلى حسابهم ، أضف إلى ذلك براعتهم الشديدة في كشف مصانع الخمور وبطالة العرق المحلي ((( وذلك لإنهم كانوا في يوم من الأيام من زبائنها ))) فهم يعرفون دروب المواخير وعلم الحبوب والمخدرات .. وبالتالي لو تجرأت صحيفة واحدة وانتقدت الهيئة كما فعلت صحيفة الوطن السعودية ممثله برئيس تحريرها السابق جمال خاشقجي لقابله ذلك صنوف الشتم واللعن والتكفير والشكاوى الإحتسابيه في المحاكم .. هذا غير التهديدات بالقتل والتفجير .. إذا مقر صحيفة الوطن بأبها السعودية مطوق بالمدرعات وحواجز سميت واسلاك شائكة وإذا جمال خاشقجي مر عليه وقت يركب سيارة مصفحة وترافقه سيارتين من المخابرات .. طبعاً هذا كله ردة فعل لأجل نقد تصرفات الهيئة وفضحها وشرشحتها وتبيان علومها لمجتمع ساذج تقوده العاطفة الدينية والفتاوى المبنيه على القياس الأحمق .. هذا الكلام والتصرفات لايمكن ان تحدث في دولة حرة كالكويت .. الكويتي مخه نظيف مو ملعوب فيه ولا مأجره حق شيوخ بوطقه .. وعسى الله يتمم عليه مايحوشه صحوة إخوان بريدة .. ذيج الساعة .. حلاة الهجرة لسويسرا

 

[المال العام]

جنّه الموضوع بدآ يتغير مسآره !!!!؟؟؟؟ ( مآعلينآ )..

يا شباب احسنوا الظن في الي يخزونكم لا تخلي الامر يتطور واذا شفت واحد خزك بدال لا تعصب قول هلا والله وارفع ايدك كانك قاعد تسلم او قوله
صبحك الله بالخير او اي كلمة طيبة حتى لو الريال كان ناوي شر ينحرج منك ويرد عليك بكلمة طيبة

أيوآآ وصلنآ خير .. واللي يقولك إنه لمآ ترفع إيدك وتسلم عليه .. يقولك أشفيك تستعبط لأن للأسف هذي عقليآتهم مآيفيد فيهم أي شي ..!!!

ومشكور عالموضوع الرآئع .. :وردة:​

 

[yousef mustafwi]

اخواني اشكركم على المشاركات , والموضوع بداء يتجه اتجاه اخر غير المقصود

لكن بخصوص ما طرح على السريع في لجنة الظواهر السلبية الى هيئة الامر

بالمعروف والنهي عن المنكر والى عدة طرق , هناك شيء اسمه الرقابة الذاتية

اضف الى ذلك فان في الكويت العديد من السائحين والمقيمين غير المسلمين

فاغلاق المحلات اجباريا خطا كبير يعني شلون اذن لازم تصلي او بالخيازرين على

ظهرك ثانيا رايت في كثير من محلات التي يشتغل بها المسلمون اوقات الصلاة يتم

التبادل ويذهبون للصلاة يعني موجود هل شيء والعمل غير مؤثر في الحفاظ على

صلاتهم , ثانيا هيئة الامر بالمعروف والنهي عن المنكر لا تعطي اي حقوق للمذاهب

الاخرى كالشيعة , فموضوع الهيئة فاشل , بينما لجنة الظواهر السلبية لا نريدها ان

تكون قناع للهيئة الامر والنهي , نحن مع محاربة الظواهر السلبية كانتشار المخدرات

والمشكرات والحد منها و ضبط النفس بدون استخدام اسلوب اسلوب الهيئة وبعدم تدخل

في شئون المذاهب الاخرى .​

 

[حرة بنت الاحرار]

شكرا اخ يوسف على الموضوع ..

ليش صارت هالامور من الاساس ؟؟

فيه خلل تربوي بالاسر والمدارس ..

فيه فراغ كبير عايشينه الشباب

السطحية واللامبالاة وعدم تحمل المسئولية وغياب القدوات سمة عدد لا بأس به من جيل اليوم وللأسف

 

[أبوجود]

السلام عليكم ،

1.الحل بسيط ، لا تخز أحد بس لك النظرة الأولي .
2. وين أهلهم عنهم، كل واحد يخلي ولده لين نص الليل علشان يتعلم الرجولة. خله يشترك في لعبة رياضية أو نشاط مفيد يا مربي يا محترم.

الله يعين الجميع علي الجهل و الأسفاف المنتشر في الكويت و القادم أسوء. واللي عاش فترة برة الكويت أو الوافد تحوشة صدمة أول جم شهر و بعدين مخة يقفل نفس الباقي.

 

[بسكوتة مالحة]

شكرا اخوي يوسف على طرحك لهذا الموضوع

صحيح ربع خزني واخزك وايد بالكويت

ياربي مادري ليش يحسبون الخزة يعني هواش تكون البداية خزة ..كلام غير لائق.. طق.. وبالنهاية محد مسفيد

شي بالعكس تعكر مزاجه ومزاج اللي معاه واللي حولهم

عادي تعودنا

احسن شي الواحد ما يطلع بالويك اند للمجمعات


بالنهاية هذا يدل على مستوى التفكير للشخص نفسه

:وردة:

 

[الأصمعي]

عاد تدرون و بدون زعل

ظاهرة العنف بسبب الخز موجودة بس في مناطق معينه في الكويت

يعني في أماكن لو أحد خز الثاني يتجاهله و يعطيه طاف ..
اما في أماكن ثانية لا الخز معناته إن العجرة قادمة لا محالة

والله أعلم

.. تحياتي ..​

 

[yousef mustafwi]

كل عام وانتم بخير اخواني وبعد غياب وانشغال بسبب الاجازة والعيد نعود اليكم من جديد

اولا الشكر موصول لكل من شارك في هذا الموضوع .

ثانيا اخواني هذا الاشياء الي تحصل وخصوصا من شباب يعني نراهم الحين المفروض يتحملون
نتائج تصرفاتهم ونتامل فيهم خير , لكن من الواضح ان النوايا والظنون السيئة موجودة للاسف
لدى بعض الشباب الطائش مع احترامي لهم .​

 

[Org]

هلا بالغالي وبصراحه فاقدينك
حمدالله عالسلامه
وكل عام وأنت بخير يالبصام
:وردة:​