الجذابين بررررررة !!

[بسكوتة مالحة]

السلام عليكم ​

شلونكم؟؟​

حابة اليوم اتطرق لموضوع جدا مهم او نقدر نقول انها ظاهرة لانها انتشرت بشكل​

كبير جدا في الفترة الاخيرة ..ولا اخص في موضوعي فئة معينة من المجتمع​

لانها موجودة وبشكل ملحوظ سواء كانت عند الرجال او النساء​

الا و هي :​

ظاهر الكذب ​

كثيرا ما نرى في الاونة الاخيرة انتشار صفة الكذب بين افراد المجتمع​

ولكن ؟؟​

انت او انتي؟؟​

فكرتوا مرة من المرات ما هي الاسباب اللي تدفع الشخص للكذب؟؟​

وكيف يتم الكشف عن الكذاب؟؟​

ما هي الحركات او الاشارت الجسدية اللي يقوم بها الكذاب؟؟​

طبعا بالتأكيد تختلف الحركات او الايماءات الجسدية التي يصدرها​

العقل الباطن ما بين الرجل والمرأة ..​

فمثلا :​

عندما يتطرق الرجل للكذب يقوم بحركة معينة او ايماء معين​

*وتسبقه عينيه الي النظر للاسفل​

بينما تنظر المرأة للسقف في حالة الكذب​

*في حالة الكذب يصبح بؤبؤ العين صغيرا​

اذكر موقف صار جدامي لوحدة مسكينة اكسرت خاطري​

جذبت علي بشغلة وما مداها يا عوينتي خلصت الجذبة الا​

ويت اختها افضحتها جدامي​

طبعا انا حاولت اني اتدارك الموضوع ( اتعب عاللغة)​

ولكن السؤال اللي يطرح نفسه؟؟ماهي الحالة النفسية التي يمربهاالكذاب؟؟​

عادة ما يعاني الكذاب من حالة نفسية كبيرة وفاقد الثقة بالاخرين (كل من يرى ​

الناس بعين طبعه)​

ضعيف الشخصية ​

غير واثق بنفسه​

وحاسة السمع عنده تكون قوية جداا ( لزوم الجذب )​

والحين بنهاية موضوعي اتمنى من الرياييل اللي بجذبون يطالعون السقف​

ولو سمحتوا الجذابين برررة (هههههه)​

اشرايكم نفرفش شوي ونقول حق بعض عن المواقف اللي مرينا فيها


مع الجذابين


وشلون كشفناهم؟؟




​

ودمتم سالمين:وردة:​

 

[قديم]

شكرا على الموضوع الممتاز

صج والجذب مشكلة كبيرة

وانا اقول اللى تعود على الجذب صعب انه يوخر عنه

ومن الامثلة اللى سمعتها من احد الجذابين


واحد بالدوام يوم من الايام تاخر عن الدوام ولما اتصلنا عليه قال ان مفتاح سيارته ضايع

عباله ان احنا بالمدرسة )))


ومرت الايام والاشهر وهم تاخر عن الدوام وسالناه شسالفة قال نسى مفتاحه وما يدرى وين

شفتو اشلون نفس الجذبة يكررها الجذاب ومن غير ما يدرى انه قبل امجذبها

تحياتى للجذابين ونصيحة منى لهم اقولهم يوزو عن الجذب )))))))

 

[عبدالله .]

الجذب مشكلة وبلوة خاصةً لو صار جذب على غير معنى ومو لإنقاذ نفسه من موقف
الجذابين انواع ويختلف بين اللي نيته زينة واللي نيته شينة
وبين اللي يجذب لكسب مصلحة ​

عموماً هو بالنهاية جذب واثمه واحد
لكن من ناحيتنا كبشر ممكن نتقبل بعض الجذب والبعض لايمكن نتقبله ​

بالنسبة لي والله صادفت جذابين بس المشكلة اني ذو ذاكرة ضعيفة
لكني ما احب احرج احد وامشي السالفة إن اقتنعت كان بها وإن ما اقتنعت فما همني​

المشكلة برأيي في اللي مابصدق الصج ويصدق الجذب​

مثلاً مسؤولك الدوام لما تقوله تبي تستأذن لسبب معين مايصدقك
ولما تجذب عليه يمشيك !!! فهذا يخلي الشخص يجذب ويستمر بهالصفة
((--- على فكرة انا مو جذي ​

ونفس الشي بالنسبة للأطفال
ليش مرات نقول للجاهل قول الصج وماراح نطقك ولما يقول الصج نطقه
او لما يتصل احد تقوله قوله ابوي مو اهني
هالتصرفات راح تولد عنده كره الصدق والاستمرار عالكذب

يعطيج العافية بسكوووتة :وردة:​

​

 

[@ صافى النوايا @]

شكرا على الموضوع الرائع
يابسكوته
أنا بصراحه اللى أعرف إنه كذاب
سبحان الله كل كلمه يقولها فيما بعد أحس إنه يكذب وما أصدقه
حتى لو يقولى إنه مريض ما أصدقه
بس هذا بصوب واللى يكذبون كذب خيالى بصوب
فيه ناس موطبيعين بالكذب
على غير معنى
مثلا يسوى نفسه شجاع وما يهمه أحد وهو جبان
وكريم هو قمة البخل
وإلى آخره
طبعا الكذب ساعات يجر معاه شغلات ثانيه
مثل شهادة الزور والتضليل والخيانه والنميمه والتفريق بين الأحباب
الله يكافينا شر كل كذاب ويهديهم لطريق الصواب
وشكرا​

 

[أعرابي]

شكراً لصاحبة الموضوع ...بس على فكره الرياييل مايكذبون ...الكذب عند البنات...؟؟

وتذكرت موقف لمصري سرق بوك واحد ولما صادته الشرطه قال...

ياباشا والمصحف مش أنا ...ولما حولوه المخفر طلع (مسيحي)!!

 

[Normal]

المشكله مو بالي يجذب . المشكله بالي تـ جذب وتدري اني ادري انها اتجذب

 

[JeNaN]

كلنا باستثناء الملائكة انجذب بس يمكن الجذب مستويات..

في جذبة لانقاذ موقف ما...جذبة للاصلاح بين اثنين "نادر ماتحصل"..




اكره الجذب الغبي .. حياكة الجذبة بطريقة غير مقنعه...خاصة اذا كانت على موقف ما يسوى



ليش انجذب ؟؟

الحفاظ على صورتنا امام الآخرين..تجميل الواقع




:وردة:

 

[سليل الجود]

فمثلا :​

*وتسبقه عينيه الي النظر للاسفل​

​

انزين

اذا اللى قاعد يجّذب جدّامى حول

انا شسوى ؟


​

 

[الحـــرة]

دخلت الموضوع أحسبك تقصدين الـ( الجذابين ) وليس الـ( كذابين)
قلت أفااااا .. وش عندها بسكووووتة بتطردنا

وما دام الأمر عن الـ( كذابين ) فيا زين طردتهم و الله :إستحسان:..
يا شين المتقنعين المتزيفين المرتدين لزي غير زيهم .. !!

و أنا معكِ أقووول :
برااااااااااا للـ (كذابين )

أما الـ(جذابين ) أمثالنا
فحياهم الله ​

 

[بسكوتة مالحة]

انزين​

اذا اللى قاعد يجّذب جدّامى حول​

انا شسوى ؟​

مممم..

اشلع عيونه لان الجذب عنده دبل

 

[بسكوتة مالحة]

دخلت الموضوع أحسبك تقصدين الـ( الجذابين ) وليس الـ( كذابين)​

قلت أفااااا .. وش عندها بسكووووتة بتطردنا ​

وما دام الأمر عن الـ( كذابين ) فيا زين طردتهم و الله :إستحسان:..
يا شين المتقنعين المتزيفين المرتدين لزي غير زيهم .. !!​

و أنا معكِ أقووول :
برااااااااااا للـ (كذابين )​

أما الـ(جذابين ) أمثالنا​

فحياهم الله ​

حياج الله يا حبيبتي​

وانتي صاجة نبهتيني على نفسي ​

اشوه ان انا من الجذابين بالجيم مو بالكاف​

 

[المطيريه]

انا الحمد لله زرعت الصدق بعيالي من الصغر من بدوا يتكلمون كنت اقولهم اللي يكذب تطلع له حبه بلسانه وانا الوحيده اللي اشوفها طبعا كانوا حيل صغار ويصدقون ومن تصير سالفه كلن يتهم الثاني بالكذب كنت اقولهم بطلوا حلوجكم طبعا الكذاب ما يفتح فمه وي فديتهم حبايبي لاني انا اكره الكذب ولا اثق بالكذاب وصورته تهتز جدامي الله يبعد عنا هالخصله الشينه

 

[عليا]

انا الحمد لله زرعت الصدق بعيالي من الصغر من بدوا يتكلمون كنت اقولهم اللي يكذب تطلع له حبه بلسانه وانا الوحيده اللي اشوفها طبعا كانوا حيل صغار ويصدقون ومن تصير سالفه كلن يتهم الثاني بالكذب كنت اقولهم بطلوا حلوجكم طبعا الكذاب ما يفتح فمه وي فديتهم حبايبي لاني انا اكره الكذب ولا اثق بالكذاب وصورته تهتز جدامي الله يبعد عنا هالخصله الشينه

ههههه ماشاء اللة عليك انتى وعيالك



اللٌة يخليهم لك والصدق الى زرعتية فيهم الحين لاااابد ما تجنين ثمارة بعدين

 

[k7elan]

اذكر مثل يقول الصادق يحسب كل الناس صادقين و الكذاب يحسب كل الناس كذابين
لأجل هذا الكذاب ما يثق بغيره بسهولة , للحق ما اعرف احبك لي كذبة طويلة محكمة
قصيرة عادي لكن للإنقاذ من المواقف المحرجة كالتأخير عن محاظرة
و قتها الكل يصدقني طلبة و دكاترة
لأنه ما عرف عني الا الصدق
و لما اقولها اكون مقتنع فيها اتم القناعه و مصدق نفسي , ما عدا دكتور اذكر ما قبل عذري و بعد كم يوم حزت بضميره و شطب غياب ذاك اليوم


اطرف كذبة سمعتها من واحد ما يعرف يكذب تو كمل 18 سنة ذكر انه كد راح للبحرين مرتين

سأله احد الخبيرين بكشفهم :- رايح لها علي الطريق البري .؟ , قال : ايه عن طريق البر

رد عليه الخبير:- ترى فيه بحر بين السعودية و البحرين , رد قال : يا ولد كنت سكران

المطيريه @
الاطفال يقدرون يكتشفون ان الحبوب ما تطلع لهم لما يكذبون , لكن الحيلة اللي تعلمتها من والدي و علمناها صغارنا , ان اللي يكذب لسانه يصير ابيض <<طلع لسانك و راح نعرف صدقك من كذبك

 

[بونوره]

هههههههههههههههههههه
ياجذبى جذابه أناااا خخخخ

 

[المال العام]

الجذب طبعاً عآده سيئه .. بس أذكر موقف من قوة الجذبه أنآ ضحكت وهم الجذآب ضحك لأنه إنكشف ..

يقولي أنآ لمآ كنت أحبي عمري تقريباً سنتين لمآ صآر الغزو رحنآ للسعوديه ولمآ تحررت الكويت ردينآ بس أول مآ لمست الأرض سجدت وبست الأرض وطآلعت السمآ ( يتأمل الأخ ) ..

للحين مآسكهآ عليه لأنهآ حدهآ قويه .. ومشكوره عالموضوع .. :وردة:​

 

[بسكوتة مالحة]

الجذب طبعاً عآده سيئه .. بس أذكر موقف من قوة الجذبه أنآ ضحكت وهم الجذآب ضحك لأنه إنكشف .. ​

يقولي أنآ لمآ كنت أحبي عمري تقريباً سنتين لمآ صآر الغزو رحنآ للسعوديه ولمآ تحررت الكويت ردينآ بس أول مآ لمست الأرض سجدت وبست الأرض وطآلعت السمآ ( يتأمل الأخ ) .. ​

للحين مآسكهآ عليه لأنهآ حدهآ قويه .. ومشكوره عالموضوع .. :وردة:​

هههههههههه

حدها قوية ما تصدق

العفو :وردة:​

 

[ريميــة]

المشكله مو بالي يجذب . المشكله بالي تـ جذب وتدري اني ادري انها اتجذب

!!!! شلون هذي

 

[بسكوتة مالحة]

أشكر كل من شارك في رده

على الموضوع

:وردة::وردة::وردة:​

 

[سليل الجود]

انا الحمد لله زرعت الصدق بعيالي من الصغر من بدوا يتكلمون كنت اقولهم اللي يكذب تطلع له حبه بلسانه وانا الوحيده اللي اشوفها طبعا كانوا حيل صغار ويصدقون ومن تصير سالفه كلن يتهم الثاني بالكذب كنت اقولهم بطلوا حلوجكم طبعا الكذاب ما يفتح فمه وي فديتهم حبايبي لاني انا اكره الكذب ولا اثق بالكذاب وصورته تهتز جدامي الله يبعد عنا هالخصله الشينه

ماشاء الله تبارك الرحمن

يعنى زرعتى الصدق بعيالج

لكن بكذبه

اللى يجذب تطلع له حبه بلسانه

طيب اذا كبروا باجر وعرفوا ان اللى يجذب ما تطلع حبه

شنو راح يسوون ؟؟

هذا السؤال اللى لابد نتناقش فيه

فتحت الجلسه

:وردة:


​