اليوم وضع ( حكوماتنا الثلاث ) الموقره وضع مظحك ومبكي
بالرغم من خطورة الوضع إلا انه فيه شي من الخبال الزايد عن حده
مافي احد يشك في ضعف وسذاجة حكومة الشيخ ناصر المحمد
وتهور ولقافة حكومة الشيخ احمد الفهد
وتنفيع حكومة الخرافي ( وزير الماليه )
وضع الحكومات الموقره اليوم يذكرني بسيارة التعليم اللي فيها سكانين وبريكين ودواستين بانزين
ولكن المصيبه انه القير واحد وتخيلو وضع السياره ( مره قدام ومره ورى ومره يمين ومره يسار ومرات خمسات )
بحارة الأمان جهة اليمين نواب حكومة المحمد واقفين يأشرون له عشان يوقف لهم ويحملهم عبري ( بمقابل )
وطبعا الشيخ المحمد يبي يصفط لهم ولكن
بحارة الأمان جهة اليسار نواب حكومة الفهد واقفين يأشرون للفهد عشان يوقف لهم ويحملهم عبري ( بمقابل )
وهو ايضا يبي يوقف لهم
وكل واحد فيهم ماسك سكان وبريك ودواسة بانزين ومره يمين ومره يسار والدبه مفتوحه ( خزينة الدوله )
اما الخرافي يذكرني بالمراهق اللي متعلق بالسياره ووزير التوهان قاعد بالدبه ويوكله من المال العام .
ولاحكومة المحمد او حكومة الفهد مهتمين !
طبعا نوابنا الأفاضل ( المعارضه ) مثل اللي يلحقون هالسياره المتخلفه بركابها وسواقها
عشان يصفون على يمينها ويسارها ويثبتونها عالمسار الصحيح
ولكن هناك النواب البصامه مجموعه منهم عاليسار(نواب الفهد) ومجموعه منهم عاليمين(نواب المحمد)
واي معارض يحاول يقرب اطلعو هالبصامه من الدريشه يصرخون على هذا النائب او غيره بمفرداتهم المعهوده
وخر مو شغلك او روح الهث بالشارع مع الناس وانت فيك وفيك ومن هالكلام الساقط
للأسف هذا حالنا وهذا وضع حكومتنا اليوم واللي يقولكم ان الكويت فيها حكومه وحده فهو منافق سياسي او ساذج !
صادوه:
قبل جلسة طرح الثقه بوزير الداخليه طلع تصريح من وزير الداخليه يقول فيه ( انا مجرد حطبة دامه )
واثناء جلسة طرح الثقه شفنا نواب احمد الفهد ونواب ناصر المحمد صوتو ضد طرح الثقه .
وبعد جلسة طرح الثقه شفنا ( حطبة الدامه ) يعيد تعيين عذبي الفهد ( اخو احمد الفهد ) لجهاز امن الدوله
( عرفتو الحين منو يحرك حطبة الدامه ؟ )
وبعدها شفنا السندباد يرحب بعودة عذبي الفهد ويمدح الأخوان احمد وعذبي على سكوب !
وبعدها شفنا الغانم والملا والصرعاوي والعنجري غيرو مواقفهم لأنهم ( توهم يستوعبون الواقع )
او بمعنى توهم يعرفون ان حطبة الدامه سحب نفسه من حكومة المحمد وقدم القربان لحكومة الفهد لأنه يظمن الأصوات البرلمانيه النشاز لصالحه !
وخلونا نرجع ايام انتخابات 2008 عشان نوضح الصوره اكثر !
فرعية العوازم ب 2008 وماحصل فيها من مواجهات كان بسبب ان كل من فازو بالفرعيه هم نواب معارضه تقريبا وعلى رأسهم الحبيني
وفرعية العوازم ب 2009 كان حطبة الدامه ( صمٌ بكم ) لأنه اغلب اللي فيها بصامه .
فرعية مطير ب 2008 وماحصل فيها كان بسبب ان كل اللي فازو فيها نواب معارضه
وفرعية مطير ب 2009 الوزير كان صمٌ بكم لأنهم كانو ظامنين فوز نواف ساري ( محامي احمد الفهد )
وطرقي سعود ( ظابط امن الدوله ) ولكن النتيجه كانت عكسيه على حكومة احمد الفهد وبعدها راح رفع دعاوي قضائيه
واطلعو برائه لأنه مخبر حكومة احمد الفهد وصل متأخر ومالحق على دليل مادي واحد
وبما اني احد سكان الدائره الرابعه وعين بغزي تحديدا
اذكر فرعية الرشايده ب 2008 لما حطبة الدامه ( قلط ) عند فرعية الرشايده بالرابيه
وقعد عندهم وشرب القهوه وكان هب ريح معاهم لين ماخلصت الفرعيه وظمن النواب البصامه
وتوكل على الله وغطى عليهم فرعيتهم ولأن شعيب المويزري احد تلامذة وزارة الداخليه
فكان له نصيب الكرسي ولاننسى كلامه بجلسة طرح الثقه لما قعد يمدح بالوزير لدرجة
انه اساء له وثبت التهمه عليه
http://www.youtube.com/watch?v=hj2bDSPBPVE
التكتل الشعبي :وردة::وردة::وردة::وردة::وردة::وردة::وردة::وردة::وردة:
بالرغم من خطورة الوضع إلا انه فيه شي من الخبال الزايد عن حده
مافي احد يشك في ضعف وسذاجة حكومة الشيخ ناصر المحمد
وتهور ولقافة حكومة الشيخ احمد الفهد
وتنفيع حكومة الخرافي ( وزير الماليه )
وضع الحكومات الموقره اليوم يذكرني بسيارة التعليم اللي فيها سكانين وبريكين ودواستين بانزين
ولكن المصيبه انه القير واحد وتخيلو وضع السياره ( مره قدام ومره ورى ومره يمين ومره يسار ومرات خمسات )
بحارة الأمان جهة اليمين نواب حكومة المحمد واقفين يأشرون له عشان يوقف لهم ويحملهم عبري ( بمقابل )
وطبعا الشيخ المحمد يبي يصفط لهم ولكن
بحارة الأمان جهة اليسار نواب حكومة الفهد واقفين يأشرون للفهد عشان يوقف لهم ويحملهم عبري ( بمقابل )
وهو ايضا يبي يوقف لهم
وكل واحد فيهم ماسك سكان وبريك ودواسة بانزين ومره يمين ومره يسار والدبه مفتوحه ( خزينة الدوله )
اما الخرافي يذكرني بالمراهق اللي متعلق بالسياره ووزير التوهان قاعد بالدبه ويوكله من المال العام .
ولاحكومة المحمد او حكومة الفهد مهتمين !
طبعا نوابنا الأفاضل ( المعارضه ) مثل اللي يلحقون هالسياره المتخلفه بركابها وسواقها
عشان يصفون على يمينها ويسارها ويثبتونها عالمسار الصحيح
ولكن هناك النواب البصامه مجموعه منهم عاليسار(نواب الفهد) ومجموعه منهم عاليمين(نواب المحمد)
واي معارض يحاول يقرب اطلعو هالبصامه من الدريشه يصرخون على هذا النائب او غيره بمفرداتهم المعهوده
وخر مو شغلك او روح الهث بالشارع مع الناس وانت فيك وفيك ومن هالكلام الساقط
للأسف هذا حالنا وهذا وضع حكومتنا اليوم واللي يقولكم ان الكويت فيها حكومه وحده فهو منافق سياسي او ساذج !
صادوه:
قبل جلسة طرح الثقه بوزير الداخليه طلع تصريح من وزير الداخليه يقول فيه ( انا مجرد حطبة دامه )
واثناء جلسة طرح الثقه شفنا نواب احمد الفهد ونواب ناصر المحمد صوتو ضد طرح الثقه .
وبعد جلسة طرح الثقه شفنا ( حطبة الدامه ) يعيد تعيين عذبي الفهد ( اخو احمد الفهد ) لجهاز امن الدوله
( عرفتو الحين منو يحرك حطبة الدامه ؟ )
وبعدها شفنا السندباد يرحب بعودة عذبي الفهد ويمدح الأخوان احمد وعذبي على سكوب !
وبعدها شفنا الغانم والملا والصرعاوي والعنجري غيرو مواقفهم لأنهم ( توهم يستوعبون الواقع )
او بمعنى توهم يعرفون ان حطبة الدامه سحب نفسه من حكومة المحمد وقدم القربان لحكومة الفهد لأنه يظمن الأصوات البرلمانيه النشاز لصالحه !
وخلونا نرجع ايام انتخابات 2008 عشان نوضح الصوره اكثر !
فرعية العوازم ب 2008 وماحصل فيها من مواجهات كان بسبب ان كل من فازو بالفرعيه هم نواب معارضه تقريبا وعلى رأسهم الحبيني
وفرعية العوازم ب 2009 كان حطبة الدامه ( صمٌ بكم ) لأنه اغلب اللي فيها بصامه .
فرعية مطير ب 2008 وماحصل فيها كان بسبب ان كل اللي فازو فيها نواب معارضه
وفرعية مطير ب 2009 الوزير كان صمٌ بكم لأنهم كانو ظامنين فوز نواف ساري ( محامي احمد الفهد )
وطرقي سعود ( ظابط امن الدوله ) ولكن النتيجه كانت عكسيه على حكومة احمد الفهد وبعدها راح رفع دعاوي قضائيه
واطلعو برائه لأنه مخبر حكومة احمد الفهد وصل متأخر ومالحق على دليل مادي واحد
وبما اني احد سكان الدائره الرابعه وعين بغزي تحديدا
اذكر فرعية الرشايده ب 2008 لما حطبة الدامه ( قلط ) عند فرعية الرشايده بالرابيه
وقعد عندهم وشرب القهوه وكان هب ريح معاهم لين ماخلصت الفرعيه وظمن النواب البصامه
وتوكل على الله وغطى عليهم فرعيتهم ولأن شعيب المويزري احد تلامذة وزارة الداخليه
فكان له نصيب الكرسي ولاننسى كلامه بجلسة طرح الثقه لما قعد يمدح بالوزير لدرجة
انه اساء له وثبت التهمه عليه
http://www.youtube.com/watch?v=hj2bDSPBPVE
التكتل الشعبي :وردة::وردة::وردة::وردة::وردة::وردة::وردة::وردة::وردة: