طاب مساؤك :وردة:
عرفتني؟
انا صديقك اللي ما اعرفك... اللي صالحتك مع دون كيشوت وسويت فيك
جميل مفروض ماتنساه
:وردة:
***
شوف:
رمضان هذا غير عن كل رمضانات اللي مرت علي بعمري كله!
رمضان هذا لما عرفت انه حل ضيفاً علينا فرحت فيه فرحة للحين استغربها من نفسي
احس كأنه انسان عزيز جداً ...لأ ...لأ
كأن جزء من جسدي ورجع لي ... لأ ...لأ
كأنه شريان قلبي وتوه يجري الدم والحياة فيه
كل سنة افرح فيه
بس هالسنة غير ...فرحتي فيه غير واكبر واعظم
***
تعرف لعبة سونيك؟ اعتقد كانت بال "بلاي ستيشن" او "السيقا/ السيجا"
سونيك كان مهمته انه يجمع خواتم وكل ما يجمع يمكن 40 خاتم ...يكسب "روح"
بس كل خاتم جدامه عقبااات وصعوبااات وشد اعصاب ...وتناقز وتصارخ وتكفخ اللي عندك
وطبعاً ماننسى اقوى عقبة واللي هي لما تكون وصلت للمرحله النهائية ...وفجأه
الخدامه شايلة الفيشه
"يبي يسوي خمي غرفه"
المهم
في لحظه مستحيل اي شخص لعب سونيك ممكن ينساها
اللي هي لما يلقى "نطاطية سرية" ولما ينط عليها يرتفع فوووووووق للسماء
ويلقى خوااااتم كثيييييره
وماكو عقبات وخذ راحتك وانت تاخذ الخواتم
برمضان هذا
حسيت اني لقيت "النطاطية السرية" واني لقيت خواتم اشكثر اشكثر
وقاعد اخذ وفرحااان وماكو عقبات
بس للاسف الوقت خلص بدري
ماشبعت من رمضان
يالسلطاني
ياصديقي "اللي سويت فيك جميل مش ممكن تنساه" ...انا متضاايق !
مابي رمضان يخلص
مو معقوله انه كان شهر كامل!!
هذا اقصر شهر مر علي !!
***
شنو ابي منك ؟
ولا شيء !!
انت قااادر ترد يوووم واحد عشان اتعشم ترد لي شهر بحاله !!
انا اتحلطم "حلطمة ماقبل العيد" والسلام
***
وعلى فكرة انا مو "فلان" هذاك .. لأ ...فهمت؟
يعني اقصد "ابااااااا"
مافهمت؟!
***
وكنت مار عشان اقولك :
اتجاوز كل المسرعين
افحط يسار ويمين
وأغبر على الجالسين
وأقولك : من العايدين
:وردة::وردة:
وترى باجر بيطلع شوشو من الحبس ...ديربالك ومو كل غلطاتك اقدر اصلحها لك