السلام والوئام عليكم ورحمة الله وبركاته
اكتب لكم مقالي عبر منتدي الشبكة الوطنية الكويتيه الراقي واتشرف بمن يقرأ مقالي
ياحرس ما نبي استحسان او استهجان يا سعادة الرئيس انت اليوم تدافع عن الجويهل واسلوب امن الدوله ليش يبون يقصون راسه الاجدي منك تحتوي الفتنه من البدايه مع اخوانك النواب واغلبهم اكثر من رقمك دبل وتربل بعد بالانتخابات وزكوك بالرئاسه رقمك رقم مرشح ساقط بالدايره الرابعه والخامسه
عموما بتصريحاتك قاعد تدفع تجاه التازيم والاستجواب تعاند النواب وسالفة انك تدافع عن مواطن هذا موصحيح اطلاقا وبتاتا البته تدري ليش لانك دايمن بقاعة عبدالله السالم تبي تطرد الجمهور ومنو الجمهور مواطنيين لهم قضايا مصيريه مثل قضية القروووووووض تذكر يا حرس مانبي استحسان او استهجان(((استحسان او استهجان))) كلمتك المعروفه والمشهوره وربي ما همك المواطن اقسم بالله ما همك لو انت صاج كافي قضية القروض اللي هدت حيل الاسر الكويتيه ... اذكرك ازمة المناخ من كان وراها ومن ارداد استجوابك لما كنت وزيراً للماليه بسنة 85 لما انحل المجلس وتعلق الدستور تقدر تقول شنهي المديونيات الصعبه ومن كان وراها وشنو اسبابها.... والحين اسئلك من وراء اغراق الشعب الكويتي وتوريط الاسره الكويتيه بالديون
وربي ما همك المواطن وربي ماهمتك الاسره الكويتيه وربي ماهمك بعض ارباب الاسر القابعين بالسجون وربي ما همك بعض المواطنين من عليهم القاء قبض ومنع سفر وربي بعض حالات الطلاق بسب مشاكل ماديه وبسبب الديون والقروض وربي تشتت اسر وضاعوا اولادهم وربي صار انحلال اخلاقي وجرائم بسبب الديون والقروض...... وربي ما وقفت تجاه التجاوزات ولا الاختلاسات ولا قفت في وجه بعض القياديين والمسؤولين لمنع هذه الامور كل همك تصير الرئيس وحصلت عليها(( استحسان واستهجان)).
جلسة 5/1 هذا اذا استمر المجلس وتهنيت بالرئاسه طبعا راح نحضر الجلسه ونشوف المواقف ومن وقف مع الشعب63 الف مواطن ما هموك 490الف مقترض ما هموك ما همك الا مواطن واحد تأسف بإسلوب امن الدوله معاه امن الدوله منو ابناء الكويت بس بذكرك وعلي راسهم الشيخ عذبي تعرف منو الشيخ عذبي فهد الاحمد الجابر الصباح مستحيل يظلم احد لانه يكفي بس انه ولد الشهيد الشيخ فهد الاحمد الجابر الصباح ولا بقصور بباقي الاخوان بامن الدوله اللي سهرانين علي امن البلد.