خذاني الشوق وأبحر بي على مركب شقا عمري
وخلاني بهالدنيا أقول أسرار مدفونه
أثاري الشوق ياخذني مع أيامي بدون أمري
ويجبرني على ماقول ومنه الروح مغبونه
هلكني الحب ياعالم نحل حالي وأنا مدري
ضرير الشوف مايدري يطارد خلف مضنونه
يمر اليوم بعيوني ويمضى ليلة ويسري
وأنا مثل الكسير اللي سواد الليل بعيونه
أخفي دمعتي وأكتم وأساير في الهوى صبري
وعساي ألقاك ياعمري قبل قبري يحفرونه
وأعيش بدنيتي مرتاح ويغيب الهم عن صدري
وتسامرني بنورك ياقمر دنياي في كونه
خذاني الشوق وأبحر بي على مركب شقا عمري
وخلاني بهالدنيا أقول أسرار مدفونه