اســــــوأ مطعـــم فـي الـكــويــت

[هدى الكويت]

انا محب اكل المطاعم لكن اذا اكلت يااكل ماكلدونلز نظيف واكله حلو او سب واي صحيح انه اكلهم كانه اكل مستشفى بس بدون فات ونظيف وتقبلي مروري مشكوره

العفو وشكرا على مرورك
وفعلا انظف واحسن اكل اكل البيــــــت

 

[سدرة المنتهى]

اسوااء مطعم بـــلا منازع كنتاكي .. ونايف .. غير لزفرة الدجاج مو مطبوخه عدل نيه وفيها دم !!
وبرجر كنج لدرجة الخس لونها بنيه ذبلانه !!

:

ويقولون ليش كثرت الأمراض من هالسموم اللي ناكلها​

 

[BoOmarQ8]

فرايديز اللي بالخليج ... غالباً مقبلاتهم بايتة (باردة)

The gardens بالأفنيوز و هم توه فاتحين فرع بالمهبولة ... شفت زحمة عنده قلت يمكن زين ... ولا ما عندهم إلا وجبة وحدة
سلطة خس و مُكسرات ... و الطبق الرئيسي ستيك لحم ويا سوس (السوس كان حلو نوعاً ما) و غالي مقارنة بمطاعم أحسن منه بواجد

دعوات بالمهبولة (أو المنقف ما أعرف أفرق بين المناطق على طريق الساحل) ... مطعم مواعد و سمعته مو شي ... و أكله الله يعز النعمة

دومينوز ترا مستواه مو شي بالكويت بيتزا هت أحسن منه ... بس برا الكويت العكس

 

[ريما القمر]

.

The gardens بالأفنيوز و هم توه فاتحين فرع بالمهبولة ... شفت زحمة عنده قلت يمكن زين ... ولا ما عندهم إلا وجبة وحدة
سلطة خس و مُكسرات ... و الطبق الرئيسي ستيك لحم ويا سوس (السوس كان حلو نوعاً ما) و غالي مقارنة بمطاعم أحسن منه بواجد

أول مره رحت له مع اهلي ماعجبني ..

المنيو موحد كأنه أكل مساجين ..

لكن ثاني مره مع رفيجاتي كان حلو ..

الستيك لذيذ ..



.​

 

[Q8Shaw]

السلام عليكم جميعا من إخوه و أخوات ..

هالموضوع هذا ذو شجون و الحديث عنه له بدايه وليس له نهايه ..

عموما سوف أشارككم معي بآخر تجربه مريره ..

بإختصار شديد انا من محبين السلطات بكل أنواعها و غالبا اتوجه لـ وسابي حبا في السلطه وليس في الأكل الياباني ..

المهم ساقتنا الأقدار لأن نبتعد قليلا وتوجهنا لوسابي الواقع على الشريط الساحلي بإتجاه الفحيحيل ..

وبالصدفه كان المطعم ممتلئ نوعا ما فجلسنا في آخر المطعم جهة اليمين مقابل باب المطبخ والذي هو بجانب مدخل الحمامات (عزكم الله) ..

وفجأه خرج الطباخ بلباسه الأنيق و النظيف جدا ودخل الحمام وبعد أن خرج من الحمام دخل مباشره إلى المطبخ ..

الكارثه أنه كان يلبس القفاز المطاطي والذي من المفترض أن يستخدمه للحفاظ على نظافة الأكل من يديه !!!!! ..

وعند الاستفسار من مديرة المطعم و الشيف أفادونا بأنه تصرف غير مبرر و غير لائق وإنهم سوف يتخذون إجراء بحقه !!! ..

مع العلم بأنه كل الطاقم من الجنسيه الفليبينيه بما فيهم مديرة المطعم !!! ..

أخذت رقم مدير الخدمه و اتصلت فيه ونحن متوجهين للسياره طبعا من غير أكل ..

الذي توعد بعمل كذا و كذا و كذا وبأنه سوف يقوم بالاتصال بي حتى يخبرني بما تم من إجراءات وخلافه ..

وإلى اليوم لم يتصل ولن يتصل !!! ..​

 

[هدى الكويت]

يعطيــــــــكم الف عافيــه على تواصلكم ومشاركتكم معانا
وفـعــلا خليتونــا نستفيد كثير من تجاربكــم بالمطاعـــم

 

[kal ho na ho]

ما خليتوا شي.. ماشاء الله..

بعد ذلك العشاء فكرت بأن أصبح نباتية للأبد ..

جوني روكتس .. الله يديم النعمة..

إضافة على الإلحاح الفظيع على فرايديز.. مع إنه منيوهم خربوطي..!!!

نصيحة .. لما تبون تغيرون إكلوا مرقوقة .. ويا حبذا مرقوقة قرع وجزر..!!

.
.

ودمتم

 

[الفراشة]

الأسوأ :

كنتاكي

هارديز

نايف

الله يعز النعمه ...

واللي كنت أعشقه وأذا مريت السعودية أكل منه مطعم الأرنب الجائع ...

 

[Q8Shaw]

ما خليتوا شي.. ماشاء الله..

بعد ذلك العشاء فكرت بأن أصبح نباتية للأبد ..

جوني روكتس .. الله يديم النعمة..

إضافة على الإلحاح الفظيع على فرايديز.. مع إنه منيوهم خربوطي..!!!

نصيحة .. لما تبون تغيرون إكلوا مرقوقة .. ويا حبذا مرقوقة قرع وجزر..!!

.
.

ودمتم

والله إنها أبرك من أحسن مطعم على الأقل اللي يسويها لكم بالبيت أرحم من أحسن شيف بأرقى مطعم ..




​

 

[Q8Shaw]

الأسوأ :

كنتاكي

هارديز

نايف

الله يعز النعمه ...

واللي كنت أعشقه وأذا مريت السعودية أكل منه مطعم الأرنب الجائع ...

معلومه ..

مطعم الأرنب الجائع اللي بالسعوديه وتحديدا الخفجي اللي زباينه من الكويت فقط ..

ماله أي علاقه ولا صله نهائيا بالأرنب الجائع (برجر كنج حاليا) مال الكويت ..

مجرد تشابه أسماء ..

نصيحه ..

مع كل حبي وتقديري وإحترامي للمملكه حكومة ً وشعباً لا أنصح بزيارة المطاعم فيها لإنعدام الرقابه على الأغذيه في المطاعم ..



​

 

[ARMOUR ON]

ياااااااااااا عمي اي مطاعم
ديرتكم فيها بلدية ولا صحة يفتشون عليهم !
اسمع مني
قوطي تونة الوزان وفوقة بصل ابيض مقصص مكعبات وخل وشوية ريحان وخبز تاكل تاكل والدموع اربع اربع

 

[الفراشة]

معلومه ..

مطعم الأرنب الجائع اللي بالسعوديه وتحديدا الخفجي اللي زباينه من الكويت فقط ..

ماله أي علاقه ولا صله نهائيا بالأرنب الجائع (برجر كنج حاليا) مال الكويت ..

مجرد تشابه أسماء ..



​

مالك لوا ....

برجر كنج ليس الأرنب الجائع ... بل تم تغيير الأرنب الجائع ووضع مكانه برجر كنج وهم شركات مختلفه ...

أما الأرنب الجائع الذي في السعودية هو مطعم الأرنب الجائع الصحيح والوكاله لرجل أعمال سعودي ...

ويوجد له أفرع في الشرق الأوسط ....

وسلامتك ...

 

[ولد ابوه]

* فرآيديز .. حلو بس آكله ثقييييل ..​

* آلتبّآب ( مطعم للكبآب ) ..و كبآبه مو شي ..​

بدر آلبدور يطوفه بمرآحل ..​

* آلوآلي .. أكلت منه مرّه .. ومآ تنعآد إنشآلله ..​

* ميس آلغآنم .. مآدري ليش مآ يجوزلي ..​

ولي عوده إن نفضت آلذآكره ..​

* إلي مآ أكل بيتزآ ( إكسبرس ) .. مآ أكل بيتزآ بحيآته ..

:وردة:​

 

[DK-21]

انا بالنسبه لي اسوء مطاعم

1- الفاست فوود كنتاكي هارديز هذيلا اكسسسسسس برغر وماكدنالدز احسن منهم طبعا

2- البيتزا احلى مطعم بيتزا بيتزا هت حلوو وبيبس بيتزا وبسسسسس

3- مغل محل <------- مو صجيييييييييييييييييييييي احبه حييل واكله اسبايسي يونس

4- الي يحب استيكات وجذي سوالف ابل بيييز وفرايديز وبسسسس​

 

[Org]

* آلتبّآب ( مطعم للكبآب ) ..و كبآبه مو شي ..​

بدر آلبدور يطوفه بمرآحل ..​

ولد ابوه
لا يطوفك مطعم المطيري الفروانيه
كبابه شغل عدل :إستحسان:

 

[مطمئن]

ما خليتوا شي.. ماشاء الله..

بعد ذلك العشاء فكرت بأن أصبح نباتية للأبد ..

جوني روكتس .. الله يديم النعمة..

إضافة على الإلحاح الفظيع على فرايديز.. مع إنه منيوهم خربوطي..!!!

نصيحة .. لما تبون تغيرون إكلوا مرقوقة .. ويا حبذا مرقوقة قرع وجزر..!!

.
.

ودمتم

جوني روكتس
أسوأ مطعم اكلت فيه وندمت اني اكلت منه...

 

[بدر11]

مطعم المضخه اسوا مطعم ؟
ومطعم الاسطبلات؟؟؟؟؟
ومطعم كبد؟؟؟

 

[هدى الكويت]

ياااااااااااا عمي اي مطاعم
ديرتكم فيها بلدية ولا صحة يفتشون عليهم !
اسمع مني
قوطي تونة الوزان وفوقة بصل ابيض مقصص مكعبات وخل وشوية ريحان وخبز تاكل تاكل والدموع اربع اربع

واي شوقتني تونـــه ولا مره ذايقتها ودي اجربها
يسلمو على مرورك خيوووو

 

[abo_ahmad_k]

اسوأ مطعم

المطعم الهندي بفرع قطعه 7 بالفردوس ياعليه جباتي وبيض وطماط

يقول للحارج ولكم في كل زمان ومكان

وافضل مطعم

مطبخ البيت وخاصه لا كانت كبسه حمرا

 

[يزيد من الكويت]

واي شوقتني تونـــه ولا مره ذايقتها ودي اجربها
يسلمو على مرورك خيوووو

علينا ولا مره اكلتي التونه في كويتي ما اكل تونه