فـــراتــــيّات ,,,,,!!!!

[كنترول]

وينك يا فرح عنّي , شمرت الروح
بنهران الحزن , واصبحت انا المجروح​

أون الليل كلّه , وما انسمع ونّي
حتى الليـل ملْني ومـل منّي النوح ​

اضوج الناس كلها , وعايش بأحزان
واجر موّال شعري بصوتي المبحوح​

جن عايش بدنيا أشباه كلها أشباح
غصن وحدي , بحديقة شوك عطره يفوح​

يبس قلبي وظلوعي هن حطب للنار
هالنار الحـزن , دخّان بيها ,الروح ​

روح اللي يسله الحزن حيل وحيل
مسمار الحزن , دق بيّه صرت اللوح​

صغير بعمري , بس شيبي اشتعل بالرّاس
من نعنه اعلى شيب الرّاس هالمفضوح ​

بس لي امنيه وحــــده ومنها ارتاح
من تتحقق اويايا , تشيل جروح ​

أريد الموت هسه وأنسا حزني أوياه
لأن أرتاح إذا بقبري صرت مطروح ​

كـنترول​

 

[@Noura@]

جن عايش بدنيا أشباه كلها أشباح
غصن وحدي , بحديقة شوك عطره يفوح​

يبس قلبي وظلوعي هن حطب للنار
هالنار الحـزن , دخّان بيها ,الروح ​

روح اللي يسله الحزن حيل وحيل
مسمار الحزن , دق بيّه صرت اللوح​

كـنترول​

الكلمات التي تكتبها اخي كنترول تفوق جمالا احيانا من الكلمات المنقولة

تسجيل متابعة

 

[كنترول]

اختي الرقيقه شمس

تشرفني متابعتك الدائمه لكتاباتي

شكرا على هذا التواصل الزاهر بعنفوان روحك العطره

تحياتي عزيزتي شمس

 

[السلطاني]

موضوع أتابعه من بعيد...

جميل جدا...

لكن تنقصه روابط الأغاني.......تحياتي ل عين جدي كنترول....



وأهديه هذه الأغنية...










مجرد كلام...... حجيته ونسيت....

حبيبي حرام......

على الحب جنيت......


قتلي إنتهينا........ كلام ومشيت......!!


غناء رياض أحمد


http://www.6arab.net/north/ryath-a7amd/3.ram​

 

[كنترول]

موضوع أتابعه من بعيد...

جميل جدا...

لكن تنقصه روابط الأغاني.......تحياتي ل عين جدي كنترول....



وأهديه هذه الأغنية...










مجرد كلام...... حجيته ونسيت....

حبيبي حرام......

على الحب جنيت......


قتلي إنتهينا........ كلام ومشيت......!!


غناء رياض أحمد


http://www.6arab.net/north/ryath-a7amd/3.ram​

يا مرحبا بعين جدي

كم انتظرت حضورك

وفعلا افرحني هذا الحضور وتسجيلك لهذه الكلمات الراقيه

وشكرا على هذه الإهداء وهذه الأغنيه

للمطرب الراحل رياض احمد

بحشاشتي سهمك مضى --- وعقبك علي ضاق الفضا

اللي حظا بوصلك حظا --- والما حظا لا والحظ

حظه ردي وعمره خسره --- اللي لشخصك ما يرى

جفني معيي من الكرى --- ما استلذ عقبك واغمض

ما غمض جفني ولا نشف --- دمعي روى جمع السلف

ما جل الي غير الاسف ----- متسلم بهماي عض

عضي على حبك فرض --- واللامني شنهو الغرض

لو نوخت نوق الارض --- ما اظن بهمي تنهض

ما تنهض ولا شالته ---- وما عرفت دهري شرادته

فضت الصيف من الشته -- هم هالشكل حبنا انفض

فضت وحق مكه ومنى -- وظلت الروح مدوهنه

انا العلى راسه بنى -- عش الغراب وبيض





http://www.7y6rb.com/song/iraq/rea-ahmad/MawalB7shashty.ram​

رياض أحمد​

 

[السلطاني]

تعذبني بصدودك ومنك ............ المِنه

تأذيت من البشر كلهه ومنك .......... إنته

أذكر قلبي كل طلب لبالك ومنك ........ خلاك تتمنه

تحط الطيب للناس وتحط الآه بيه


شكرا للرابط,.....جاري الإستماع مع رأس سلوووم محترم.....!!​

 

[كنترول]

الحلو مو عالارض يمشي على جلاي

ضربني وخبط دلالي على جلاي

وضربني ضربه محمد علي كلاي

وفاز بجولته الاولى عليه ​

 

[كنترول]

اليوم له يومين ما مر عليه

ومنين اجيبه منين يصعب عليه

ولو رحت يمه واهله شافوني

شنهو العذر مو ذولا عدواني

يمكن منعوه هله يمكن علمو هله

للوطن يالماشين نسلم عليكم

الميت الله وياه والحي يجيكم

الميت الله وياه والحي يجيكم ...

وينه يوصل لهله .. وينه يوصل لهله

قلتلها تتحنين بجفاك ليه

وقالت مسحت العين واثر بيديا

ويمكن منعوه هله

يمكن علموه هله

ساسك رمل هيال من ياشريعه

وللرايح وللجاي سرك تبيعه

يمكن علموه هله

ويمكن منعوه هله

بين الجرف والماي حنطة زرعوني

ولا قالو الله وياك ولا ودعوني

يمكن وصوه هله ويمكن علموه هله


http://iraqnaa.com/iraq/f2ad-salem/f9.ram


فؤاد سالم​

 

[كنترول]

احبك لو تصير جروح ,,, والآم وقهر واحزان

احبك لو تصير الليل ,,, وانا ابقا احتري سهران

احبك لو تصير الماي ,,, وانا اتوسلك عطشان

احبك لو تصير الموت ,,, والتابـــوت والدفان

جذب من قال ما احبك ,,, لا والـ نزّل القرآن


***


بهاي عيوني شفتج لا تنكرين

وهذا الوجه ما يخفا عليه

وانا اللي شفتج لا تقولين

اميزج لو ان جنتي بين ميه

صحيح اوياج جايز تغلط العين

بس القلب شافج قال : هيه

واقلج وين شفتج اذا اتريدين

بمكان الـ كنا نقعد بيه سويه

واقلج حتى كنتي انتي شـ تلبسين

من شفته عليج اشصار بيه

يبا نفس الثوب هذا الـ قبل شهرين

جبته بعيد ميلادج هديه

وهاي الساعه بيدج ما تذكرين

جبتها بسبب تأخيرج عليه

المحابس والتراجي وكحلة العين

نسيتي انا جايبهن بإديّه

شياش العطر كانن وحده واثنين

وسويتج صدق اجمل بنيه

هسه لغيري تعب السنين

وبس المشترى صاير عليّه !!!!

الرد

صحيح اني الـ شفتها وانتا مو غلطان

نفس الثوب هذا الـ جبته ليّه

وصحيح اني جنت وي شخص ثاني

ما انكر اقلّك اني هيه

الاشياء الجبتهن إلك انتا

كنت انا البسهن وتتباها بيّه

جبتهن على ذوقك مو بذوقي

لبستها لخاطرك ما اتلوق اليّه

هداياك اقولك اشقد تساوي

شـ توازي شبابي اي هديه

يا عمي تذكر من اجازف من اجيلك

واتحمل حجي امي عليّه
​

 

[كنترول]

فتـــــــــــــــــــــــــــــاة أسمها أماني ؟؟ ​

كان يامكان...طفلة​

عاشت لباجر تتاني​

وعالصبر يكبر عمرها​

شوك...وأحساس...واماني​

تبيع ضحكة وتشري دمعة​

اتبدل الاه بتـــــــــــهاني​

وترسم من الدمع بسمة​

وتصنع من النوح اغاني​

ويازماني اتصيح سكتة​

صفي نيتك يازماني​

وخل اعيش ايامي مرة​

حتى لو لحظة وثواني​

وتكبر ويكبر املها ​

حلم....وتفسره بمعاني​

الماي..عيد..الشمس فرحة​

وهذا صوت البلبل اني​

الريح...باجر والسنابل​

كلمة الحب بلساني​

وشعلوا العشرين شمعة​

وقرروا كبرت ((أماني))​

===========================​

وياماني البيه عاشت****شوك..بأطباعه جديد
صبحت بعيونة تحلم**** وصبح بحبها سعيد
ومن مشت خطوة تعبها***يكول كل خطواتي عيد
ايقلها يمته..تقلة باجر****يكول باجر موبعيد
وعاشوا احلى اثنين همة***والفجر الهم بريد
يقلها احبج..انتي اني***وهية من يحجي تعيد
يقلها اطلبي اتقلة لا لا***شما تريد انتة اريد
يحس بألمها وبيه تشعر***عاشوا بنفس الوريد
وقرر العاشق وأماني ***بالحلال وايد بيد​

==========================​

وجان اذكر خميس​

يوم زفتهم يصير​

وترسوا الشارع هلاهل​

وضحكة مابين العيون​

وجي لئن خجلانه خدها​

ينقلب كل ساعة لون​

وفجاءة لن صوت الهلاهل​

ضاع بس ارتفع صوت​

صوت حقد الطائفية​

ينفجر يم البيوت​

=========================​

ومن اجة العاشق...لقاها****عينه بعينها وتصيح
اه ياعاشق حلمنــــــــــــــــــا***عمره ماظن يستريح
وهذا صرح الحب بنيته****ليش..؟يمحبوبي يطيح
عشت مجروحة بحياتي****وراح تبقى انتة جريح
وين جا ذاك الـ يقول***** مايصح الا الصحيح
وسكتت.. ونامت (أماني)***ويمها كل الحب ذبيح
ويمها كـــــــــــــــــــــــــل الحب ذبيح​

 

[كنترول]

تمثال كهرمانه​

ماشوفك تحبني​

وكنك انت ابعيد ​

اشما اقرب عليك اتزيد حسراتك ​

اذا خايف احرجك ​

.... قلي ليش اتخاف ... ؟ ​

ماريد آنه اصبح سبب مأساتك .. ​

احسب للطريق​

وشوف دربك زين​

بس آنه اعتقد حاسب حساباتك ..!​

مرات اني اشوفك قمه بالاشواق ​

ومرات احس قلبك عكس نظراتك ..!! ​

اشوفك ترف ، واطمع ع الترافه البيك ​

اجيك وتنقلب قاسي بعلاقاتك ​

يـ ( ) بالكرم .. واكثر بعد للناس​

بس وياي تبخل ليش ساعاتك..​

تلعب على اجروحي وتضحك ومرتاح ​

وأنا ابطيبة قلب احمل جراحاتك .. ​

http://www.7y6rb.com/song/iraq/mhnd-m7sn/ana-al`3l6an.ram​

 

[كنترول]

مجموعة اخرى من الأغاني العراقيه​

1. ذياب مشهور ​

http://www.sawari.com/torath/aart/art2/yabo-erdayn.mp3 يا بو رديّن يا بو ردانا​

2. سعدون جابر ​

http://iraqnaa.com/iraq/s3don-jaber/sa3doon..boyah-aish-sar.ram موال واغنية بويا اشصار
http://www.7y6rb.com/song/iraq/sa3doon/thbe_al3baeh.ram إغنية ذبي العبايه
http://www.7y6rb.com/song/iraq/sa3doon/3shren_3am.ram عشرين عام
http://www.7y6rb.com/song/iraq/sa3doon/3ene_3ene_3wd.ram اغنية عيني عيني
http://www.7y6rb.com/song/iraq/sa3doon/sa3don-j_thblanaa.ram جتني الصبح وعيونها ذبلانه​

3. صلاح عبدالغفور ​

http://www.7y6rb.com/song/iraq/sal7-3bdalkafooor/ard_awgf_b7e_alwlf.ram أرد اوقف بحي الولف
http://www.7y6rb.com/song/iraq/sal7-3bdalkafooor/tdlaal.ram اتدلل عيني جوبي​

4. حسين البصري​

http://www.7y6rb.com/song/iraq/7sen-alb9re/7seen-b_jn7aak-3laa.ram موال اذا جنحك علا
http://www.7y6rb.com/song/iraq/7sen-alb9re/7seen-b_5waaan.ram موال خوان​

 

[كويتية]

جتني الصبح وعيونها ذبلانة

عشرين عااام

شكراااااااااااا على الاختياااار الرائع

هل أنت معي بأن سعدون جابر قديمه أروع من جديده ؟

(عشرين عااام تعتبر نوعا ما من جديده ولكنها مميزة )








= = = = = = = = = = = = = = =

 

[كنترول]

الاخت كويتية

سعدون جابر من المطربين العراقيين القلائل الذين لن ينساهم تاريخ الطرب العراقي الأصيل لما كان له من حضور مميز في السابق ,,

ولكن وكما تفضلتي فقد بدا هذا المطرب ينحدر في مستوى اختياره للكلمات والألحان في اغانيه ,

ولهذا لم يعد له ذكر بين مطربين الجيل الجديد العراقيين ,

وفعلا الأغاني التي ذكرتيها انتي جميله ورائعه رغم بساطتها وسلاستها , خصوصا اغنيه عشرين عام وهي لشاعر سوري مقيم في دولة الكويت



شكرا لمرورك اختي كويتية

 

[كنترول]

على فراق الحبايب كلشي مافاد

دمع لو حزن لو هالثوب اشقه

وقطع تذكره وارجع البغداد

وجوازي بذني اديه بنار احرقه

انه الكل عراقي روحي تشتاك

للشارع اذا شفته اشبكه

الغربه تكتل والسفر

ويصادفك بالغربه الالف البشر

منهم تعبره مثل ماتعبر نهر

ومنهم حشه السامع نذل

ويستاهل ترجمه بحجر

ومنهم يشوفك لحضه ويعوفك شهر

هاي الصور موجوده والباقي امر

وباقي الصور بالتحميض ومغوشه الصور

منهم تشوفه بزاويه ويضرب ابر

ومنهم صعد فوق السطح ويشم فنر

الغربه ذله وزينه للعنده ظهر

مو للذي ينامون بفياي الشجر

الغربه هدت كل قواي وتذكرت صوتج وراي

ياحبيبي يمته ترجع باقي انه بنتظارك

ياحبيبي يمته ترجع بضحكه وبدمعه انتشارك

هذا صوت حرك بروحي المشاعر

هذا صوتج ماجنت بي اني شاعر

جمعت روحي بحقيبه لازم ارجع للحبيبه

لازم ارجع للحبيبه واعتذر

اني بيني وبينها عشرت عمر

الطريق شطوله صار يمته اوصل للمطار

بغداد يم الوفه بغداد ياعيني

فرقاج يامنيتي والله ياذيني



خضـــير هادي


وهذه اغنيه لسعدون جابر http://www.tarb.net/download.php?action=lsn&id=8835​

 

[كويتية]

متااابعة ، ، ،

وضغطت على وصلة لإغنية عشرين عااام ، ، ،

 

[كنترول]

اختي كويتيه


يسعدني وجودك هنا ومتابعتك المستمره

فلا تحرميني هذا التواجد

شكرا من القلب

تحياتي

 

[@Noura@]

أزرع ورد


أزرع ورد يجنيه غيري
ويطير بعد الربى طيري
اتعلمت شكرا يا زماني
ما أغلط وانخدع ثاني
وردي نكرني وطار طيري
ازرع ورد ويصير بستان
واسهر على طيري بوجدان
واصحى على نكران الإحسان
وردي نكرني وطار طيري
اصبر واقول الصبر مطلوب
وما بين ايديه شموعي تذوب
صعبة الليالي بغير محبوب
وردي نكرني وطار طيري


كريم العراقي ​

 

[كنترول]

طلبتك بالفرح ..​

ماجيت مره وياي​

ومن ردتك دمع ..​

شحيت من عيني ..​

ما استعطي منك ، حقي اطالب بيه​

داينتك فرح ..​

يمته ترد ديني ..؟​

شتريد اعتبرها ..​

وقول كلشي اتقول ..​

امسودن ، وانت اخذني ابقد سواديني​

قلي ..​

ابيا طريقة اوياك افض بلواي ..؟​

من ريد ابتعد عنك .. ​

ماتخليني ..​

رسيني اعله حالة ..​

وكلشي منك خير ..​

بس المهم ..​

مرة وياك رسيني ..​

حسبت اسنين عمري ..​

البيها مرني الشوق ..​

ومن بيدك عفتهن ..​

ضاعن اسنيني ............؟؟​

مــحــمد الطائــــي​

http://www.7y6rb.com/song/iraq/Fo2ad-SaLeeem/mw_bdena.ram فؤاد سالم ( مو بدينا )​

 

[حلوة الكويت]

جميل الحزن ...
ونبرة الالم...
اجمل ما يحوي...
الاغاني العرقية....
مرسية....
علي التذكير ....
بالاغاني العرقية...
مشكور يا عيني...