سؤال وجواب ليش اسمة ( خبز ايراني) ؟؟

[سايروس]

​

السلام عليكم
يازملائي الكرام:وردة: ليش يسمى الخبز الايراني مع ان اغلب الخبابيز افغانية ؟
سؤال كان في خاطري من فترة ​

 

[غادة الكاميليا]

اجابه بسيطه لانه قبل الخبابيز الافغانيه الحاليين والي ما يدرون شنو الفرق بين الخبزه والكليجه كانوا من الجنسيه الايرانيه وكانت الخبزة فعلا خبزة تقول بسكوته تاكلها بروحها من غير ادام ما تشبع منها اما الآن الخبز لا لون ولا طعم ولا رائحه لا وصغيره بعد!! وبيني وبينك احنا شبعنا ما قام الاكل يصير له طعم يا الله لك الحمد.
اتمنى اكون جاوبت على سؤالك​

 

[الحر_189]

الخبز الايراني بالبحرين يسمونه خبز فقط لانه عندهم الخبز الاساسي

اما احنا خبزنا الاساسي االلبانني فلم اقولك عطني جيس خبز على طول تعطيني اللبناني

ولازم نميز باقي الانواع من الخبز فنسمي خبز ايراني ومصري ووو ..

وتحياتي لك

 

[ناصر المعروف]

اجابه بسيطه لانه قبل الخبابيز الافغانيه الحاليين والي ما يدرون شنو الفرق بين الخبزه والكليجه كانوا من الجنسيه الايرانيه وكانت الخبزة فعلا خبزة تقول بسكوته تاكلها بروحها من غير ادام ما تشبع منها اما الآن الخبز لا لون ولا طعم ولا رائحه لا وصغيره بعد!! وبيني وبينك احنا شبعنا ما قام الاكل يصير له طعم يا الله لك الحمد.
اتمنى اكون جاوبت على سؤالك​

الخبز الإيراني قبل كانوا الخبازين يخلطون معاه تمر (لزيادة الليونة وللطعم) , ولهذا السبب كان طعمه حلو ومختلف وما يتغير حتى لو اكلتيه بعد ايام

بس عقبها البلدية منعت إستخدام التمر, فصار الخبز مو شي. :باكي:

 

[0utsider]

اخوي سايورس
يبا الخبز اللي يسمونه خبز ايراني هذا موخبز ايراني ولاشئ ،،، بالاساس هو خبز اهل الكويت قبل النفط ،،، لكن بعد ظهور النفط ،،، ترك الكويتيين شغلة الخباز ،،، واستلموها الايرانيين بعد ماتركها الكويتيين قبل ،،، وراحت عليها خبز ايراني ،،،،،،،،،،،،،،،،،

 

[غادة الكاميليا]

الخبز الإيراني قبل كانوا الخبازين يخلطون معاه تمر (لزيادة الليونة وللطعم) , ولهذا السبب كان طعمه حلو ومختلف وما يتغير حتى لو اكلتيه بعد ايام

بس عقبها البلدية منعت إستخدام التمر, فصار الخبز مو شي. :باكي:

الخبز الايراني من قديم الازل لم يخلط بتمر فقط الطحين الابيض والاسمر والملح والخميره!!
سالفة التمر يمكن بعض الخبابيز الي يبي يتفنتق ويتفلسف يسوي هالحركه لعيون اهل المنطقة الي يخبز فيها!​

 

[سايروس]

شاكر جدا لكم على ردودكم المتنوعة والمفيدة :وردة:

 

[الصحافي]

ياحليل أمــــــــــــــــــي ماتسميــــــه الا خبز خباز !!

عندها بعد نظر سياسي

 

[بن ذى يزن]

ليش اسمه خبز اصلا؟