بيض الله وجهك يا أخونا واستاذنا سلّيم...على الأهداءات الرائعه كروعة صاحبها..:وردة:
وكما قيل القلوب شواهد..قرأت ردك..ولم استمع للشيله في البدايه..
ولم أنتبه لعنوانها....
فقلت...ساذهب لأنتقي وأجهز شيله كا أهداء لأخونا سليم...
ومن ثم أعود واستمع لشيلته...
فأخترت شيله رائعه جداً ومعبره...وعندما عدت للموضوع هنا..
أكتشفت بإنها هي نفسها التي أهديتنا اياها عن الصداقه والخوه....!!
نحبكم في الله يا أبن الكرام..وجمعنا الله واياكم على حبه وطاعته وجميع المسلمين....
بس مافيه فكه...الشيله التاليه لك وعساها تفي بالغرض...:وردة:
http://www.youtube.com/watch?v=pIvr5bUseko&feature=related
بالنسبه لأخونا السنعوسي فا أخر أخباره التي وصلتنا من بر الصبيه....
أنه قد أتخذ كل الأجراءات اللازمه والأحترازيه هذه الليله..
لمواجهة موجة البرد المتوقع هذه اليومين...
وأموره على مايرام.....زاده الله بهجةً وسرورا...
وقد نزوره هناك في المخيم غداً..أن سمحت الظروف...:إستحسان:
يازين طلعة البر مع الصحبة الطيبة ، ويازين شبة الضوء مع الدلة والسمرة ، هذا مع حبي الانفراد ، في بعض الأحيان ، ومصاحبة الهواجيس ، أو كما قال بن فطيس :
يعني على ما قيل من باب تصوير
.................... لأحدٍ أبي قربه ولا أحدٍ يبيني
أروح أدور خط مابه دواوير
.................... وأدور اللي هادها تهتديني
وأخذ مع الهاجوس سجة وتفكير
.................... وأراجع اللي فات بيني وبيني
وأحسب ذنوبي وأدور التكفير
................... عساي ما قصرت في والديني
يعني على ما قيل من باب تصوير
.................... لأحدٍ أبي قربه ولا أحدٍ يبيني
أروح أدور خط مابه دواوير
.................... وأدور اللي هادها تهتديني
وأخذ مع الهاجوس سجة وتفكير
.................... وأراجع اللي فات بيني وبيني
وأحسب ذنوبي وأدور التكفير
................... عساي ما قصرت في والديني
أنا من المعجبين جداً بابن فطيس ؛ شعراً وخلقاً ، وله قصائد كأنها تحاكي شعور الكثير منا ؛ وهذا إحداها :
الله يجازي من يسوي سواتك
................. بذنوب من سوّى سواتك يجازيك
مشيت درب الثقل وتحب ذاتك
.................. ماتدري انه للمهالك يوديك
غرك جمالك ياخسارة حلاتك
................. ماتدري أن ماغير طبعك يحليك
بتقول زينك يشفع لسيئاتك
............ الحسن ماهو عن وفا الحب يعفيك
لو التواضع والوفاء من سماتك
........... بعت الحبايب كلهم دين واشريك
لكن عجزت أغيرك ياجراتك
............ على الغياب اللي بلا عذر ينجيك
خطاي في توضيح وشهي غلاتك
................ وخطاك في توضيح وشهو تغلّيك
وشلون توصيني وتنسى وصاتك
............ وتصد عن صوت تقطع يناديك
ما فاتك التجريح والعذر فاتك
............ تبغي رضاي الحين ماعاد يمديك
صحيح احبك بس هذي جزاتك
............... بعلمك درسٍ يفيدك ويحييك
تدري وش ابيض من خفوقك عباتك
..................... وتدري وش اللي غرني نظرتي فيك
أدري بتستغرب تصبر وجاتك
............... قصيدةٍ من واحدٍ كان يغليك
تبغي تناظر وانت عايش مماتك
................. شف وحدتك والناس تجلس حواليك
وتبغي تشوف أشجع رجل في حياتك
.................. شفني وانا مقفي على كثر مغليك
................. بذنوب من سوّى سواتك يجازيك
مشيت درب الثقل وتحب ذاتك
.................. ماتدري انه للمهالك يوديك
غرك جمالك ياخسارة حلاتك
................. ماتدري أن ماغير طبعك يحليك
بتقول زينك يشفع لسيئاتك
............ الحسن ماهو عن وفا الحب يعفيك
لو التواضع والوفاء من سماتك
........... بعت الحبايب كلهم دين واشريك
لكن عجزت أغيرك ياجراتك
............ على الغياب اللي بلا عذر ينجيك
خطاي في توضيح وشهي غلاتك
................ وخطاك في توضيح وشهو تغلّيك
وشلون توصيني وتنسى وصاتك
............ وتصد عن صوت تقطع يناديك
ما فاتك التجريح والعذر فاتك
............ تبغي رضاي الحين ماعاد يمديك
صحيح احبك بس هذي جزاتك
............... بعلمك درسٍ يفيدك ويحييك
تدري وش ابيض من خفوقك عباتك
..................... وتدري وش اللي غرني نظرتي فيك
أدري بتستغرب تصبر وجاتك
............... قصيدةٍ من واحدٍ كان يغليك
تبغي تناظر وانت عايش مماتك
................. شف وحدتك والناس تجلس حواليك
وتبغي تشوف أشجع رجل في حياتك
.................. شفني وانا مقفي على كثر مغليك
وأنظر إلى التصوير البديع هنا : تدري وش أبيض من خفوقك (القلب) = عباتك !!.
اتمنى للسنعوسي السلامة من هذا البرد ؛ فقد جمدنا البارحة ونحن في الاستراحة ؛ فكيف من هو في مخيم في البر؟! ، أدعو الله له بالسلامة إن شاء الله ، ودمتم بخير.