محب الامام
عضو فعال
يا أعزائي الطيبين
القصة كالتالي ..
البداية في سنة 2005 تقريبا حسيت بوسوسة وضيق في سدري وتعب في جسمي وخمول رحت للمستشفيات والحمدلله جميع الفحوصات سليمة لكن المشكلة موجودة!
ومن بعدها صارت معي شغلات عجيبة وهي النضل او الحسد وشغلة ثانية وهي تنبؤ بالشي ويحصل فعلا لا تسألني شلون .. مدري
بعدها تزوجت والامور طبيعية ومع السنين لاحظ زوجتي اني حسود :باكي: مع اني طيب وغلبان
شلون لاحظت !!؟
مرة كنا رادين من عزيمة عن بيت نسايبي الي هم اهلها وكانت لابسه عدسات وماكنت داري عنها ولما اركبت معي وطالعتها اسغتربت وقلت شهالعيون العسلية !!!!؟
ماوصلنا البيت الا وهي متأذية من عيونها وراحت بسرعة تنزل العدسات وماكو فايدة راحت جابت ماي وقالت غسل ايدك ووجهك وغسلت فيها عيونها ومن بعدها ارتاحت بشكل ملحوظ :إستحسان:
ومن بعدها كل ماقلت شي ترد علي "قل ماشاءلله" ومع مرور الايام اقتنعت زوجتي بأن عيني حارة
وانا لا ادري هل هي صدفة او انا فعلا نضول :باكي: ومرة كنت قاعد اشوف التلفزيون عن خطوط الطيران العالمية واطالع ولا اكثر الرحلات من امريكا الى اوروبا قلت بل اثاري الدوس بين امريكا واوربا وانا عبالي اسيا ؟؟ والله مامر جم يوم الا بركان ثار بين امريكا واوربا والدخان عطل الحركة بينهم !!!؟ قالت زوجتي الله اكبر عليك حتى امريكا وصلتلها
من غير الي نضلتهم وهم مايدرون عني وانا ادري ومستحي اقولهم !!
أعزائي شنو حل هالبلوى هل يوجد حل اكيد !!
سمعت من واحد يقول خل يصلون عليك صلاة الميت ويطوفون فيك الفريج :باكي: