الحمام الباكستاني الطيار

الموضوع في 'شبكة سؤال وجواب' بواسطة السليطي, بتاريخ ‏19 يناير 2009.

  1. السليطي

    السليطي عضو مخضرم

    <[​IMG]


    السلام عليكم

    عندي اسأله صغيرة ..

    من فيكم يملك حمام باكستاني ؟

    ومن في الكويت معروف ان يملك هذا النوع من الحمام الباكستاني الطيار ؟

    وهل الحمام الباكستاني منتشر عندكم ؟



    [​IMG]
     
  2. k7elan

    k7elan عضو بلاتيني

    لم يشتهر عندنا بعد.!

    لأن الصورة اللي منزلها مو طالعة معاي


    أول مرة اسمع عن الحمام الباكستاني فما بالك بالطيار
     
  3. السليطي

    السليطي عضو مخضرم

    مادري ياخوي الصورة تطلع عندي ومافي اي مشاكل ..

    والله ياخوي الكويت فيها كلشي واعتقد ان في ناس تربي هذة النوعية من الحمام ..

    والحمام الباكستاني الطيار .. الى يطير 24 ساعة او اقل او اكثر ويكون (( مغتل )) يعني مختفي مع الغيوم
     
  4. مطر

    مطر عضو بلاتيني

    الصوره ظاهره عندي. ولكني لا افقه بالحمام. اتمنى ان تجد ظالتك سليطي باشا.
     
  5. السليطي

    السليطي عضو مخضرم

    تسلم مطرنا العزيز :وردة::وردة:
     
  6. Edrak

    Edrak مشرف منتدى القلم

    محد راح يرد عليك لأن المطيرجي في الكويت سمعته مش ولا بد و انت هل جود تبي تفضحهم بالمنتدى :p
     
  7. شين الحلايا

    شين الحلايا عضو ذهبي

    هذا النوع من الحمام غير منتشر عند الكويتيين بسبب طيرانة المرتفع واختفاءة بالسماء لمدة طويلة جدا . وهذا النوع من الحمام يعتبر من الانواع العادية التي لانفع لها فهي غير مصنفة من حمام الزينة ولا الحمام القلابي لهواة الحمام بالكويت . وفي الكويت تجد هذا النوع من الحمام عند الاخوة الباكستانية في مناطق العزاب فقط .
     
  8. كوجيكا

    كوجيكا عضو ذهبي

    عندنا حمام...
    دشي..
    ولوت..
    ومقنزع..
    وابو فوطه...مادري فروه...واحد منهم صح
    واذا كانوا حاطين اكل ويت لهم حمامه يسمونها "غريب"

    وهم عندنا حمام فرّي
    وعندنا دجاجه عدي
    وملهي الرعيان
    وام دقي
    وحميميج
    وعصفور
    وسمونه
    وشوّله
    وام سالم
    والورقه
    ودرجه
    وكروان
    وام عيسى
    وحباره
    والقوبعه ........يضحكني اسمها حيل :D



    وعندنا دجاج وطنيه..ومتحده وبرازيلي...وساديا...وهلال...وحلال
    ودجاج معمل
    ودجاج مو معمل


    كل هذا عندنا بروحنا :)

    بس عاد بالنسبه للجنسيه ماندري فيهم باكستاني ولا لا :)

    انت اخذ اي وحده وحاول بوزاره الداخليه الباكستانيه :)


    اي اضافه بعد:

    1- الصور مو طالعه عندي ^_^
    2- كل ماذكر اعلاه موجود بكل الالوان...لا تحاتي ^_^
     
  9. k7elan

    k7elan عضو بلاتيني

    على بالي الحمام بالميم المشددة ههههههه<<وانتم بكرامة

    و أقول شهالحمـّـام اللي يخليك مختفي بالغيوم.؟ :إستنكار:

    حمّـام طيار.!


    يمكن الشباب يسعفونك بخصوص الحمام لأن معلوماتي بهن = صفرر
     
  10. أبوفواز

    أبوفواز عضو ذهبي




    حمام باكستاني ..... طيّار ؟


    معقوله!!!




     
  11. دون كيشوت

    دون كيشوت عضو بلاتيني / الفائز الأول في مسابقة الشبكة الرمضا فائز بالمسابقة الدينية الرمضانية

    يا اخي انت ماتقدر تسكت شوى :mad:

    انا كل شوى ادخل الموضوع واحسب عدد المطيرجيه ..واسجل اساميهم عشان اتحاشهم :)

    انت الحين خرّبت الموضوع .. زين جذي :confused:
     
  12. المحتجب

    المحتجب عضو ذهبي



    السليطي


    الحمام الباكستاني موجود عندنا بكثره



    ونحن نسميه بالكويت ( الخمبي )


    وتلقاه متوفر بسوق الجمعه بارخص الاسعار


    وانا كنت من عشاقه بس من زمان تركته

    حاليا بالكويت هوايتنا فقط للقلابي وهو اغلى انواع الحمام



    وعندنا منطقة بالكويت اسمها خيطان هناك تجد الكثير منه بس على فكره اللي بخيطان مايبيعونه

    لان اهل خيطان الباكستانيه يستخدمونه لترويج وجلب المخدرات

    يعني عندنا باكستانيه لا شغل ولا عمل فقط يطيرون هذا النوع

    ويحجلونه بحجل مملوء بالكوك والهروين

    واذا مريت بهذه المنطقه سترى البروج العاليه التي شيدوها فوق منازلهم


    والخمبي ينافس الزاجل لان الخمبي يمتاز بالطيران لساعات دون كلل او ملل

    والمطيرجيه يسمون طيرانه ( بالنقطه ) لانه اذا طار ستجده كالنقطه في السماء

    لايسع للنظر مشاهدته كونه ابيض منقط برأسه بقليل بالسواد وعلى جناحيه كذلك





    وسلامتك
     
  13. بوح الجروح

    بوح الجروح عضو بلاتيني

    لوووووووووووووووووووووووول كحيلان اضحك الله سنك
     
  14. سعيد

    سعيد عضو ذهبي

    حمام باكستاني طيار ،،

    سبحان الله :)
     
  15. السليطي

    السليطي عضو مخضرم

    :confused::confused: والله اول مرة اسمع عن الى يربي الحمام ان سمعتهم مو زينه !!!!

    ياخوي انا اربي حمام يوم كنت بالابتدائي الى هذا اليوم :eek: وسمعتي طيبة والحمدالله:)
     
  16. السليطي

    السليطي عضو مخضرم

    اووووووووووووووووف وش هذا :confused::confused:

    والله بعض اسماء الطيور عندكم قريبا منا حلوة القوبعة :cool:
     
  17. مطر

    مطر عضو بلاتيني

    كثير من اصحاب المناصب والرتب العسكريه يربون حمام ولا يعيبهم. نعم يقال ان "المطيرجي" لا تقبل شهادته في المحكمه :) لكن هذه "طنازه" ونكته علي مربيين الحمام.

    يقال ان "المطيرجي" كثير الكذب :) لا اعلم ماعلاقه تربيه الحمام بالكذب. اذا كان صحيحاً هل مربي الكلاب اجلكم الله هو صادق امين مثلاًَ!
     
  18. k7elan

    k7elan عضو بلاتيني

    زد على كلام مطَر

    اذكر لي مطيرجي كان نائب بمجلس الامه بدائرتنا الانتخابية

    و ااذا مروا عليه الناخبين لأجل المعاملات يكون بعض الاحيان مشغول بالحمام



    خل الحمام ينفعه الحين بعد ما صار نائب سابق..!
     
  19. السليطي

    السليطي عضو مخضرم

    ماشاءالله عطيتنا شرح وافي ماقصرت والله يالمحتجب .. واحنا نسمي الطير اذا صار نقطة .. (( منقط )) واول مرة اسمع ان يستعمل للتهريب .. وابصراحة اذا كان الجو مغيم انا اطير طيوري من بعد الفجر وماينزل الا اخر اليل او الفجر لليوم التالي .. ومرة فزت في مسابقة البحرين ..

    لان عندنا مسابقة لاكثر طير يكون منقط .. واغلب من يفوز بالمسابقة الشيخ ابراهيم ال خليفة والنوموس من دبي .. (( سمعتهم طيبة والله )) :)

    على فكرة الحمام الباكستاني انواع منه التيدا و الفقير قووول و زيرا وقولدن وجالدر ودب والا


    [​IMG]

    [​IMG]

    [​IMG]

    [​IMG]

    [​IMG]

    [​IMG]

    [​IMG]

    [​IMG]

    [​IMG]

    [​IMG]

    [​IMG]


    ويجب ان يكون قفصه يختلف عن الطيور العادية (( المحكر ))



    [​IMG]


    [​IMG]


    [​IMG]


    وانا اذا حصلت طيور طيبة في الكويت نزلت اشتري :)

    بس القلاليب واللوات منتشر اكثر من الباكستاني
     
  20. السليطي

    السليطي عضو مخضرم

    والله غريب عندكم هذا الامر :)

    احنا اغلب من يربي الحمام هم شيوخ واعرف شيخ يسافر باكستان ويذهب لمناطق في البنجاب لجلب حمام باكستاني ليدخل المسابقة ..

    على فكرة تربية الحمام من اجمل الهوايات الى عندي .:)
     

مشاركة هذه الصفحة