لا أعلم في الحقيقة لم بعض - الكويتيين - يعارضون مثل هذه الشروط , الأجنبي وندري مو من صالحه هالشروط لكن انت يالكويتي ليش تعارض !
أساساً على كل كويتي أن يبحث عن حلول لمشكلة العنوسة المستشرية في البلاد وظاهرة زواج الكويتي بأجنبية
فبالنهاية الكويتية , إما أختك أو بنتك أو بنت عمك , او بنت اخوك وهكذا ..
سمعت وايد ناس يقولون الكويتية تتشرط , مع ان في وايد بنات حمولة وناس معروفة ما يتشرطون لا بمهر ولا غيره
قبل جم يوم كويتية جامعية متزوجة من كويتي شهادتة متوسطة , ولا تشرطت على مهر ولا غيره , في من هالنوعية وايد عسى الله ييسر لهم ويوفقهم ويسعدهم الهي آمين
انا وحدة من الناس تمر علي وايد اجنبيات متزوجات من كويتي والله وبالله وتالله واضح إنها ماخذته لطمعها فيه , وذكرت في موضوع الأخت عليا مثالين على إن الأمثلة والشواهد كثيرة
زين إذا ما تداركت الحكومة هذه الظاهرة ممكن كل واحد فينا يقول اشبيصير !
الكويتي يستمر بالزواج من اجنبية ياخذ زوجية وعلاوة اطفال طبعاً , بيت حكومة او قسيمة او قرض , يعطيها الجنسية وتتوظف وتييب اهلها وجيرانها ومعارفها , وعيالها طبعاً ما تزوجهم كويتيات , تزوجهم من بنات اخوانها وترد تنعاد نفس سالفتها
بحجة ان الاجنبية ما تطلب مهر , يتزوجها وعقب يصرف عليها وعلى اهلها ويشتري لهم بيوت وشقق وكل شي على ظهره !
زين بالمقابل , الكويتية تعنس , واذا ما تبي تعنس تتزوج اجنبي , وتنحرم من كل الي تتمتع فيه الاجنبية المجنسة , الاجنبية تقعد ببيت بقرطبة والسلام وحطين والضاحية , والكويتية تقعد بالصليبية !
إنت يا المواطن غيرتك تسمح لك توافق على مثل هالشي ! وترضاها لأختك او بنتك او او او !
اتمنى الكويت تصدر قوانين مثل قوانين سلطنة عمان
1- الكويتي اذا هفته نفسه على الزواج من اجنبية يلزم بدفع ضريبة للدولة من 25000 دينار كويتي وفوق
2- بحث حالة قبل الزواج , يعني موافقة من جهة رسمية حالة حال العسكريين في الدفاع
3- الفترة التي تسبق عملية التجنيس 20 سنة واكثر , او لا يحق له المطالبة بتجنيسها يعني تتم على جنسيتها
4- يحرم من العلاوة الزوجية
كما يجب ان يكون هناك حوافز لتشجيع زواج الكويتي بكويتية , مثل رفع قيمة قرض الزواج من 6000 - 10000 دينار حسب الحالة المادية وراتب الزوج
صديقتي كويتية من ام اجنبية , حصلت الجنسية وتطلقت , تقول امي قطتنا ولا درت عنا , ناكل , نشرب , مرتاحين والا متضايقين , المهم تزوجت واحد ثاني من نفس ديرتها , يابت بنات وكون الام كويتية درسوا بالمدارس ودخلوا الجامعات الي محامية والي دكتورة والي محاسبة وزوجتهم كويتيين وكل وحدة فيهم حصلت الجنسية على ريلها , بينما بناتها من الكويتي متبهذلين ع الآخر , الله يعين .