شمبانيا هاا ايا الملعون .. بس زين قبلت الورده جان .. ياتك بشي ثاني
من أطرف المواقف إلي صادفتني .
العطلة الصيفية العام .. كنت مسافره مع الأهل لبنان ,, واهمه عادة يطولون بالسفر و..على شنو مستانسين مادري .؟
المهم إضطريت إني أرجع بروحي , لأنه عندي دوام وتسجيل .
فأول مره تصير وماعرف أتصرف , وصلني السايق لي المطار , وراح , وطيارتي اقلاعها بعد ساعه ,
طبعا ما أدل وأستحي أسأل أحد أحس إلي راح أسأله راح يقول شهالغباء ..
المهم مشيت عشوائي ,, لاحقه عايله لبنانية المهم ,, مني مناك دليت دربي وصلت بركب الطايره ,, وناسه طاقم كويتي ,, استانست 3 اشهر ونص بلبنان لاعت جبدي لمن شفتهم اتشققت من الفرحه ..
لمن ييت بقعد ولا يمي واحد جنه امريكي ويثل ومعضل .قلت هذا شلون لي بقيت اقوم شي فشله ويخرع .
قلت حق المضيف , ماكو غير هالمكان , قال عفوا ماكو هذا حجزج ي.
. عاد ياني قال انشاءالله اذا قل العدد وعد اغير مكانج .
المهم قعدت ,ومن الفشله قصب أخذ نفسي , والله قلت خلاص راح اموت انا اليوم.
وإهوه ريلاكس ويسمع واغاني , والمهم كلش مالهيت بشي بس بعرف شنو جنسيته ,المهم
جان يقولي عفوا انتي من وين , قلت له كويت .
قام يسولف وجذي وطلع لبناني وراديو ويقول وانه اهوه ياي شغل بلكويت والشركة الفلانية ,, ويقرق ويقرق ,, فانا اندمجت ,, بالقرقه مالته ,, فكل ما يمر ىالمضيف يطالعني يشوفني قاعده اتحجى المشكله مجبوره ارد عليه ردي يكون بكلمه او كلمتين بس ..وعلى حظي كل ما يمر يشوفني قاعده اتكلم معاه ..بعد مايصير اطنشه .
المهم هالساعتين قرقههههه لمن وصلنا الكويت ,, لمن طلعنا من الطياره ياني المضيف قال كنت اقدر اغير مكانج بس شفتج لاهيه ..
لوول فضحكت
قال دوم هالضحكه