تصويت :افضل دولـه في الخليـــج

[هدى الكويت]

تصويت : مـن هي برايكـــــم افضل دولـه في الخليـــج
كل دول الخليج على العين والـراس وب النهايه كلنا شعب واحـد وبلـد واحـد
ولكن من هي افضل دولـه في الخليـــــج من كـل النواحــــي
الـكـويـت الامـارات البحريـن السعوديـه قطــر عمــان

انا طبعـا بصوت لديـرتي وبلدي وحبيبتي وروحي عـروس الخليـج [ الـكــويـت احـلـى واجمـل بيـت]

لان الكويت مثل ما احنا عارفين بلد كثير حلو بكل شي فيه من المجمعات والاسواق والمطاعم و القهاوي والمولات والسينما والمسـارح وحفلات الاغانـي الـــــــــخ

ملاحظــه :يرجـى التصويت بكتابـة اسـم البلـد المفضــل مع ذكر المميزات والمساوىء شاكرين لكم حسن تعاونكم معنـا

 

[S U L T A N]

انا برايي ان الموضووع ماراح ياخذ حقــه
السبب لان كلن راح يصوت لبلـدهـ شي طبيعــي
لكن انا ساقول السعوديه ثم ساقول الكويت ثم البحريـن
ثم الامارات ثم عمان ثم قطــر​

 

[أحمد محمد حمد]

أنا بصراحة كنت بحتار بين إيران والعراق
بس ليش مو موجودين بالخيارات ؟

 

[S U L T A N]

أنا بصراحة كنت بحتار بين إيران والعراق
بس ليش مو موجودين بالخيارات ؟

وش رايك تختار

عراقستـان
خليك محايد
هههههه

 

[!...ωαнαм...!]

هلا والله اختي هدى


ياريت ياخذ الموضوع حقه

ونشوف فيه مشاركه الاعضاء


بالنسبه لي اختي هدى


انا ما عمري سافرت الا للكويت والسعوديه عطلتي دايما الكويت السعوديه


دول الخليج الثانيه ما بعمري زرتها ولكن راح ازورها ان شاء الله



بالنسبه للسعوديه والكويت


فيه فروقات بينهم الكويت فيها اشياء احلى من السعوديه ونفس الشي العكس


فمثلا بالجو الليلي الشبابي الكويت مره حلوه وخاصه الكوت ومطاعم السالميه


كثير حلوه بعد فيه اشياء حلوه البحر بس ما اشوف الحكومه الكويتيه اهتمت بالشاطئ كثير


والا هو روعه والله



بالنسبه للسعوديه الرياض ما تصلح مدينه كبيره وزحمات وحر


جده ام الرخا والشده روعه وانا اشوف طابعها حلو من مقاهي كوفي شوبس ملاهي ترفيهيه نفس الكويت


تروحين عن جده 200 كيلو تحصلين الطايف الجو روووعه ما ينامون بمكيفات بعز الصيف


بالليل برااااااااااااد يشفي الواحد


والله دول الخليج روعه وانا تكلمت عن اللي اعرفهم فيه فروقات بينهم كل وحده احلى من الثانيه باشياء



تسلمين اختي
​

 

[درع الجزيرة]

في إعتقادي وبدون تحيز

لا توجد مدينة في الخليج العربي

مثل دبي في التقدم العمراني والتنظيم

لكن فيها تحس انك غريب
​

 

[الخنساء]

سافرت لجميع دول الخليج ماعدا قطر ماصارلي نصيب اسافرلها، من اكثر الدول الخليجية اللي حبيتها هي سلطنة عمان، شعبها اكثر من رائع وطيب واخلاقه عاليه .. وحبيت في عمان الحفاظ على التراث بما اني من محبي التراث والبلاد القديمة ...

 

[صداع بالركبه]

الشمس ماتغطى بمنخال الجواب بكل سهوله
الاماراااااااااااااااااااااااااااااااااااااااااااااااااات
روحو ابو ظبي وتحسروا على ما احنا فيه والصراحه الكويت حلوه بس الصراحه في فرق بيننا وبين الامارات
وانشالله ترجع الكويت على ماكانت عليه لؤلؤة الخليج

 

[كرستاله]

كل دول الخليج نفس الجو والاجواء
نفس النكهه الالتزام بالعادات والتقاليد
الفروق لاتذكر

 

[هدى الكويت]

كل دول الخليج نفس الجو والاجواء
نفس النكهه الالتزام بالعادات والتقاليد
الفروق لاتذكر

يسلمووو على المرور

 

[عبدالملك]

عفوا .. إذا وضعنا الحرمين في الحسبان طاحت الموازين

 

[مطمئن]

ولكن من هي افضل دولـه في الخليـــــج من كـل النواحــــي

مافي دولة لها افضلية مطلقة مستحيل..
انا عبالي من هي الافضل سياحيا لكونج حاطة الموضوع بالشبكة السياحية
اذا سياحيا راح اختار الإمارات

 

[الزهراء]

افضل دوله الاماراااات

:وردة:

 

[""" صمتي جرحني """]

دبي...........

 

[الأناضول]

كل الدول أجد فيها راحتي

الله يديم الامن والامان

 

[بن خليفه]

بوجهة نظر كالتالي :

سياحياً : عمان (صلالة)

ترفيهياً : دبي

دينياً : أكيد السعودية (مكة + المدينه)

رياضياً : قطر

الترتيب والنظام : أبوظبي

أدب وثقافة وفن وسياسة ونجرة ودواوين ورقي ومطاعم : شي أكيد أحلى دولة اهي الكويت

 

[دارين]

بوجهة نظر كالتالي :

سياحياً : عمان (صلالة)

ترفيهياً : دبي

دينياً : أكيد السعودية (مكة + المدينه)

رياضياً : قطر

الترتيب والنظام : أبوظبي

أدب وثقافة وفن وسياسة ومطاعم الكويت :

:إستحسان:​

واضيف على ماذكــرته تعتبـر ( دبــي ) من أفضــل مدن التســوق في الخليج
والاســرع تطوراً​

 

[ريما القمر]

.

كل مكان له ميزته ..

للراحة أروح البحرين أحب ناسها ..

للتسوق دبي ..

والسعودية ما نستغنى عنها ..

وقطر تربطني فيهم علاقة ( $$$ ) بس زعلانة عليهم .. :باكي:

وعمان ودي أزورها إن شا الله ..





.​

 

[الأصمعي]

والله حسب الواحد و إهتماماته لكن أحب أحطهم كنقاط مميزاتها و عيوبها:

1-الإمارات و خاصة دبي حلوة بالعمران و السهرات الليلية لكن سهراتهم مو ذاك الزود يعني لازم COUBLES ! ولا مادش إلا بقشيش شهل حاله و طبعاً التسوق و المشاريع الغريبة إللي فيها بس مشكلتها و عيبها الجو الحار و الرطب !

2- البحرين حلوه و جود غنها جزيرة مخليها حلوة بعيون لكويتين أكثر و قهاويها أكثر شئ تعجبني فيها لكن راحت عليها و الرطوبة عيبها ..

3- عمان ما أظن فيها غير صلالة من ناحية الطبيعة و ما في إهتمام كبير و أحسها هدوء و عائلية و غالبية سواحها الأجانب شياب !

لكن الحلو فيها إنها تملك أطيب شعب بالخليج أظن أكثر من الكويتين ..

4- قطر إللي بخليني أفكر أزورها يوم من الأيام إنها محسوبه علينا خليجية و تكملة عدد جود أزورها ..

5- السعودية ما أظن أحد يروح لها إلا لسبب ديني لتواجد مكة المكرمة و المدينة المنورة فيها و بسبب المعارض و الأهل ..

6- الكويت حلوة و الأحلا إن شعبها مطلع على الشعوب الأخرى من زمان يعني قبل النفط متفتح على الحضارات الثانية يعني لا الفضائيات و لا الأنترنت إللي فتح الشعب الكويتي لأن من زمان و هوا مسافر و عارف و الحلو فيه الرقي بالشعب لكن مشكلتها الحرورة بالصيف فقط و إنحصار أماكن الترفيه بين العاصمة للسالمية و نادر ما تلاقي شئ بعيد عن الديرة يخليك فعلاً تشتاق تزور المكان ..

الكويت حلوة لكن البعض مخرب عليها بمحاولة تسكيرها و الإنعزال عن العالم ..

تحياتي .. :وردة:​

 

[زمن قاسي]

الامارات اكيد