بعد 50 سنة ..عام 2062...ماذا يقول رواد هذا الموضوع ....
يدخل العضو الحجى احمد عمره 60 سنة وهو من مواليد سنة 2002...
الله على ايام زمان ..الله على ايام قبل ..راحوا الطيبين ..
تذكرون البلاى شتيشن تو ..كنا على بساطتنا نلعب فيها ونحركها بيدينا واصابيعنا
مو مثل عيال الحين يلعبون بالنظر بالعين ..
تذكرون ايام البساطة قبل ايام الايفون البدائى والايباد.
.ايام كانت حلوه رغم بساطتها
ايام الواتساب ..تذكرون سوق شرق القديم هدموه الحين قبل كان
فوق اليابسة..
الحين الجديد داخل اعماق البحر .
.تذكرون الاسواق العتيجة قبل المارينا والافنيوز ..تذكرون تجمعات الارادة
الله على ايام الطرب الاصيل فرقة ميامى وشوف الواو وقلب قلب واشطح ..
مو مثل غناوى وخرابيط الراب الحالية ..
تذكرون ايام المطاعم القديمة مكادو نالدز وكنتاكى ...
ايام الماك جكن سبايسى ...:باكي: راحوا الطيبيبن الله على ايام اول ...
الله على ايام كانوا الكويتيين متوحدين وعلى قلب واحد !!
ماكان بس الا لونين .
.برتقالى اقاطع.... وازرق سأشارك ..وبس ..!!
مو نفس الحين متفرقين... احمر وازرق واخضر وبرتقالى وعنابى واصفر وابيض.
وسماوى وفستقى !!!!!!!!!.
اصفر !!؟؟(مايبيله هذا مؤكد لون النوخذه ))
وفستقى ..ههههههه((الفستقى هذا لون الماسونيه وبو عمر الثورى ))
فديت الفستقى انا
ويكمل حجى احمد ذكرياته للشباب مواليد 2030...
كانت ايام حلوه ياعيالى ....الا الحجيه العودة العضوة النوف وينها ؟؟؟
عميدة هالموضوع عمرها 75 سنة
هاليومين مانشوفها الغوغائيه ؟؟ تشكى من قولونها ..
ومن ثم تدخل العضوة( فى )عمرها 50 سنة من مواليد 2012 ...
ويه ياحلو ايام قبل اتذكر جدتى كانت شحلاتها رغم بساطتها الا انها كانت انيقه وبلبس بسيط
وحجابها بو قواطى روب ..جدتى الله يرحمها كانت تطلعنا بسيارتها اللكزس تودينا الاسواق القديمة المارينا و360كانت تهبل جدتى نافخه خدودها
وبراطمها ورافعه خشمها..ايام التجميل البسيطة ..
بس الله يرحمها من كثر ماتشد بو جهها وبشرتها شدوا يوم عيونها لفوق بقوه
وصارت عيونها بقمة راسها ..
جراده مو مره .!!!..وماتت اثر هالشده القويه ..!!!
الله على اللهجة وكلمات قبل الاصيلة ..مو صج ...حدك متوفى ...واااااو
كلمات ومصطلحات من الزمن الجميل ..مايعرفونها هالجيل الحالى ..
الله على ايام قبل تذكرون ايام الانترنت وتوتير كانت ايام بسيطة وبدائيه
ولكنها حلوه
تذكرون منتدى الشبكة الوطنية ..
.تذكرون العضوة أم فواز
الحين عمرها 96 سنه الله يعطيها طولت العمر ...كانت تسوى خثرة بتونه ؟؟!!!
وكله تناجر العضو بوطلال ...الا بو طلال شخباره عمره 100 سنة
ومنسدح على الفراش
بس للحين يغمز بعيونه ماييوز من طبعه .. وطعيسه للحين تقول مش قلت لكم من زمان
كذا حركاتوه حركات مراهك مررررررررررره ...
ولازال ولد وايل برغم بلوغه ال 80 من عمره يبحث عن المال ويحلم بربطة عنق صفراء !!!
ولازالت طعيسه تكتب فوق الطعس وتهدد وتتوعد من 50 سنة انها سوف تكتب موضوع تسئ به للكويت.وللحين مش عارفه وش تكتب لانها محو اميه
..ولازال الخفيف مدخل خشمه بشئؤن الاخرين ..
ولازال قلم شريف يحذر من الخروج للمسيرات والتجمعات بس طبعا
مع ملاحظة ان الرجل تعدلت بدلياته من نسبة كل 100 كلمة 95 خطأ املائى وبدليه الى 90 بدليه فقط ..
ولازال بن تركى متابعينه فقط على تويتر 13 متابع
ثم تدخل العضوة (مى ) مافى خو الاسماء كلها اصبحت حرفين فقط ..في ..مي..ضي .
الله على ايام قبل وسفراتنا لندن والنمسا واسبانيا ومصر ..كانت سفرات حلوه
ننطر سنه كامله وعطلة الصيف علشان نسافر بس .
.مو مثل الحين السفرات المليقه للقمر والمريخ ...كنا ننطر سنة علشان نسافر لندن مو مثل الحين امس متريقه بلندن وبكره بزرق
اتعشى هناك ساعتين وارجع على الكونكورد الرحلة 10 دقائق فقط ...
راحوا الطيبين راحوا ...
:وردة: