سؤال وجواب منو تجيه تهيؤات غريبه جذي

[مقروده]

السلام عليكم


بسألكم اذا احد مثلي وهالشي عادي او لا


مثلا اذا جيت بنام احس اني لمحت عتوي او زهيوي عالفراش ولما انفضه واطالع عدل ماكو شي


واذا كنت قاعده مرات احس اني شفت بريعصي او زهيوي عالجنب اذا لفيت ماكو





منو فيكم تجيه هالتخيلات ؟؟

 

[لوووح!]

^
و عليكم السلام و رحمة الله و بركاته..

أنا كانت تجيني زمان!
بس ممكن أسألك سؤال شخصي!​

 

[مقروده]

هلا اخوي لوح والله اسمك انحرج اذا قلته

زين وشلون راحت التهيؤات ؟

واسئله شخصيه ما نريد والسموحه

 

[خلك طبيعي]

ان شاء الله تتزوجين بكره وتلقين اللي يملا فراغك وتنسين التهيئات هذي
هذي تأتي من الفراغ الكبير جداً
اشغلني نفسك قبل هي ماتشغلك

 

[لوووح!]

هلا بك يابنت..
و كل عام و أنتي بخير:وردة:
و بالنسبه للإسم بيتغيـّر إن شاءالله..
أما شلون راحت..
لازم تجاوبيني على سؤالي عشان أقدر أساعدك..
ما تحبين حاولي تشرحين وضعك من ناحية الأدويه!
هل تستخدمين أدويه!
و إذا ما تبين تجاوبين برضو بكيفك!
رغم إن هذا ماكان هو سؤالي!
لأن سؤالي مو شخصي بمعنى الكلمه..
لكن يمكن ماعرفت اوصل لك المعلومه..​

 

[مقروده]

هلا بك يابنت..
و كل عام و أنتي بخير:وردة:
و بالنسبه للإسم بيتغيـّر إن شاءالله..
أما شلون راحت..
لازم تجاوبيني على سؤالي عشان أقدر أساعدك..
ما تحبين حاولي تشرحين وضعك من ناحية الأدويه!
هل تستخدمين أدويه!
و إذا ما تبين تجاوبين برضو بكيفك!
رغم إن هذا ماكان هو سؤالي!
لأن سؤالي مو شخصي بمعنى الكلمه..
لكن يمكن ماعرفت اوصل لك المعلومه..​

اسم الله علي لا اخذ ادويه ولا شي

 

[لوووح!]

حلو..
طيب كيف صلاتك!
يعني مواضبه!
بصراحه!
​

 

[!...ωαнαм...!]

اسمي هو الجواب

بس حطيه جمع


​

 

[مقروده]

ان شاء الله تتزوجين بكره وتلقين اللي يملا فراغك وتنسين التهيئات هذي
هذي تأتي من الفراغ الكبير جداً
اشغلني نفسك قبل هي ماتشغلك

عاد الفراغ مايجيب الا زهاويه وبراعصه

ماله دخل الفراغ


وشكرا عالرد

 

[مقروده]

اخوي لوح انا حتى انام على قناة القرآن ابرتاح واذا قريت القرآن او سمعته ابجي حيل مادري ليه


عاد قبل لا جيت انام احس بعتوي يناقز على راسي ههههههه ادري بتقولون مجنونه

رحت مطاوعه بس حسيت مالهم داعي

 

[مقروده]

اسمي هو الجواب

بس حطيه جمع


​

ممكن ليش لا

 

[لوووح!]

مقروده..
حلو الكلام..
طيب إذا سمعتي القرآن..تحسين بضيق في التنفـّس..
و رعشه!​

 

[!...ωαнαм...!]

ان شاء الله تروح

بدلي محل نومك وشوفي


اذا كان السرير بزاويه غيري محل النوم ووسطي مكانه


اذا قريبه من عتب حاولي تشيلينها


واقراي المعوذات قبل النوم


وباذن الله تنحل
​

 

[مقروده]

احس بضيقة وحززززن وابجي الدموع تنزل بدون شعور سييل والله ما ابالغ واذا قريته انعس واحس ضيقة بالنفس ما اقدر اقرا الايات احسهم طوال

 

[لوووح!]

تقدرين تقرين سورة البقره و توصلين الآيه 100!
طبعاً إنتي تقولين أحسهم طوال!
طيب حاولي!
و من متى فيك هالحاله!
​

 

[مقروده]

انا اختم القرآن برمضان والحمدلله

بس السورة اقرا مثلا عدد معين من الصفحات وثاني يوم اكمل وجذي او بعد كم ساعه اكمل القرايه

تقريبا 4سنين

 

[وطني الكويت لاعدمناك]

انا متابعه الدكتوور لووح ؟؟؟

وماتشوفين شر يابنت مااحب اناديج بهالاسم احسه تشاءم عيني خير

ويمكن صج في زهيوي مو تهيؤات << الطف الجو

 

[لوووح!]

يا مقروده..
يا حبك للتهرب!
سألتك عن الصلاه و قلتي لي أنا أنام على صوت القرآن!
و مشيتها لك!
و ألحين سالتك سؤال و برضو تهربتي!
يعني مثل ماقيل منذ قديم الزمان:
(سألتهُ عن عــُكاشه..فأجابني عن عــَـمـْـر!)
أكرر..
و رجاءً بدون لف و دوران..
تقومين باالفروض في وقتها!
هل تستطيعين قرائة سورة البقره إلى الآيه100بدون توقف!​

 

[مقروده]

اي والله حدي اندمجت مع الدكتور شرقان قصدي لوح


وطني الكويت لا عدمناك شكرا عالرد

 

[مــيار]

يااااربي ...!!

:باكي:

انا قريت الموضوع والمشاركات وصرت اشوف زهيويات مني ومناك وهناك :باكي::باكي:

وسوست :باكي:

.
.
.
بالنسبة للقرآن ... مافيه احلى منه ولا تنسين ان الله ذكر انه شفاء للناس

بالنسبة للدموع ... عساها دموع من خشية الله وتكونين من السبعه ويظلج الله يوم لا ظل الا ظله

شي حلو انج تبجين وانتي تقرين القرآن ... واصلا الدموع راحه للنفس :وردة:

.
.
.

بالنسبة للي تشوفينه

يمكن هذا خداع بصري ...

يعني مرات والكل تصير معاه هالشغلات انه كأنه شاف شي بجانبه ولما يلتفت مايلقى شي

هالشيء يصير حتى مع اللي مايعرف ربه والشيطان ماله حاجه فيه !

في نقطه بالعين لها اسم نسيته ... مرات تعطي انعكاسات خاطئه وتخليج تتخيلين هالشي

اسمه خداع بصري ... عاادي تصير

وشكرا

^_^

:وردة:​