متابع 2009
عضو فعال
السلام عليكم ورحمة الله وبركاته
كلنا شفنا الاحداث الي مرت على البلد خلال الفتره الماضيه وانتصار نواب لدستور وتخاذل نواب وضبابية بعض النواب
ولكن خرج علينا ضمير صفاة الغنم النائب المخضرم سعد زنيفر لأول مره في استجواب رئيس الوزراء الاخير وقال
اسمعو شنو قال
على كثرة الاستجوابات الي مرت ماتكلم الا في الاستجواب هذا وقال
نؤيد استجواب رئيس مجلس الوزراء < لا ياشيخ من جدك والله ماني مصدق في حلم ولا علم انا
قلت انا شكله شبع وحس في الشعب حي الواحد الي يحس على دمه
وجا وقت الاستجواب قلت اكيد اقل شي ضد السريه دامه يؤيد الاستجواب اما كتاب عدم التعاون معصي يوقف ضده لو هم طاقينه في ندوة الصليبيخات بينسا ع طول
وطبعن جا الاستجواب وكما هي العاده الانبطاح على اصوله ولا يلحقه شك في هذا النائب المخضرم
يوم جلسة الاستجواب ذهب النائب المخضرم مع واحد من عياله وكان هو الي يسوق
والرجال مسرع على الملك فهد وفي زحمه وبما انه عضو مجلس امه مخضرم صديق عزيز
جدا على الحكومه خذا طريق الطواري ( المقطع طبعن )
والا بدوريه توقفه قال الشرطي للولد الاجازه والدفتر عطاه دفتر السياره وقال له اليسن قال ماعندي لانه معتمد بجانبه ضمير الامه قال الشرطي عطني بطاقتك وتعالي المخفر
وانتفض ضمير الامه وقال يا حضرة الشرطي معاك عضو مجلس الامه سعد زنيفر
رد عليه الشرطي وقال واذا عضو مجلس امه تخالف .؟
سكت ضمير الامه وانحرج قدام ولده الي يشوف دفتر سيارة مجلس الامه وبطاقته ماقدر يرجعها له ابوه الي واقف مع الحكومه على الحق والباطل
حرك الشرطي وراح وحرك ضمير الامه متجه للجلسه
والله يوم عرفت السالفه قلت على شرطي ماقدر شلون نبيه يقدر على رئيس حكومه
وين الي يقولون البصامه ماشيه امورهم شكله على الشخصيه لان الي ماله موقف ولا له كلمه محد يدري انه عضو للأسف
المهم الحادثه الاكبر من هذا ان جميع الناخبين يضغطون على نوابهم بعد الاستجواب ويجتمعون قدام بيوتهم والنواب ينحاشون من الضغط والي يسافر والي يطفي ليتات البيت
الا المخضرم سعد زنيفر
لاني بعد الاستجواب بيوم الساعه 3 ونص في صفاة الغنم منطقة الظهر لقيت بي ام الحكومه لونه اسود صافط قال لي واحد من الربع هذا عضو قلت له مستحيل من جدك عضو على سيارة الحكومه جاي الصفاه خصوصن بعد الاحداث والضجه الي نعيشها قال لي اصبر وقف وبتشوف
شوي وحنا ننتظر راعي السياره بعد ماوقف ينزل شفنا الدبه تنفتح وينزل منها خروف يرافس ينزله الهندي وينزل صاحب السياره طاق الهدد ومعه شايب ويضحك الا النائب المخضرم سعد زنيفر
انصدمت قلت لصديقي يا ولد مادرى عن الناس ولا عن الاحداث والاستنفار الي صاير جاي بسيارة مجلس الامه منزل من دبتها خروف وهو بنفسه ماعنده هندي ولا عيال يشترون له بدال مايروح قدام الناس وعلى سيارة الحكومه يعني الفلوس ماشاء الله كم استجواب مر علينا
قال لي خويي تعرف اليوم الخميس وتوه ماخذ مزرعه في الوفره يبي يتعشى الخروف فيها وياخذ استجمام وراحه والحظ هذا مايجي الا مره في العمر
ولا حبتك عيني ماضامك الدهر
هذا الي صار وانا اقسم بالله ان كل ماكتبت صحيح
انتهت قصة ضمير صفاة الغنم
اسمحو لي على الاطاله
تحيتي
كلنا شفنا الاحداث الي مرت على البلد خلال الفتره الماضيه وانتصار نواب لدستور وتخاذل نواب وضبابية بعض النواب
ولكن خرج علينا ضمير صفاة الغنم النائب المخضرم سعد زنيفر لأول مره في استجواب رئيس الوزراء الاخير وقال
اسمعو شنو قال
على كثرة الاستجوابات الي مرت ماتكلم الا في الاستجواب هذا وقال
نؤيد استجواب رئيس مجلس الوزراء < لا ياشيخ من جدك والله ماني مصدق في حلم ولا علم انا
قلت انا شكله شبع وحس في الشعب حي الواحد الي يحس على دمه
وجا وقت الاستجواب قلت اكيد اقل شي ضد السريه دامه يؤيد الاستجواب اما كتاب عدم التعاون معصي يوقف ضده لو هم طاقينه في ندوة الصليبيخات بينسا ع طول
وطبعن جا الاستجواب وكما هي العاده الانبطاح على اصوله ولا يلحقه شك في هذا النائب المخضرم
يوم جلسة الاستجواب ذهب النائب المخضرم مع واحد من عياله وكان هو الي يسوق
والرجال مسرع على الملك فهد وفي زحمه وبما انه عضو مجلس امه مخضرم صديق عزيز
جدا على الحكومه خذا طريق الطواري ( المقطع طبعن )
والا بدوريه توقفه قال الشرطي للولد الاجازه والدفتر عطاه دفتر السياره وقال له اليسن قال ماعندي لانه معتمد بجانبه ضمير الامه قال الشرطي عطني بطاقتك وتعالي المخفر
وانتفض ضمير الامه وقال يا حضرة الشرطي معاك عضو مجلس الامه سعد زنيفر
رد عليه الشرطي وقال واذا عضو مجلس امه تخالف .؟
سكت ضمير الامه وانحرج قدام ولده الي يشوف دفتر سيارة مجلس الامه وبطاقته ماقدر يرجعها له ابوه الي واقف مع الحكومه على الحق والباطل
حرك الشرطي وراح وحرك ضمير الامه متجه للجلسه
والله يوم عرفت السالفه قلت على شرطي ماقدر شلون نبيه يقدر على رئيس حكومه
وين الي يقولون البصامه ماشيه امورهم شكله على الشخصيه لان الي ماله موقف ولا له كلمه محد يدري انه عضو للأسف
المهم الحادثه الاكبر من هذا ان جميع الناخبين يضغطون على نوابهم بعد الاستجواب ويجتمعون قدام بيوتهم والنواب ينحاشون من الضغط والي يسافر والي يطفي ليتات البيت
الا المخضرم سعد زنيفر
لاني بعد الاستجواب بيوم الساعه 3 ونص في صفاة الغنم منطقة الظهر لقيت بي ام الحكومه لونه اسود صافط قال لي واحد من الربع هذا عضو قلت له مستحيل من جدك عضو على سيارة الحكومه جاي الصفاه خصوصن بعد الاحداث والضجه الي نعيشها قال لي اصبر وقف وبتشوف
شوي وحنا ننتظر راعي السياره بعد ماوقف ينزل شفنا الدبه تنفتح وينزل منها خروف يرافس ينزله الهندي وينزل صاحب السياره طاق الهدد ومعه شايب ويضحك الا النائب المخضرم سعد زنيفر
انصدمت قلت لصديقي يا ولد مادرى عن الناس ولا عن الاحداث والاستنفار الي صاير جاي بسيارة مجلس الامه منزل من دبتها خروف وهو بنفسه ماعنده هندي ولا عيال يشترون له بدال مايروح قدام الناس وعلى سيارة الحكومه يعني الفلوس ماشاء الله كم استجواب مر علينا
قال لي خويي تعرف اليوم الخميس وتوه ماخذ مزرعه في الوفره يبي يتعشى الخروف فيها وياخذ استجمام وراحه والحظ هذا مايجي الا مره في العمر
ولا حبتك عيني ماضامك الدهر
هذا الي صار وانا اقسم بالله ان كل ماكتبت صحيح
انتهت قصة ضمير صفاة الغنم
اسمحو لي على الاطاله
تحيتي