محمد بن زايد ال نهيان هو من تكفل في علاج الفنان ولد الديره

[عــذوب]

قويه وربي

والله يجزاه كل خير ​

 

[nawaf-q]

جزاه الله خير ليس غريب على عيال زايد​

 

[شاكووش]

مو غريبــة على أل نهيان ,,,, مو أول مره هالشغله ,,,, ولا هي أخر مره
بالطريقة هذا شراح يكسبون أل نهيان
الدعاء من القلب
الأجـر العظيم
ومــدح الشعوب لهم
وفوق هذا وهذا .. دفعت بلاء
​

 

[بنت السعوديهـ]

ولد الديرة قصته عجيبه


من ذهب لتايلند من بعض الشباب


اكد مشاهدته لولد الديرة في بعض الاماكن المشبوهه


أستغرب قصته

ولاابي احط بذمتي بس شنو قصه ولد الديرة

​

كلامك عن الرجل وهو في هالوضع وتكلمك عنه بهالشكل وقذفه بيكون ضدك ان شاء الله ووقت ماتكون فنفس الوضع اللي هو فيه الحين بتلاقي الناس تتكلم فيك بهالشكل


نصيحه .... خاف ربك




بالنسبه للموضوع ماشوف فيها شي الخليج كله واحد لاتعالج السعودي على حساب الكويت ولاتعالج الكويتي على حساب الامارات ولاتعالج الاماراتي على حساب قطر وغيره هذا شي عادي وطبيعي كلنا واحد .... الاهم انه يقوم بالسلامه ويجعل ماصابه تكفير لذنوبه ان شاء الله

 

[سعودي و أثبت وجودي]

الله يجزاه خير ويجعله في ميزان حسناته ويحفظة ويثبته على الخير ان شالله

 

[الكويت تاج راسي]

الله يشافــي ولــد الـديــره ..
جـــزاه الله خيــر الشيـخ محمـد بميزان حسناتـك ان شاء الله

امتناعك عن إلقاء قمامه واحده في ﺂلشارع ،
يعني توفيرك إنحناءة لظهر عامل النظافه في صيفنا الحارق .. ( النـظـافــه مـن الايـمــان )

الـــــــراحــمـون يرحمهـــم الله ..( ارحمو من فـي الارض يرحمكــم من في السمـــاء )​

 

[مشعل ابوبدر]

اقول للشيخ محمد

ماهو غريب الطيب من منبع الطيب ::: وشلون نستغرب من الغيمة امطار

 

[رقيب اول]

الشيخ محمد بن زايد آل نهيان
هذا اللى يسمونه شيخ بكل ما تعنيه الكلمة

​

 

[وين نروح]

أنا شخصياً أتعالج على حساب الدولة في مستشفى بانكوك ( الملكي ) وتصادفت مع الأستاذ خالد العقروقة ( ولد الديرة )أكثر من مرة حسه الفكاهي لازال موجود لكن ملامح الرجل تغيرت , وحهة صار داكن وشفايفه غير واصابع يديه لونهم غير عن البشرة , ماكان تعبان جداً ظاهرياً ولد الديرة نفسه بس فعلاً ملامحة متغيره جداً إلا تدقق في وجهه تعرفه , وهذه ليست المناشدة الأولى كذا مره تتأخر مخصصاته وينحرم من العلاج فترة على ما يجيه الرد , اللي أعرفه أنه يعاني من السرطان الله يكافينا وياكم الأمراض , بس ترى صارله أكثر من سنه وست شهور على حساب الدولة ولا أعرف شنو المرض بالضبط ولا سألته عن الأحراج , بس أعيد حسه الفكاهي موجود وأنا موجود لما ناشد صراحة تفاجأت لما شفته على السرير لأني قبلها بيومين شايفة طالع من مطعم بمنطقة أخرى غير بانكوك , الله يشفي الأستاذ خالد العقروقة ولد الديرة ومرضى المسلمين من كل مرض يارب ويرده لأهله سالم غانم معافى ,,,

الله يبيض وجهك يابو خالد هذا الأسد من ذاك الأسد كريم وشهم من أطباع أبوه زايد الخير الله يرحمة ويجعل مثواه الجنة , تكفل بعلاج هالمسلم جعلها في ميزان حسناته , الله يسامحكم يا أهل الكويت شيوخ وتجار ماقدرتوا تحفظون ماي وجهنا وتدفعون لشخص مريض تكون لكم حسنة طيبة عند الله !! خليتوا الجيران يسبقونكم على الأجر !
أنعدمت النخوة ,,,​

 

[طموح]

محمد بن زايد يعالج
سلطان بن عبدالعزيز يعالج

الكويتين


؟

وين هيبة الشيوخ

 

[HMD-ALAJMI]

الامير سلطان بن عبدالعزيز الله يشفيه يعالج المرضي ويتكفل بجميع مصروفاتهم
الامير نايف بن عبدالعزيز يعالج المرضي ويتكفل بجميع مصروفاتهم
الشيخ محمد بن زايد يعالج المرضي ويتكفل بجميع مصروفاتهم
الامير عبدالعزيز بن فهد رجل راعي فزعه يتكفل بعلاج المرضي و جميع مصروفاتهم
الامير سلطان بن محمد الكبير راعي وقفه يتكفل بعلاج المرضي وكل مصروفاتهم
رجل الاعمال الاماراتي اعتقد فيه اسم ماجد او جمعه ناسي اسمه يعالج المرضي علي حسابه
انا ذكرت هؤلاء الشيوخ لاني اعرف ناس معرفه شخصيه وهم كويتيون راحو لهم وعلي
طول باسرع وقت عالجوهم واخص الامير سلطان بن عبدالعزيز عشرات الكويتيون
راحو علي حسابه الشخصي فعلا ً صاحب ايادي بيضاء
ولله اني اعرف كويتي يعالج فترة سنتين علي حساب الامير عبدالعزيز بن فهد وربعنا
بالكويت طردوه مع الباب السبب ماعنده واسطه

 

[خجـل]

جزاه الله الف خير ماقصر

الله يشفي ولد الديره ويعافيه ..​

 

[اتق شر من احسنت اليه]

احلف او قول صديقك يحلف


..
الرياال بين الحياة و الموت و المرض ياكل جسمة و انت تقول هل الكلام

طحت بشر اعمالك ياعزوز بوكشه....السؤال وين الحكومه عنه؟؟؟؟؟؟؟

 

[منسدح فالصاله]

الممثلين تلقاهم بالعزاء لما يموت

والا حسين عبالرضا عن المسلسل 30000 الف

ليش ما يتبرعون له

نفس مريم الغضبان الله يرحمها محد تبرع لها

لما ماتت تجمعوا بالعزاء

 

[سدرة المنتهى]

عين عذاري .. !!
​

 

[النوف]

شيوخ الامارت دايما يحرجون الغير بطيبهم وكرمهم....

الله يديم عليكم ....​