القلابي لما قال ان الاصوات التسعة الشيعية في المجلس بادارة الضبعة طبعا بالمخبه للتصويت مع الشيخ ناصر المحمد رد حسن جوهر في المجلس باللمز دون ذكر اسم القلابي ان اللي يقول الاصوات التسعه مضمونه ما يحكمنا و عندنا عقول نفكر و نقرر و انا مع الاستجواب .. عقبها القلابي يقول عن حسن جوهر فعلته ماهي خطأ بل خطيئة ويصير خير .. هذا موقف من مواقفه اذكره ولا اقتبسه وبالتالي ممكن تكون بعبض المفردات اللي كتبتها مختلفه لكنها نفس الفكرة وقلتها من الذاكرة والمتابعة السابقة
كوني ناخب في الدائرة الاولى قبلي سني وحضري بحكم سكني في منطقة الرميثية ولو ينزل من قبيلتي بدائرتي من لا يستحق الكرسي اعطيه طاف
توجهي السياسي شعبي
في الثمانينات اصوت للدكتور خالد الوسمي و جمال الكندري
واحد ليبرالي و الثاني "اخواني بس خشاشي ".. اصوت لهم طائفيا مع الخيل يا شقره اللي له قاعده و ممكن نجاحه ندعمه تجنبا لنجاح صرخوه و الخضاري
الوسمي بطل سياسه تم الكندري و الصوت الثاني اي واحد سني و السلام
ينجح الكندري و الخضاري اقوى اثنين
دخل عبدالرضا خورشيد الانتخابات وبطل صرخوه بعدها سياسة و صارت الدائرة محسومه لخورشيد و الخضاري ومع كامل دعمنا للكندري بس ما يلحق عليهم يطلع الثالث بفرق بسيط
بالنسبة لي ما كانت خياراتي سياسية كانت طائفية لان هذا الموجود من المرشحين السنه تبي ولا كيفك
دش علينا عدنان عبدالصمد بدائرتنا بعد ما كان ساقط باخر انتخابات في دائرته وكان مع التكتل الشعبي
فاد جمال الكندري بتطشر اصوات الشيعه ما بين الخضاري و خورشيد و عبدالصمد .. نجح جمال و نجح عبدالصمد و كنت معطي الاثنين صوتي ,, الاول بس لانه سني و الثاني لكسر احتكار خورشيد و الخضاري لان مستحيل ما ينجح شيعي وهذا حق لهم .. يتمثل المجلس بكل فئات الشعب الكويتي
بعد الدوائر الخمس استبشرت خير و ان ممكن مع اتساع الدائرة تكبر الخيارات و المرشحين و انقي باقتناع .. نفس الشي تكرر ما نزل احد يستاهل .. صار البحث طائفي منو اللي ممكن ينجح من السنة و يحتاج دزه نصوت له .. عبدالواحد العوضي الحكومي الصرف .. الرومي اللي ماله حس و الحين طامح للرئاسة و اغلب قراراته ما تطلع الا بعد الدراسة بين قوسين و تضبيط التكتل بالمناصب و صوت للحريتي وصوت للوسمي الصغير ..
بالله عليكم الحين ينحل المجلس و تصير انتخابات .. ابي احد يقول لي اسم يستحق
الطائفية جرتني اختار السيئ
اللي يسفه الناخبين اللي يرشحون بعض الشيعة المستحقين بس لانهم شيعة
ويصفهم بالجهال و التافهين .. بالله عليك انت تبي تنتخب ولي الامر ؟؟ او امير المؤمنين ؟؟؟
انت انتخب حماد و الامام العدوة
انا بنتخب حسن جوهر
تعال دائرتي وشوف خياراتي و اختبر جهلي
ولو الكويت دائرة وحده لانتخب السعدون البراك جوهر الدقباسي
اعتذاري للدكتور حسن جوهر لاني في يوم صوت لعبدالواحد العوضي و الحريتي ولا صوت له !!