ليش الحسد لاخوانكم في النفط

[نانكين]

كل واحد يعمل ويجتهد يستحق التقدير سواءا كان التقدير معنوي أو مادي

و معروف أن وظائف القطاع النفطي هي وظائف جاذبه و الآن أصبحت الوظائف النفطية أكثر جذبا بسبب الزيادات الأخيرة ، فلذلك يجب القضاء على أي محسوبية في التوظيف لأنها بالطريقه هذي راح تكون شركة مقفله لموظفين النفط وأبناءهم وأقرابهم فقط على اعتبار أن أغلب المتنفذين في النفط راح يكون لهم تأثير بطريقة أو بأخرى في اختيار المقبولين ، فأتمنى أن يكون التسجيل و القبول عن طريقة جهة مستقله عن شركات النفط وبطريقة شفافه و واضحه للجميع وبمعايير ثابته وغير قابلة للتقدير الشخصي كالنسبة المئوية للمتقدم وامتحانات اللغة الإنجليزية و اختبار للقدرات الذهنية واختبارات للتحصيل العلمي و بدون أخذ أي اعتبار للمقابلات الشخصية أو لقرابة أي مسؤول من موظفين النفط ، فتكون المخرجات بهذه الطريقة هي الأفضل والأكثر استحقاقاً لمزايا العمل في القطاع النفطي .

 

[AC-Milany]

أنا مهندس بالنفط من 10 سنين و تقريبآ داش السنه ال 11 و ليما الحين معاشي ما صار 3000 دينار

ما أدري منو الي ممشي عليكم قصه الي متوسطه و معاشه 3000

 

[خالد العبدلي]

ما فيه متوسطة ومعاشه 3000 بالنفط، الثانوية بالنفط معاشه يوصل بحدود 1500 (تقل أو تزيد).

المهندس اللي عنده بكالوريوس معاشه مع البدلات يوصل 2500 دينار ومعاها 500 دينار بدل طريق للوفرة يوصل بالراحة 3000 دينار.

وأنا لما ألقى الجدول الجديد للرواتب (اللي اختفى بقدرة قادر من النت!) سأضيفه للموضوع

والله يرزق الجميع

 

[القطبي]

لا حسد و لا يحزنون

الناس تبي تااااكل معاكم00
فليش ما تبون الناس تااكل معاكم00؟!
فهل عرفت من هو الحاسد00؟!

 

[AC-Milany]

ما فيه متوسطة ومعاشه 3000 بالنفط، الثانوية بالنفط معاشه يوصل بحدود 1500 (تقل أو تزيد).

المهندس اللي عنده بكالوريوس معاشه مع البدلات يوصل 2500 دينار ومعاها 500 دينار بدل طريق للوفرة يوصل بالراحة 3000 دينار.

وأنا لما ألقى الجدول الجديد للرواتب (اللي اختفى بقدرة قادر من النت!) سأضيفه للموضوع

والله يرزق الجميع

ياخوي خالد حسستني إن كل موظفين النفط يشتغلون بالوفره و ياخذون 500!!

ترى الي ياخذون بدل طريج مو وايد .. 3\4 الموظفين يشتغلون بالأحمدي أو ميناء عبدالله أو الشويخ

و حتى الي ياخذون 500 دينار بدل طريج هذا حق لهم و في قانون من سنه 1968 محطوط يعني تبي تسلب حق لهم من 44 سنه ؟؟
و أنت بعد أحسبها .. شباب الوفره و الخفجي و الروضتين ما يداومون مثلنا أو مثل الحكومه ..هذولي يقومون من الفجر علشان يروحون الدوام و ما يرجعون الى على صلاه المغرب لبيوتهم ..ما تبيهم ياخذون بدل طريج ؟؟ و شلون تبي تساويهم مع ناس تشتغل بجنوب السره أو الديره أو الأحمدي إذا مهندسين الوزارات يتغدون مع عيالهم و الثانين ما يعرفون عيالهم الا بالويك إند ؟

 

[خالد العبدلي]

جزاك الله خير وأنا أؤيدك بكلامك

أنا موظف سابق بالنفط ومقر عملي كان بالجوينت أوبريشن (العمليات المشتركة) بالوفرة وكنت أصحي من الخامسة والنصف علشان أوصل دوامي قبل الساعة السابعة ومغادرتي لعملي كانت الساعة 3 العصر أو قبلها بقليل ولا أصل لمنزلي قبل الساعة الرابعة وشوي.

هذا لمن كان يسكن خارج المنطقة العاشرة أما اللي بقرب الأحمدي فالمشوار كان يأخذ منهم للدوام حوالي 35 دقيقة ذهابا ومثلها إيابا.

وأنا أعلم بأن أغلب موظفي الشركة لا يعملون بالوفرة لكن يا أخي والله تبذير!!!

موظف يأخذ 500 دينار لمجرد وصوله لمقر عمله بالوفرة مضافة لمعاشه الرئيسي اللي يوصل 2500 دينار إن كان مهندس وبالتالي 3000 دينار شهريا!!!

المشوار من مقر شركة النفط بالأحمدي إلى الوفرة حوالي 45 دقيقة على سرعة 120 كيلو لكنهم كانوا يأخذون بدل ساعة على الذهاب للوفرة ومثلها إيابا والحين بعد مطالبة نقابة الشركة (والتى يحق أن يفخر أي موظف بالنفط بعملها) تم زيادة بدل الطريق وحسابه عن ساعتين ذهابا من الأحمدي ومثلها إيابا بمعنى يعطي بدل عن 4 ساعات.

وهذا شكر لموظفي النفط بالوفرة لنقابتهم الموقرة:

يا أخي قسما بالله فيه كويتيين معاشهم الشهري كله حوالي 500 دينار اللي تعتبر بمثابة مصروف الجيب تعطى لموظفي الوفرة على معاشهم الرئيسي!!!

الرازق الله وهو المعطي وأنا لا أتمنى أبدا زوالها من موظفي النفط فمنهم اخوة هناك لا أزلت أعتز بمعرفتهم لكن رحمة بالخلق أطالب بمساواة بقية قطاعات الدولة (أو أقل بقليل) بموظفي القطاع النفطي.

ودمتم سالمين.

 

[ســـــاحـــــر]

دينار بدل طريج!!!!!!!!!!!!!!!!!!!

راتب مو بدل​

 

[ســـــاحـــــر]

تأكيدا لما انفردت بنشره «الأنباء» أمس، اعتمد مجلس الوزراء زيادة العاملين في النفط بحسب المقترح الثاني المقدم من المجلس الأعلى للبترول بحسب طلب نقابة البترول من سمو رئيس مجلس الوزراء الشيخ ناصر المحمد الذي وجه لزيادة الميزانية بمبلغ 20 مليون دينار. وبحسب الزيادة، سيكون الحد الأقصى لراتب القياديين 12 ألف دينار، والفنيين الحد الأدنى 5.5 آلاف دينار والحد الأقصى 7 آلاف دينار، أما الإداريون فالحد الأدنى 3 آلاف دينار والأقصى 5.5 آلاف دينار، وستطبق الزيادة اعتبارا من الأول من يوليو الماضي.

------------------------------------------------------------------------

فالحد الأدنى 3 آلاف دينار يعني اق واحد 3 الاف دينار

 

[AC-Milany]

تأكيدا لما انفردت بنشره «الأنباء» أمس، اعتمد مجلس الوزراء زيادة العاملين في النفط بحسب المقترح الثاني المقدم من المجلس الأعلى للبترول بحسب طلب نقابة البترول من سمو رئيس مجلس الوزراء الشيخ ناصر المحمد الذي وجه لزيادة الميزانية بمبلغ 20 مليون دينار. وبحسب الزيادة، سيكون الحد الأقصى لراتب القياديين 12 ألف دينار، والفنيين الحد الأدنى 5.5 آلاف دينار والحد الأقصى 7 آلاف دينار، أما الإداريون فالحد الأدنى 3 آلاف دينار والأقصى 5.5 آلاف دينار، وستطبق الزيادة اعتبارا من الأول من يوليو الماضي.

------------------------------------------------------------------------

فالحد الأدنى 3 آلاف دينار يعني اق واحد 3 الاف دينار

مع أحترامي للأنباء بس كلامهم خرطي

الجدول جدامي أقل معاش بالقطاع النفطي للعزوبي قبل أي خصم 558 دينار ..يعني مع الخصم ممكن يكون 450 ..هذي الدرجه الأولى

الدرجه 20 الي أهيا أعلى درجه أكثر معاش 4902 للمتزوج قبل الخصم ..يعني بعد الخصم ممكن يكون 4000 دينار ... و للعلم الدرجه 20 مافي منهم غير 100 موظف بالكثير من فوق ال 21 الف موظف بالنفط

الجدول جدامي

المهندس أول ما يتوظف بدرجه 12 معاشه 1700 قبل الخصم

الفني أول ما يتوظف بدرجه 9 معاشه 1317 قبل الخصم

الجامعي يتوظف بدرحه 11 معاشه 1591 قبل الخصم

الأداري صاحب الدبلوم أول ما يتوظف بدرجه 8 معاشه 1184 قبل الخصم



الحين أبي أعرف وين الي يقول معاشاتنا توصل 3000 و 5000 ؟؟؟

أنا مهندس صارلي 10 سنين و ما وصل معاشي 3000 ليما الحين!!



للعلم: موظف النفط يشتغل على الأقل 8 ساعات بالمقابل موظف الحكومه يشتغل 6 الى 7 ساعات

يعني لو ينزلون معاشاتنا هالساعتين راح تلقى معاشاتنا مقاربه جدآ للحكومه أذا مو أقل في بعض القطاعات خصوصآ الهندسيه

 

[نانكين]

لا حسد و لا يحزنون

الناس تبي تااااكل معاكم00
فليش ما تبون الناس تااكل معاكم00؟!
فهل عرفت من هو الحاسد00؟!

منو يقول اننا ما نبيكم تاكلون معانا ، مع اننا ضد مصطلح " تاكل " وكأن الشغله وليمه !!

اللي له حق بياخذه .

 

[شمري كويتي]

تأكيدا لما انفردت بنشره «الأنباء» أمس، اعتمد مجلس الوزراء زيادة العاملين في النفط بحسب المقترح الثاني المقدم من المجلس الأعلى للبترول بحسب طلب نقابة البترول من سمو رئيس مجلس الوزراء الشيخ ناصر المحمد الذي وجه لزيادة الميزانية بمبلغ 20 مليون دينار. وبحسب الزيادة، سيكون

الحد الأقصى لراتب القياديين 12 ألف دينار،​

والفنيين الحد الأدنى 5.5 آلاف دينار والحد الأقصى 7 آلاف دينار، أما الإداريون فالحد الأدنى 3 آلاف دينار والأقصى 5.5 آلاف دينار، وستطبق الزيادة اعتبارا من الأول من يوليو الماضي.

------------------------------------------------------------------------

فالحد الأدنى 3 آلاف دينار يعني اق واحد 3 الاف دينار

راتب القيادي في النفط 12 ألف دينار​

يعني في السنة 144 ألف دينار​

يعني في عشر سنوات​

يستلم مليون و 440 ألف دينار​

غير البونص السنوي والبلاوي الثانية​

والسيارة وبدل السكن والتذاكر ​

هذا راتب رئيس دولة​

حتى اوباما معاشه اقل من موظفين النفط​

لا يكون هم اللي جايبين النفط من بيوتهم وانا مادري​

يعني شيصير لو عطينا القيادي الفلتة

الف دينار او الفين حد اقصى​

ليش التعامل مع الدولة كأنها تركة او ميراث لازم نوزعه

يعني علشان يشتغلون بالنفط لازم معاشاتهم بالالاف

اجل لو يبيعون الماس ولا بلاتين او معادن نادرة شلون​

 

[اللة يعز دار سلوى]

راتب القيادي في النفط 12 ألف دينار​

يعني في السنة 144 ألف دينار​

يعني في عشر سنوات​

يستلم مليون و 440 ألف دينار​

غير البونص السنوي والبلاوي الثانية​

والسيارة وبدل السكن والتذاكر ​

هذا راتب رئيس دولة​

حتى اوباما معاشه اقل من موظفين النفط​

لا يكون هم اللي جايبين النفط من بيوتهم وانا مادري​

يعني شيصير لو عطينا القيادي الفلتة


الف دينار او الفين حد اقصى​

ليش التعامل مع الدولة كأنها تركة او ميراث لازم نوزعه


يعني علشان يشتغلون بالنفط لازم معاشاتهم بالالاف


اجل لو يبيعون الماس ولا بلاتين او معادن نادرة شلون​

يوم الفقر شلتوا علينا عيوبه
واليوم عقب النفط جيتوا لنا أنساب
ويوم الفقر فينا البداوة سبوبة
واليوم صرتوا مثلنا بدو واعراب
لو الهوى منكم منعتم هبوبه
لا شك رزاق الملا رب الأرباب
و لو المطرمنكم منعتم صبوبه
لا شك رزق الخلق من عند وهاب

 

[AC-Milany]

راتب القيادي في النفط 12 ألف دينار​

يعني في السنة 144 ألف دينار​

يعني في عشر سنوات​

يستلم مليون و 440 ألف دينار​

غير البونص السنوي والبلاوي الثانية​

والسيارة وبدل السكن والتذاكر ​

هذا راتب رئيس دولة​

حتى اوباما معاشه اقل من موظفين النفط​

لا يكون هم اللي جايبين النفط من بيوتهم وانا مادري​

يعني شيصير لو عطينا القيادي الفلتة​

الف دينار او الفين حد اقصى​

ليش التعامل مع الدولة كأنها تركة او ميراث لازم نوزعه​

يعني علشان يشتغلون بالنفط لازم معاشاتهم بالالاف​

اجل لو يبيعون الماس ولا بلاتين او معادن نادرة شلون​

قبل أن تكتب ما كتبت روح و شووف جم معاش عضو مجلس أداره في أي شركه نفطيه بالعالم و قارن!!

للعلم حتى 12 الف دينار شويه بحق رئيس مجلس أداره شركه يعتمد عليها أقتصاد الدوله

و حتى لو معاشه أكثر من معاش أوباما شنو المشكله ؟؟ بأمريكا رئيس البنك المركزي الأمريكي معاشه أكثر من معاشه رئيس أمريكا!

الموقع حساس مو أي موقع علشان تحط أي شخص ليديرها

طبعآ هذا بالنسبه للقيادين و هم ما يطوفون حتى 30 واحد من 21 الف موظف

 

[الهاجـري]

اعرف واحد توه متعين بالنفط راتبه 3000 دينار!! هذا غير بدل الايجار المحترم والتذاكر والبوكيت موني اللي كل شوي طار راح البلد الفلاني والعلاني!!

قلت له شنو تعرف بالنفط ؟ ابتسم وقال شوف عينك! أجابل هلأيفون والتويتر وأزرق من الدوام!!

راتبه 3000 دينار قبل الزياده الاخيره .. الحين يمكن صاك الـ 5000 دينار! اجار عماره مو موظف!

اللي اريد اقوله ان البلد تعيش بفتنه عظيمه بسبب فتنة زيادات النفطيين المهوله.. الله يستر
بهالبلد الغني يزداد غنى والفقير ينداس

انت كذاب
ولا تفقه شي
​

 

[ساهر الليل]

^​

ان كان اخوي الديفي كاذب ولايفقه شي على قولتك​

نبيك انت تفقه وتعلمنا بالصحيح​

بس بدون كذب​

 

[iphon5]

بالنسبه لسقف الرواتب اللى لعبت فيه الخكومه باخر الليل ومبالغتهم برفع رواتب النفط

حقيقه مبالغه تحس انك بدوله ثانيه واول مره اتحسف انى درست وضيعت 7سنوات بعد الثانويه

واخرتها ماستر واربع اطفال بدون مسمى منصب والراتب 1230

يجب على الحكومه مساواه سقف الرواتب بتقليل راتب النفط بدون زياده للموظفين

 

[شمري كويتي]

بالنسبه لسقف الرواتب اللى لعبت فيه الخكومه باخر الليل ومبالغتهم برفع رواتب النفط

حقيقه مبالغه تحس انك بدوله ثانيه واول مره اتحسف انى درست وضيعت 7سنوات بعد الثانويه

واخرتها ماستر واربع اطفال بدون مسمى منصب والراتب 1230

يجب على الحكومه مساواه سقف الرواتب​

بتقليل راتب النفط بدون زياده للموظفين​

فعلا هذا هو المطلوب​

وهذا هو العدل والانصاف​

اذا تبون الخير للديرة وتبون المطر والبركات تنزل علينا​

انت اختصرت الكلام كله​

يجب تخفيض الرواتب في القطاع النفطي​

وفي كل قطاع يرتفع على باقي الوزارات​

يجب توحيد الرواتب في دولة الكويت​

وتكون هناك علاوات وكوادر بسيطة​

واللي مو عاجبه الباب يطلع جمل

وعندنا طوابير تنتظر الوظايف من المواطنين

واللي مو عاجبته الكويت ومعاشاتها يهاجر هجرة نهائية

وراح ندعيله والتذاكر مجانا روحة بلا ردة

ويرحل من الديرة ويفارقنا ويخفف من مشكلة الزحمة

ترى لو نصير ربع مليون مواطن وناسة وتخف الزحمة​

اما سالفة رفع الرواتب فهو تبذير و اسراف​

واهدار للمال العام واضعاف لاقتصاد الدولة​

وانهيار مبكر لوجود الدولة كلها​

اسعار النفط لن تستمر على هذا المستوى دائما

خلوني استلم وزارة المالية وشوفوا شسوي بالديرة

بشرط تكون عندي صلاحيات كاملة

ما اخلي ولا شخص يستلم اكثر من الفين دينار

واخليكم تترحمون على ايام مصطفى الشمالي

بس والله الديرة ماشية على البركة

ولا فيها ضبط وربط ولا في عين حمرا

ولا شنو موظف يسوي اضراب ويشل البلد

وين هيبة الحكومة ووين هيبة القانون

المفروض تفنيش نهائي وسحب جنسية

وحدد وجهة سفرك

السعودية او العراق او ايران

ونظف الديرة من هالاشكال

اللي ماتحمد ربها على النعمة والخير

علشان اللي يفكر يسوي اضراب يعرف شنو راح يصير فيه​

 

[شمري كويتي]

قبل أن تكتب ما كتبت روح و شووف جم معاش عضو مجلس أداره في أي شركه نفطيه بالعالم و قارن!!

للعلم حتى 12 الف دينار شويه ​

بحق رئيس مجلس أداره شركه يعتمد عليها أقتصاد الدوله​

و حتى لو معاشه أكثر من معاش أوباما شنو المشكله ؟؟ بأمريكا رئيس البنك المركزي الأمريكي معاشه أكثر من معاشه رئيس أمريكا!

الموقع حساس مو أي موقع علشان تحط أي شخص ليديرها

طبعآ هذا بالنسبه للقيادين و هم ما يطوفون حتى 30 واحد من 21 الف موظف

شويه اجل كم تبي معاشه عشرين الف مثلا​

الفين دينار واجد عليه بعد​

ليش هو شقاعد يسوي​

هو اللي مكتشف النفط​

ولا هو اللي قاعد يطلعه من الابار​

ويكرره بيده ويشيله ويحطه بالباخرة بروحه​

ويسوق الباخرة ويوصله لامريكا واليابان​

شنو هذا الفسق شنو هذا البطر​

واحد قاعد بمكتبه تحت المكيف​

وسفرات ووناسة ومؤتمرات واجتماعات​

واخر الشهر ياخذ 12 ألف دينار كويتي​

يعني 36 ألف دولار ليش مو حرام ؟​

ليش هو مال كفار ولا مال ما وراه ناس​

هذا حلال شعب واقتصاد بلد​

يبي الفين اهلا وسهلا مايبي يمشي ونجيب غيره​

حتى لو هندي او فنزويلي او روسي او صيني او ليبي

او اي خبير نفطي من جنسية قنوعة وترضة بالفين دينار​

ولا اخلي واحد فسقان يفرض شروطه على الدولة​

 

[AC-Milany]

شويه اجل كم تبي معاشه عشرين الف مثلا​

الفين دينار واجد عليه بعد​

ليش هو شقاعد يسوي​

هو اللي مكتشف النفط​

ولا هو اللي قاعد يطلعه من الابار​

ويكرره بيده ويشيله ويحطه بالباخرة بروحه​

ويسوق الباخرة ويوصله لامريكا واليابان​

شنو هذا الفسق شنو هذا البطر​

واحد قاعد بمكتبه تحت المكيف​

وسفرات ووناسة ومؤتمرات واجتماعات​

واخر الشهر ياخذ 12 ألف دينار كويتي​

يعني 36 ألف دولار ليش مو حرام ؟​

ليش هو مال كفار ولا مال ما وراه ناس​

هذا حلال شعب واقتصاد بلد​

يبي الفين اهلا وسهلا مايبي يمشي ونجيب غيره​

حتى لو هندي او فنزوياي او روسي​

ولا اخلي واحد فسقان يفرض شروطه على الدولة​

قبل يا أخوي تفتي هل تعلم شنو مهام رئيس مجلس إداره مؤسسه البترول ؟؟

أول شي إذا أهوا ياخذ 12 الف فغيره بالدول المجاوره ياخذ الدبل و في أعضاء مجلس إداره ياخذون معاشات ما تقارب ال 50 الف دينار كويتي إذا مو أكثر

فقبل لا تقول 2000 رووح و شووف رواتب رؤساء الشركات النفطيه بالعالم و قارن مو بس قطيتها 2000 و مشيت

 

[شمري كويتي]

قبل يا أخوي تفتي هل تعلم شنو مهام رئيس مجلس إداره مؤسسه البترول ؟؟

أول شي إذا أهوا ياخذ 12 الف فغيره بالدول المجاوره ياخذ الدبل و في أعضاء مجلس إداره ياخذون معاشات ما تقارب ال 50 الف دينار كويتي إذا مو أكثر

فقبل لا تقول 2000 رووح و شووف رواتب رؤساء الشركات النفطيه بالعالم و قارن مو بس قطيتها 2000 و مشيت

هذيك شركات نفطية عملاقة

وشركات تتبع القطاع الخاص

وليس القطاع الحكومي

عرفت الفرق بينا وبينهم

هذاك حلالهم وكيفهم

حنا حلال ناس وحلال مواطنين

ثانيا هم يزرعون كل شي عندهم

ويصنعون كل شي عندهم

والنفط بالنسبة لهم دخل اضافي

حنا بالنسبة لنا النفط دخل وحيد

واذا نزل سعر النفط راح تنهار الدولة

واذا زادات الرواتب راح تزيد الاسعار

وكل شي عندنا مستورد من الخارج

لا عندنا زراعة ولا صناعة

حتى شركات الالبان اللي راس مالها بقر

ماقدرت تغطي العجز اللي حصل في منتجات الالبان

انت تحسب سعر النفط بيدوم

لايبا كلها كم سنة وخل نفطك عندك

السيارات الكهربائية جاية في الطريق

والطاقة النووية والبدائل الاخرة قادمة في الطريق

عشر سنين او عشرين سنة بالكثير

وخل نفطك عندك ماراح تلقى شراي

وترى عشرين سنة او حتى ثلاثين سنة او خمسين

فترة قصيرة في عمر الدول والشعوب والامم

​