شجون الكويت
عضو مخضرم
راح تنزل بالتدريج علا فكره التأخير من البنوك مو من الماليه ،،،
شسالفتهم كل سنه برمضان وكل عيد يتم التسريب في الصحف ان الرواتب تنزل ويعشمون الشعب واخرتها يحقرونه وماينزلون رواتبه....شنو يبون بالضبط امتحان وغبن الشعب او شنو ...هالمسخرة اللي معيشين فيها الشعب الكويتي الحرّ أصبحت غير مقبولة فليحذر الحقير الذي يختبر صبر الحليم اذا غضب ......وعمااار ياااوطن
الحمدلله انها مانزلت نبيها بوقتها العادي
بارك الله فيك اخوى جارحهذا أي وزير ولي يرحم والديك ؟ أشر عليه والله ماعرفته , والله كثر ماتبدلوا الوزراء تقول قاعدين ننقي تيل
ماقمنا نرمق بين كل وزير ووزير وتبونا نستبشر فيهم بخير في شهر الخير
ندعوا الله سبحانه وهو اكرم الاكرمين وفي هذا الشهر الفضيل ان يطهر الكويت من كل ايادي الفساد ومن اراد السوء في هذا الشعب الوفي المخلص المعطاء الي اثبت بطولاته ايام الغزو ورجعت ناس كانوا خايفين حتى يطلون على الحدود من بعيد ( خايفين لايحوشهم طشار صاروخ ولا قذيفة مدفعية )
ومنهم الآن اصبح وزير ومسؤول ويبخل على الشعب حتى بمسألة بسيطة وهي
صرف الرواتب قبل موعدها بيومين فقط !! ( اسم الله على هيك وزراء )
طبعا باللهجه اللبنانية دام رولا معاهم بعد هم من حقها تفهم الكلام
^
^
الظاهر حبوا اسلوب الشمالي وقالوا خن نستخدمه وننرفز الشعب
حكومة شلون صايره ؟
حرام في ناس ناطره هالمعاش عشان تشري حق الجمعيه
ولله حرام
اي خير شنو صاير ؟ اللي يسمعك يقول الحكومة قطعت الماء و الناس قاعدة تموت ؟
التأخير من البنوك اولا .... ثانيا كلها يومين او ثلاثة معقولة ما تقدر تستحمل؟!
بعدين يفترض انك كرجل عاقل عامل ورب أسرة انك تملك حتى و لو شيء بسيط من السيولة
هذه مسؤوليتك و انت تتحملها ..
والله مشكلة اذا غالبية الشعب يعتمد على ماما حكومة و ينطرها تحل جميع مشاكلهم
و توكلهم وتدلعهم و تطبطب على روسهم و مع ذلك يتكلم عن ارادة الامة والمسيرة الديمقراطية والامارة الدستورية ؟!
اذا حدك متوهق وما عندك أكل بالثلاجة انا اقترح تقزرها كنتاكي و بيتزا هاليومين..هذا حل جاهز اذا ما تبي تتعب نفسك
الله يديم النعمة