الفرق بين الملك عبدالله والحربش
انه الاول سياسي محنك خلى من السعودية دولة لها ثقل اقوى من قبل ، سياسته أحرج فيها الخصوم.
اما الحربش فهو عضو مجلس امه يبحث عن إثارة العواطف وتسليط الاضواء عليه المساكين من متابعينه يقولون(شفتوه رايح سوريا؟ شفتوه راح ودى قافلة جزاه الله خير؟) واكلها اهو بالاخير
والشعب اكل المقلب صح.
لانه مثل هالاعضاء مفروض يركزون على الامور الداخلية للبلد اكثر من الخارجية، فالبدون يحتاجون والاسر المتعففة الكويتية تحتاج ، مواضيع لازم تتبطل مثل.. السياسة الخارجية ضعيفة ، امن البلد ضايع ، الزحمة والاسكان بعد
اما الديون ، فهل يجرأ أحد فيهم يفتح صندوق للمتعسرين على حسابه الخاص؟
يعني ، اذا قدرتوا تفتحون حملة تبرعات بأسماء الشعب الكويتي والقبايل ، شاللي يمنع تفتحون حملة تبرعات وتعطون المحتاج من بلدي؟ اذا كانت الحكومة ماتستحي وماتحترم الشعب ، أحرجها والله محد راح يتجرأ ويقول انه هذول فيهم وفيهم.
سوريا لها الله وموقفهم جزاهم الله خير عليه وخذى اكثر من اللازم وصح مفروض مانسكت على اللي يصير
بس أسم العضو اللي رشحتوا اسمه هو "عضو مجلس أمة كويتي"يهتم بشؤون الكويت ويوصل صوت ناخبيه اللي صوتوا على أهدافه وخططه لا بخارجها .
هل راح تصوتون لعضو من خططه الانتخابية ، الدفاع عن مكتسبات الدول المجاورة ، الدفاع عن حق المسلمين في بلاد الغرب ، إسقاط روسيا والصين من عضوية الامم المتحدة الدائمة؟
ام راح تصوتون لعضو يقول ، أسقاط القروض حين دخولي للمجلس ، اقرار زيادات ، استجواب الوزير الفلاني؟
تظل مشكلتنا الازلية هي تقديس الاعضاء ، فالسيد سيد لا يخطىء وهو معصوم عن الخطأ والمطوع مطوع وصح بدعة لو سوى جذي ، وكأنهم ملائكة منزلين من السما.