سؤال وجواب المصروف الشخصي للمتزوج والعزوبي///// الشخصي وليس العائلي

[كيفان]

حبايبي شلونكم

عندي سؤال عام علشان يعرف كل واحد مننا من خلال الردود على الموضوع ان اهوا مبذر ولا حاله من حال الناس


كم يروح من معاشك على مصروفاتك الشخصية سواء عزوبي ولا متزوج ؟؟

السؤال واضح المتزوجين لا تحسبون معاش الخدامة والجمعية ومعاش السايق ومصاريف الاطفال لااااا

سؤالي مصروفاتك الشخصية انت بس مثال : بانزينك تلفونك المصبغة الحلاق ملابسك الخ مصاريف الخ

ببدا بنفسي انا معاشي 1800 دينار مصاريفي الشخصية من 300 الى 400 دينار شهريا

 

[قاز]

راتبي 2873 دينار .. اجمع بسنه 32 الف تقريبا اشيل منهم 3000 دينار سفره لمده 10 ايام و الف دينار اشتري لي النواقص الخاصه فيني يعني اجمع 28 او 27 الف ب سنه تقريبنا والحمدالله

ما شاء الله عضو مجلس الامة يستلم 2500 وانت اكثر من العضو عموما الله يبارك لك ويصير معاشك 5000 قول امين

 

[جيمس بوند الكويت]

لاوالله ما أتغشمر مصرفي بحدود الـ100 يزيد شوي ينقص شوي التلفون حده إن طار 30 مع النت، بانزين أحسب اليوم نص دينار.. شنو باقي المصاريف بعد؟! وبعدين صاحب الموضوع قال لاتحسبون الجمعية .. بصراحه مومستقطع كفالة يتيم لكن راح أسويها بإذن الله وجزاك الله خير على النصيحة الطيبة ، أما اللي معاشه 1300 ويصرف 600 هذا ______درجة أولى حتى شوف وين يسافر ________ دبي والبحرين ههههههه توه طالع عالدنيا ومايتعشى إلا بالمطاعم الفخمه الترف أبوخد وردي

هههههههههههههههههههههههههااااي حلوه بوخد وردي

حول سنتين كنت اشتغل قطاع خاص معاشي مع دعم العمالة 560 تقريبا

اصرفهم كلهم نوادي مخالفات مطاعم تاجير مواتر

الحين 100 دينار بدل بطالة وقاطعينها بعد :باكي: قلبت المواجع الله يهداك

 

[بو سعود 511]

يا جماعة أنا بعرف شلون تصرف على نفسك 400 و لا 600 بالشهر !! لا تقولون عطورات و لا مطاعم ما اتوقع توصل لهلمبلغ !!

قال الله تعالى أن المبذرين كانوا أخوان الشياطين فحاولوا تخففون من الصرف يا شباب

 

[الفوهرر2013]

عندي عمارة اطلعلي بالشهر 12 الف ولله الحمد واصرف شهريا 2000 دينار من بانزين والعيال وماجلة وامور كثيرة والباجي بالبنك
والحمدلله على كل حال يالله حسن الخاتمة

 

[Librax]

عندي عمارة اطلعلي بالشهر 12 الف ولله الحمد واصرف شهريا 2000 دينار من بانزين والعيال وماجلة وامور كثيرة والباجي بالبنك
والحمدلله على كل حال يالله حسن الخاتمة

ماشاء الله عيالك يشربون بانزين

 

[الفوهرر2013]

ماشاء الله عيالك يشربون بانزين

اقول احترم نفسك وارتقي بكلامك اذا عيالي يشربون بانزين انت تشرب ديتول

 

[abdullahBNadam]

يونسون اللي دمهم خفيف

 

[ابو مناحي المطيري]

والله مدري بصراحة انا كم اصرف اصلا!!

لكن يبغى من راتبي اخر الشهر حوالي ٣٠٠ دينار !! او ٢٠٠ دينار !!

انا من النوع الي اي شي مشتهيه على طول اشترية حتى لو مالي حاجة فيه

انا ما ادري كم يأخذون أهلي مني و لا ادري انا كم اصرف بصراحة

الي اذكرة اني ادفع ٦٠ دينار شهرياً مخالفات السيارات و ٣٠ فاتورة التلفون !!

و انا عزوبي ..