اقول لاصقر ولا غيره يمثلنا بالمجلس ناس تنزل على كيفها ولاترد على احد منو صقر عشان ينزل اقسم بالله اني عنزي ولا عرفه ولا ادري وشو هو ولا راح اصوتله وفي عنزه واجد بالمنطقه مايدرون شسالفه الفرعي ولا شاوروهم يحسبون انهم اكثريه يبون ياكلونا لا وبالفرعي نازلين اثنين حبلان وين قاعدين وانا اقول لكل عنزي لاتبيع ذمتك على حساب ناس ماتعرفهم باسم القبيله صوت للاصلح الى الرجل الملتزم وعنده مبادى وعنده هدف وانا للحين مادري وين مقر صقر عشان اعرف وش اهدافه وشنو فكره ولا شغل خبط ولزق
ياجماعه الي ابي اقوله بغض النظر عن صقر او غيره ان اي شخص يبي يصوت لواحد مرشح نفسه لازم يعرف الشخص هذا منو وشنو فكره وشنو اهدافه لانك انت تبي تبري ذمتك والقلبيه على عيني وراسي وافتخر فيها واوقف ويا ولد عمي اذا احتاج باسراء والضراء لكن الانتخابات وضعها غيره ماهي قصه فزعه وخلاص القصد مصلحه دوله وقبلها دينك وانا من الناس لو ينزل اي شخص من اي قبيله ثانيه اشوف فيه الخير ورجل متلزم وعنده مبدء وحاط بين عينه العقيده الاسلاميه اصوتله ومثال على ذلك محمد هايف وشاكرلكم
اخي الكريم ....
ان ما تعرف صقر ولا يوم الفرعيه فأنت بعيد عن الصحف والسياسه وامور الانتخابات
ومن اي فخذ انت عشان تقووول اثنين حبلان ....؟؟
ليش محد نزل من فخذك ...............؟؟
والسالفه مو سالفه فخووذ سالفه الاسم الاخير ((عنزي))
شوف اللي بالالوون الاحمر
وحتى لو انك ما تعرفه لازم تصوتله لانه عنزي والا ما فيك حميه على ربعك وجماعتك ...؟
وانت تسولف عن الحميه واتقول وضع الانتخابات غير
اذا ما وقفت مع ولد عمك بفترة الضيق والحاجه وواعتقد هذا وقت ضيق وحاجه لابن العم صقر العنزي
ليش ما نصير مثل العوازم والعجمان .. والمطران والقبايل الثانيه في تكاتفهم لابن عمهم ...
بسنا حسد
لو الله يفكنا من عنزه البصره وحسدهم نكون بخير ...........
ام انت من عنزه البصره ....؟؟
بما انك عنزي ونازل عنزي نمشي وراه لو يدش النار ويتحالف مع ابلييييس
وفي النهايه
كلنا صقر حتى ......16/5