سوولي الكيف وارهولي مـن الدلـه
البن الاشقر يداوي الـراس فنجالـه
كيف(ن) لنا نحرقـه بالنـار وانزلـه
وليا انقطع لو ورى صنعـاء عنينالـه
البارحه الليل ماغمضـت بـه كلـه
اراقـب الصبـح جالـس واتحرالـه
ابعث شريط(ن) مضى واطويه وافله
واقول مـن يحفـظ التاريـخ لجيالـه
قـل للعراقـي يفتـش جعبتـه قلـه
يلقابها شـىء مايطـري علـى بالـه
الهـم والغـم والطاعـون والعـلـه
حقـه لحالـه كفايـه حقـه لحالـه
من صفعت(ن) ضاقها بانت به الخلـه
يذكر هزيمة شهـر شعبـان وهلالـه
قام الثعـل يشتغـل ويشاغـل الشلـه
عزة وطارق وعـد عـدي وامثالـه
يذبح ويصلـخ يـده حمـرا ومبتلـه
شي(ن) يخلي جبيـن الحـر يندالـه
يانـاس ياويـل مـن هـذا زعيملـه
الشعب في وضع يوسفلـه ويرثالـه
شعب(ن) شرب كره واكل كره كرهله
يتفل على صورتـه ويـدوس تمثالـه
تبـت يـدا ابـو لهـب تبـن وتبلـه
واللي معه بالحطـب للقـوم حمالـه
مقبل على صفعت(ن) بالحيل توخلـه
يوخذبهـا الثـار والثـورة تحمالـه
حتـى نسيبـه ولـد خالـه تحيـلـه
لقملـه الهيلوكبتـر وانشـدوا خالـه
الله مايهـمـل الظـالـم ويمـهـلـه
وان طال بعمره اخس شوي واردالـه
الحكـم منهـار والاحـزاب منحلـه
وماخس من حالت(ن) فيها ولا حالـه
من ردي حظـه فهـل بيتـه يزولـه
صار الشجر قـوم بعيونـه يورالـه
من كثر مايحتريه يخـاف مـن ظلـه
ومن يعلم الغيـب لـو عـدي قتالـه
صدام انا ابنشدك ويـش انـت حيلـه
مثل بغبنـه يمـوت وموتـه اشوالـه
ماعاد تمكل مـن السلطـه خبـر لله
خارج عن الصيطره دولتـك منزالـه
جمع عظامك سوات مجمـع الجلـه
واحرق بها مـادرى بغـداد برجالـه
الجيش يرزح تحت ظلن مـن الظلـه
والشعب مسكين تضحكلـه وتغتالـه
ايـبالله اسمـع زيـن ايـبالله ايـبالله
واليـا تبيـن عـدو بنـا وحنـا لـه
ماتدري انـا نعقـد الحبـل وانحلـه
بالعسـر واليسـر حلالـه وفتـالـه
نعزف الضعف ثم يجيك مزينن دلـه
اديـب مايرتـوي عرقـوب جمالـه
مانقتنـع بالهجـاد انصبـح الحـلـه
مـع القطاريـس رجليـه وخيـالـه
والـدار ماهيـب ياصـدام محتـلـه
ماستعمرت قبل حكم العـود واعيالـه
واليوم عنها نسـن السيـف وانسلـه
من شط واخط الطريق نصلح احواله
والفهـد تخسـا عنـه منتـا قبـيلله
وطى برجلـه علـى قاربـك بنعالـه
منـت بكفـوه ولا شـرواك كفولـه
, الفهد يكرم عن المشبـوه واشكالـه
الفهد عز العـرب والعـرب عزلـه
وكم دولت(ن) تستغيث المال من ماله
العـادل العـدل والاسـلام شرعلـه
ولبيعـت المسلميـن البيعـه اولالـه
ولا انت مهـزوم لامذهـب ولاملـه
مقطـع اربـع تطيـح بكـل محبالـه
من مام ضلك تخدع الشعـب واتذلـه
مفسد ويدعى عليـك وفهـد يدعالـه
وين انت ياللي لـه العـذرا تكحلـه
يقـوم لعيونهـا واتـشـوم لفعـالـه
من طيب ابوها تبـا وصفـه حليلـه
يقلط على شوفت البـارود واضلالـه
ابيـك فـي لازمـن قـدك وقـدلـه
قمـر عربسـات يبرالـك وتبرالـه
امرن ضـروري وخلـك مستعدلـه
منت بمراسل تجي واتروح برسالـه
عنـدك مهـم وقلبـك مابـرد غلـه
جدول مسيرك تعـرف الآن مدخالـه
اركب على اللي قنابلها مـن السلـه
بمكبـرات الصـور بالجـو جوالـه
اخـذ المـدرج وتـل بريكهـا تلـه
واخفق بها خفقـت الكـدري لمقيالـه
انحر بهـا خايـن النهريـن وافطلـه
لاذكر بالخيـر فـي حلـه وترحالـه
حدد مكانـه بتـل سكـوب وانزلـه
انزل رويدآ رويـدآ واكبـس الآلـه
يـت(ن) عـاد يالـسـوده اتــسلله
تسللت مـن جهـة عمّـان واجبالـه
جاته من الغرب عبرجـوى صديقلـه
تحمل علـى متنهـا حزنـه وسلالـه
ترسم هدفها علـى الليـزر وترسلـه
اشـارت الضبـط والمكبـس تهيالـه
ماترفعه ماتحمله ترفعه مترين وتهلـه
وفـي وســط قـصـر تهمـالـه
وفي سبع الارض تحفرلـه وتدفنلـه
وفي وسط الانقاض والانقاض ماشاله
تاخذ سنه يلتهب قبـره كمـا الحلـه
يـذوب صنقـل الساعـه وسلاسالـه
وخل غيـره يشـوف ويعتبـر خلـه
واللـي يبـي مثلهـا بالحـال تثنالـه
الضعـف ماحطـه الطيـب سبـيلله
قد قيـل مـن لايعيـل تجيـه عيالـه