يعني ما تدرين ان هذا اللي يبونه ؟؟؟
الله اعلم بالنوايا .....
لكن اغلب مواضيع المنتدى الي يكون فيها نقاش
تنتهي بالشمع الاحمر
بالنسبه لي قلت رأيي وخلصت
وانا اتابع هالموضوع......بكل اهتمام
طول بالك يا اخ فهد
وارجو ان الموضوع ما يتقفل....
الاخوه المحترمين
لا تنسون انتم صيام.....وكمان مشاري العفاسي نايم الحين
وانتم تشابطون بهالموضوع....
انا متابعه الموضوع وابغى استفيد.....وبكذا احس راح يتقفل الموضوع
وما طلعنا بنتيجه
الاخ ابو عمر
يعلم الله مدى فخري واعتزازي بوجود شخص مثلك يدافع عن الاسلام بهذا الشكل الراقي
وانا لا أعلم ماهي نية الاخ فهد..... ولكن لنفترض انا حسنه
انا في ردي الاول كنت متحمسه كثيراً
وذلك لايماني الشديد بان الاسلام صالح لكل زمان ومكان.....وان ما قام به الاستاذ العفاسي
ينطبق على هذا الوصف....واتخذ من اناشيده وتصويره للفيديو كطريقه في التوعيه الدينيه
تناسب العصر الحالي.....
معلوماتي وخبراتي تتضائل عند معلومات وخبرة اشخاص كثيرون وانت منهم يا ابو عمر
لذلك انا اتابع واستمتع نقاشاتكم هنا
وتمنيت ان لا يقفل هذا الموضوع على خلاف بينكم
وشكرا لك
الاخ فهد
في حدود معرفتك عن المقريء مشاري العفاسي....ارجو ان تجيبني
ماهي الجوانب الطاغيه على الاخرى فيه ..ايجابياته ام سلبياته؟
ونعم القول اخي المبارك بو عمر الخلاف سائغ في المسألة
وانا ارى كما غيري ان الشيخ مشاري اجتهد واصاب ..
وانتم ترون خلاف ذالك ..لا باس خلافنا في فرع وليس في اصل
هذا مالايريد فهمه البعض !!
انا ما اعرف مشاري العفاسي ... اعرف ابوه راشد غريب ... اعرف عمه سعد ... كانو يم بيت عمي ايام المرقاب ...
اهو ما اعرفه شخصياً ... بس صليت وراه الجيام كذا مره .. وصوته وقراءته صراحه رائعه ...
اما الجوانب الايجابيه فيه .. او السلبيه .. فحقيقه ما اقدر احكم لاني ما عاشرته ... ولا اختلطت معاه ...
و حفظه للقرآن ... ينفعه عند ربه مثل ما ذكرت في مشاركه سابقه .. اما بالنسبه لي فلازم اعاشر الرجل او اخالطه عشان اعرف اخلاقه ... ومن ثمّ .. احكم عليه ..
تدين الشخص .. او حفظه للقرآن .. لا يرفعه عندي ولا ينزله ... انا يهمني اخلاق الشخص وتعامله مع الغير .. وان كان من غير المسلمين .. فيوم القيامه لن يدخلني احد معه في حسناته ....
اما مشاري ... فانا أنظر إليه حاله حال ما يسمون بدعاة الفضائيات ... عمرو خالد .. السويدان .. نبيل ومحمد العوضي .. الجندي ... كلهم طلابة رزق ..
وما عندي اعتراض عليهم .. ولا يشكلون شيء من اهتماماتي .. بس مشاري امانه تحسفت عليه
وسلامتج ...
والله يا خوك انا بعد ما اعرف الا قناته ...واستمع لتلاوته....اما الانشاد ما يستهوني مره
الي كنت اهدف له من سؤالي لك اني ابين لك وجهة نظري وهي
المقريء راشد العفاسي زي ماهو ظاهر لي انسان يتمتع بمظهر حثت عليه السنه
و ويستخدم نعمة صوته الجميل في تلاوة القران ويأم الناس في الصلاة
واستخدم اسلوب يتماشى مع الزمن الي احنا فيه......حتى يوصل المعلومه بالطريقه المناسبه
ولأن طبعي افتراض النوايا الحسنه للغير افترضت ان انشودته ماكان فيها ذاك الشي الي
يخلي البعض يهجم عليه......وهو ماهو ملاك اكيد انه راح يخطي
ولك ولغيرك الحق في انتقاده بطريقه ما تثير البعض منا وانا منهم
وما ادري يا اخ فهد شكل لك سجل حافل يخلي بعض الناس تشك في نواياك
على جنب/ بما ان صوت مشاري العفاسي في التلاوة يعجبك اسمع للمقريء الشيخ فارس عباد
يبدو لى إنه إنحرف تجاه الماده