ماذا يعني ان تكون انيق / انيقه .. .. ذرب / ذربه ؟

[مواطنةوبس]

اختي مواطنه شنو شعورج وردت فعلج لو احد قالج هالكلام ؟؟

لا مستحيل احد يقولي هالكلام ... انا عارفه نفسي... بس انا اقصد انه مرات يجيني هالاحساس لمن اشوف وحده جذيه مهوله بعمرها ..وودي اتحجا بس اخاف من ردت فعلها..وبصراحه ..يعني انا بعترف اني صريحه لحد الدفاشه احيانا..مو دايما يعني
​

 

[FahdQ8]

الانيق \الانيقة ​

بمعنى ان تكون الالوان متناسقة وغير مؤذية للعين ​

اللبس يناسب العمر
اختيار جيد لملابس بمعنى لكل مناسبة اللبس المناسب لها ​

مو لازم ماركة المهم شى مرتب وسنع ​

الذرب \الذربة ​

هو الذى يسمح لك بابداء رايك بدون مقاطعة ​

صوتة واضح وغير عالى ​

يفعل ما يقول ​

طبيعى لا يتصنع الذرابة وهوس الماركات ​

واقعى ما يقول عندى عشر ملايين حاطهم بالبيت ​

وسلامتك وتعيش :وردة:​

شكراً عليا لمرورك الكريم ..

واثرائك القيّم للموضوع ..

اللي يقول عندي وعندي او يلبس عشان الناس هذي يسمونها شحاطه

وتقبلي خالص وارق تحياتي :وردة:​

 

[FahdQ8]

هم عندي سؤال بسيط : اذا طحت بوحده هيلقية وتبي تقولها ترى لبسك حده يفشل وحده cheap

شلون تقول لها بدون ما تكون دفش

اهني تبين الذرابه طال عمرج .. انج توصلين لها اللي تبين .. بدون ما تجرحينها ..

​

 

[الأصمعي]

ولا يعنيني هذا الكلام بما اني
رجل لاتهمني المظاهر بل بالافعال..
الرجل يقاس بفعله وشامته ولانقول
هذا رجل بذرابته وملابسه..
يقول الشاعر.........

شين الوجهه مبطن بي وذا حالي....
مايرد الفتى شيئ بياتيبه......

و هل الرسول صلى الله عليه وسلم لا يغلب عليه حسن أدبه في الحديث..
و حسن هندامة ؟!

​

 

[jody]

السلام عليكم ..


الذرآبة في اللبس .. بحيث أنه إيكون منآسب لي .. من جميع النوآحي ..

اللون متنآسق .. حيث الجنطة مع الشوز وأنتوا بـ كرآمة مع اللفة ..

القصّة .. أتكون منآسبة بعد ..

منآسب لـ عمري .. وهذا أهم شي ..

صح في نآس كل هدومهم مآركآت بس الذرآبة بسكّة وأهما بسكّة , بس ترى وقتنا هذا إيبيّن بو طقة من الـ مآركة .. فـ من الذرآبة والذكآء تختآر شي , مو أمبيّن أنه على قـدّ الحآل ..

:باكي:

الذرآبة .. في الأكل ..

مو معقولة ذربة في الهدوم والشكل الخآرجي .. من تآكل تتحجى !! وين قآعدين !!


الذرآبة في التعآمل مع النآس ..

حيث .. أني أعطي الكل مسآحة ومجآل .. إيقول اللي يبي .. وما أقآطعهم ولا أزعل .. ونفس الوقت ما أجرحهم ..


..

الريّآل .. ذرآبته تكمن بـ طريقة لبسه المرتبة ..

جآن الزيّ الشعبي .. زين على زين .. بس لا أتكون الدشدآشة اللي أتلوّع الجيد .. ضيّجة ومآ شنو !!! :إستنكار:


لآبس برمودا .. وتي شيرت ..وفلآت .. وممشط شعرك عـدل .. ومآلك بالعآلم .. بأتكون صج ذرب ..

مو لآبس لي جينز أمشقق .. ومنقّز شعرك .. وسلآسل وخيوط وييييييع .. وأعيونه تتطآير .. وصوته عآلي ..

هذا الذرآبة بـ كوم وأهوا بـ كوم ..


والأدب .. والحيآء .. أهم صفآت الذرآبة عند الريّآل .. بعد المظهر الخآرجي .. كونه مُهم جداً .. بالنسبة لي على الأقل ..



..


ومن الذرآبة بعد .. أقولك :

شكراً عـ الموضوع اللي إيونّس ..

:وردة:

​

 

[jody]

هم عندي سؤال بسيط : اذا طحت بوحده هيلقية وتبي تقولها ترى لبسك حده يفشل وحده cheap

شلون تقول لها بدون ما تكون دفش

جوفي ..

إذا أنتي أتعرفينها .. بـ تقدرين أتقولين لها :

أشلوون ..؟!

آنا أقولج :

قولي لها :

تذكرين ذيج المرّة .. يوم كنتي لآبسة ذآك النفنوف .. كآن إيننن عليج مشالله .. ( وصج تذكّري شي حلو وقولي لها ) ..

تآلي .. قولي لها .. هذا اللبس حلو .. بس ذآك أحلى .. هذا ظآلمج ..

أنتي اللبس عليج إيننن .. مشالله .. هذا قصّته الظآهر مو منآسبة لج ..

وبـ إبتسآمة عريضة .. وطريقة .. أتبيّنين لها .. أنج صج صج مو حآبة تلبس هـ اللبس الدفش ..


ووووبس ..

..

أما لو مآ أتعرفينها .. فـ كلش مو من حقج أتقولين لها لبسج مو شي ..

عرفتيّ ..؟!


..


:وردة:


​

 

[FahdQ8]

السلام عليكم ..​

الذرآبة في اللبس .. بحيث أنه إيكون منآسب لي .. من جميع النوآحي ..​

اللون متنآسق .. حيث الجنطة مع الشوز وأنتوا بـ كرآمة مع اللفة ..​

القصّة .. أتكون منآسبة بعد ..​

منآسب لـ عمري .. وهذا أهم شي ..​

صح في نآس كل هدومهم مآركآت بس الذرآبة بسكّة وأهما بسكّة , بس ترى وقتنا هذا إيبيّن بو طقة من الـ مآركة .. فـ من الذرآبة والذكآء تختآر شي , مو أمبيّن أنه على قـدّ الحآل ..​

:باكي:​

الذرآبة .. في الأكل ..​

مو معقولة ذربة في الهدوم والشكل الخآرجي .. من تآكل تتحجى !! وين قآعدين !!​

الذرآبة في التعآمل مع النآس ..​

حيث .. أني أعطي الكل مسآحة ومجآل .. إيقول اللي يبي .. وما أقآطعهم ولا أزعل .. ونفس الوقت ما أجرحهم ..​

..​

الريّآل .. ذرآبته تكمن بـ طريقة لبسه المرتبة ..​

جآن الزيّ الشعبي .. زين على زين .. بس لا أتكون الدشدآشة اللي أتلوّع الجيد .. ضيّجة ومآ شنو !!! :إستنكار:​

لآبس برمودا .. وتي شيرت ..وفلآت .. وممشط شعرك عـدل .. ومآلك بالعآلم .. بأتكون صج ذرب ..​

مو لآبس لي جينز أمشقق .. ومنقّز شعرك .. وسلآسل وخيوط وييييييع .. وأعيونه تتطآير .. وصوته عآلي ..​

هذا الذرآبة بـ كوم وأهوا بـ كوم ..​

والأدب .. والحيآء .. أهم صفآت الذرآبة عند الريّآل .. بعد المظهر الخآرجي .. كونه مُهم جداً .. بالنسبة لي على الأقل ..​

..​

ومن الذرآبة بعد .. أقولك :​

شكراً عـ الموضوع اللي إيونّس ..​

:وردة:​

والله يا ام عبدالرحمن ان انتي ام الذرابه صج .. ​

في كل مشاركاتج ماشالله عليج ..​

ذوق .. والفاظ منتقاه بعنايه ...​

شكراً سيدتي على اثرائج للموضوع ..​

وتقبلي اعطر وارق تحيه :وردة:​

 

[FahdQ8]

وبصراحه ..يعني انا بعترف اني صريحه لحد الدفاشه احيانا..مو دايما يعني​

بهذي انتي صاجه ​

 

[عبدالله .]

شكراً اخوي عبدالله على تفاعلك واثرائك القيّم ...​

ذكرتني بسالفة تتزوج حلوه وما عندها اخلاق .. ولا جيكره وعندها اخلاق .. وكأن ما فيه حلوه وعندها اخلاق ​

كثير يا سيدي من الذين يملكون الاناقه والاخلاق الطيبه ..​

شكراً مرة اخرى .. وتقبل خالص تقديري :وردة:​

العفو اخوي فهد
بالتأكيد في الحلوة اللي عندها اخلاق وانا ذكرت المثال فقط وقلت لما تخير
بمعنى هناك خيارات اخرى والتخيير يكون بين امرين :إستحسان:

​

 

[كاسك يا وطن]

اي والله .. إي والله .. ختامها مسسسسسسك والله الخاتمة قوووية ومعبرة وفعلاً هذا هو الواقع

الذرابة باديه تتلاشى بديرتنا مـع إنتشار فوضى جماعة " العقال المايل "

ابو الفهود هاك :وردة: :إستحسان:

ممكن اعرف شالمقصود بكلمة .. عقال مايل ..؟
لأن هذا تهجم على قبيلة شمر التي تتميز ومعروف عنها بميلة العقال ..
اتمنى ان كلمتك انقطت بحسن نيه ..:وردة:
تقبل وافر التقدير ..

​

 

[الأصمعي]

ممكن اعرف شالمقصود بكلمة .. عقال مايل ..؟
لأن هذا تهجم على قبيلة شمر التي تتميز ومعروف عنها بميلة العقال ..
اتمنى ان كلمتك انقطت بحسن نيه ..:وردة:
تقبل وافر التقدير ..

​

لا تعليق ​

 

[مواطنةوبس]

جوفي ..​

إذا أنتي أتعرفينها .. بـ تقدرين أتقولين لها :​

أشلوون ..؟!​

آنا أقولج :​

قولي لها :​

تذكرين ذيج المرّة .. يوم كنتي لآبسة ذآك النفنوف .. كآن إيننن عليج مشالله .. ( وصج تذكّري شي حلو وقولي لها ) ..​

تآلي .. قولي لها .. هذا اللبس حلو .. بس ذآك أحلى .. هذا ظآلمج ..​

أنتي اللبس عليج إيننن .. مشالله .. هذا قصّته الظآهر مو منآسبة لج ..​

وبـ إبتسآمة عريضة .. وطريقة .. أتبيّنين لها .. أنج صج صج مو حآبة تلبس هـ اللبس الدفش ..​

ووووبس ..​

..​

أما لو مآ أتعرفينها .. فـ كلش مو من حقج أتقولين لها لبسج مو شي ..​

عرفتيّ ..؟!​

..​

:وردة:​

شكرا اخت جودي على النصيحه:وردة:...بصراحه انا ما اعرفها معرفه شخصيه ..بس هي معانا بالدوام
بس البنت حدها مسكينه حيل مهوله بعمرها والمشكله عبالها حلوه موت ...والعالم يعلقون من وراها..وكاسره خاطري ...وانا كم مره باتفلت عليها بقولها ترى الزوبعه الي ثايرتها مو سسببها الاعجاب..ودي اواجها بالحقيقه ونظرة الناس لها بالدوام ...بس رفيجاتي اقضبوني وقالولي انت شدخلك يا الحشريه .هذي من النوع الي يهزء الواحد وانت عارفينك دفشه بتبطينها بوجها...عاد انا باخذ بنصيحتك وماني مكلمتها...كيفها

 

[الأصمعي]

شكرا اخت جودي على النصيحه:وردة:...بصراحه انا ما اعرفها معرفه شخصيه ..بس هي معانا بالدوام
بس البنت حدها مسكينه حيل مهوله بعمرها والمشكله عبالها حلوه موت ...والعالم يعلقون من وراها..وكاسره خاطري ...وانا كم مره باتفلت عليها بقولها ترى الزوبعه الي ثايرتها مو سسببها الاعجاب..ودي اواجها بالحقيقه ونظرة الناس لها بالدوام ...بس رفيجاتي اقضبوني وقالولي انت شدخلك يا الحشريه .هذي من النوع الي يهزء الواحد وانت عارفينك دفشه بتبطينها بوجها...عاد انا باخذ بنصيحتك وماني مكلمتها...كيفها

كتبي لها ورقة و حطيها على مكتبها قبل نهاية الدوام لما تمشي و كل الموظفين يمشون علشان لما تيي الصبح تلاقيها و ماتشك في أحد ...​

بس ها كتبيها بالكمبيوتر علشان ماتصيدج وكتبي فاعلة خير

و هم بعد مايضر تحطين لها منظرة مع الرسالة جود تحس في الواقع المرير إللي إهيا فيه

تحياتي​

 

[مواطنةوبس]

كتبي لها ورقة و حطيها على مكتبها قبل نهاية الدوام لما تمشي و كل الموظفين يمشون علشان لما تيي الصبح تلاقيها و ماتشك في أحد ...​

بس ها كتبيها بالكمبيوتر علشان ماتصيدج وكتبي فاعلة خير ​

و هم بعد مايضر تحطين لها منظرة مع الرسالة جود تحس في الواقع المرير إللي إهيا فيه​

تحياتي​

خوش فكره:إستحسان:..بس بخلي احد غيري يكتبلها باسلوبه... لاني لو اكتبها باسلوبي..بيكون فيه قسوة عليها...وبتصير رسالة فشت خلق مو نصيحه

 

[الأصمعي]

الله وياج .. ^_^

خوش فكره:إستحسان:..بس بخلي احد غيري يكتبلها باسلوبه... لاني لو اكتبها باسلوبي..بيكون فيه قسوة عليها...وبتصير رسالة فشت خلق مو نصيحه

هممم والله منتي هينه .. خلاص deal ​

 

[jody]

حلو حلو ..

فكرة الأصمعي حلوة . . يطلع منه والله.. مو هيّن




دآمها معآج في الدوآم ..

يلآه موآطنة .. بـ نصيغ لج رسآلة .. عشآن الأحد أتحطينها عـ المكتب ..

ودآر درى ..ودآر ما درى .. لأنه لو وآجهتيها فيس تو فيس .. يمكن تنجرح .. حرآم ..

​

 

[شادي الخليج]

ممكن اعرف شالمقصود بكلمة .. عقال مايل ..؟
لأن هذا تهجم على قبيلة شمر التي تتميز ومعروف عنها بميلة العقال ..
اتمنى ان كلمتك انقطت بحسن نيه ..:وردة:
تقبل وافر التقدير ..

​

ولد عمي / كاسك يا وطن

صــف النيه وانا اخوك ، الله الشاهد مو هذا القصد ، وشمر من بد كل القبايل قطعة من قلبي ، القصد ... اللي خبري خبرك

 

[كاسك يا وطن]

ولد عمي / كاسك يا وطن

صــف النيه وانا اخوك ، الله الشاهد مو هذا القصد ، وشمر من بد كل القبايل قطعة من قلبي ، القصد ... اللي خبري خبرك

فديتك قلبك .. لك مني احلى بوكيه ورد ..

​