الله الله ...........
ابداع في ابداع ..
لا بد من كلمة للمبدعين ...لمن نجد في ابداعاتهم ما يعبر عن المشاعر والأحاسيس
رائع يا كنترول ....
جــنــــون الشـــــعـــــر
- بادئ الموضوع كنترول
- تاريخ البدء
الله الله ...........
ابداع في ابداع ..
لا بد من كلمة للمبدعين ...لمن نجد في ابداعاتهم ما يعبر عن المشاعر والأحاسيس
رائع يا كنترول ....
انتظرتك كم دقيقه بعد ماقلتي دقيقه
حتى حسيت انتظاري زاد لهفه واشتياقي
ماطفى في لهفتي تور الاحاسيس الرقيقه
قلت يمكن ترجع ويمكن بقى من الوقت باقي
ما أمل منّك ولكن برهنت لي هالحقيقه
ان مالي غير حبّك . هاك قلبي لك يساقي
ساقني لك ياغلاتي نور مايطفي بريقه
نور حب ونور شوق ونور لحظه بالتلاقي
كثرت الانوار فيني واشعلتها بي حريقه
هي حريقه حبنا المشعل هوانا بإحتراقي
ادري انك هايمه فيني وفي بحري غريقه
غارقه ومستسلمه لحبي وانا يابنت هاقي
هاقي انك لا هويتيني حياتي لك صديقه
وبصداقتها معك صارت سعاده مع وفاقي
صرتي حلمي في منامي ان حلمته ما افيقه
حتى نومي صرت انا وياه لجلك في سباقي
صرتي لي احلى حياة وصرتي لي احلى عشيقه
صرتي لي اجمل معاني الحب يوم الحب راقي
صرتي لي مثل الفضا واشواقي طارت بك طليقه
ماحــكمــها غيـــر حـــبّـــك يــــوم عانـقها عنـاقــي
صرتي دربٍ مشيته وكــم تعــبت القى طريقه
ومن لقيته , ما لقـــيت الا بــدايــه لإنــطلاقي
انطلق قلبي يحبّك , ماخــذٍ قلــبك رفـــيــقــه
والهوى والشوق والاحساس معهم هم رفاقي
وكان حبّي لك وعشقي مع هيامي لك حقيقه
الحقـــيــقه انــتـظاري لك بلهـــفه واشتياقــي
< كنترول >
من بعد ترك الكتابه
من بعد ما عشت مع همي وعذابه
من سنين
كنت وحدي عايش
وبصوتي انين
بس
في صدفه تغيّر حال مهموم لفرح
هذا انا
وحتى قلبي
داخل بصدري انشرح
اي نعم صدفه انا فيها ابتديت
صدفه حلوه
ومنها لهمومي نسيت
كل هذا من فعل وحده إإسرتني
كن ربّي خصّها حقي وجتني
هي ملاك ؟؟
لا أبد ماهي ملاك
الملاك يغار منها ومن حلاها
ماخلق ربي سواها ... من حلاها
شفتها ولا زالت الصوره في بالي
التقينا وقبلها سارح خيالي
منهي هي ؟؟
هي قمر ثاني ويشبه هالقمر اللي قبالي بالسمااء ؟؟؟؟
كان هذا قبل لا أشوف الحقيقه
والتقينا بليل بارد
بالي فيها كان شارد !!!
فجأه هي جتني وترجف
ومن بعيد تبان قذلتها ترفرف
وانتهكها البرد واحتل الضلوع
شفتها وعيني تناظرها بخضوع
وما نقصنا الا الشموع
الشموع اللي تدفيها
ومنها
بحتفل فيها
ومن حقي احتفل بأحلى قمر
وياعساها اتّم لي طول العمر
وحبّها اصبح أمر
لابد منه في حياتي
اصبحت هي كل احلامي
وكل ما في امنياتي
واسمها اصبح يعانق كل قصيدي
دم يجري في وريدي
اسم فارع هو مع اغصان الزهور
زاهي يبهر نرجسه بروعة عطور
هالعطور اللي تفوح احلى هوى
والهوى اصبح دوى
للجروح اللي بقلبي من سنين
والانين
وعالجت كل الذي فيني حزين
والنتيجه
ابتديت احبها
وهم من سببها
الاصابع عاودت طبع الكتابه
من بعد ترك الكتابه
ومن بعد ماعشت مع همي وعذابه
ابتديت احبها
ابتديت احبها
< كنترول >
انا مركب ولي مينا ولي مرسى على شاطيك
تمشّيني هبوب ارياح بالاشواق لبحورك
عرفت ان الهوى منّك منّك ولجلك قلت ابي اعطيك
أبعطيك الهوى بأشكال لجل اتحس بحضورك
حضورك حافل بقلبي هواجيس وقصايد فيك
مع شوق وشعور وحب حقيقي خالط اشعورك
احبّك والهوى قسمه.وانا اللي لو شكيت أشكيك
شكيتك لله الخالق حلاك وكاتب اسطورك
احبّك كلمة(ن) فيها حروف اربع وهي تعنيك
( ألف أهوى) ( وحاء حبّك ) وبك اشعل بها نورك
شعلتك نور في قلبي يضوّي خافق(ن) يغليك
و من زود الغلا والله عشق جور الهوى وجورك
عشق اسمك عشق رسمك عشق حتى كفوف ايديك
عشق طبعك عشق فيك الوفا للحب وغرورك
عشق دنياك وديارك عشق نور الهوى وعينيك
عشق اسلوبك الراقي عشق ريحان بعطورك
صحيح ان العشق قاتل ولكن وان قتلني افديك
ولك عمري رهينك لو اعيش الدهر مأسورك
وهواجيس الشعر فيني اذا هاجت على طاريك
يصير الشعر تحت امرك. يصير الشعر مأمورك
يصير الشعر له معنى واذا غنّيته اتغنّيك
لحون اوزن بها احساسي وقلبي يعشق اكسورك
صراحه...مابقى لي غير اني اليا ختمت اهديك
ولكن تدري وش اهدي؟؟؟ تأمل واسأل اشعورك؟؟
< كنترول >
هو صحيح إنج رحلتي ؟؟؟
هو صحيح أنج جفيتي ؟؟؟
ثم تركتيني اضيع !!
ليه هذا الصد والهجران
من بعد الهوى
وسنين عشناها سوى
ما أصدّق..ما أصدّق .. ما أصدّق
ليه اصدّق ؟
وانتي روحي
يابعد روحي وجروحي
انتي لازلتي طموحي
ما اصدّق..ليه اصدّق
لو صحيح انج رحلتي
وضاع حبّج
كان انا ناسي هواج
وانسى ان غيري معاج
وانسى قلبي
وانسى روحي
وانسى نفسي
يابعد باجر وأمسي
انتي نفسي ..
ما اصدّق
انتي لازلتي في قلبي
حب اوّل ..انتي حبّي
ما تحوّل .. اي وربّي
انتي قلبي..
ما اصدّق
صارت ايّامي حزينه
وكل اسابيعي حزينه
والشهور اتمر
صارت لي
محطّات وقبور
والحزن اصبح طيور
صرت انا موطن عبور
والشعر يبكي اذا قلته بسطور
ينتحب يبكي لحالي
للفراق ان كان غالي
اللي تركني أعيش وحدي
والزمن والحظ والايام ضدّي
ما اصدّق
للقصر ترحل هجوسي
وللنسيم وللعيون
وكيف انا بعدج اكون
والظنون اتّم هي نفس الظنون
وما تسلّيني الأغاني
بعدج انا انسان ثاني
انسان معدم عايش بليا عيون
كيف اشوف الناس بعدج
وانتي صرتي لي العيون
ما أصدّق
مرّت شهور وغيابج سلّني
والحزن بعدج لقاني ودلّني
ما عفاني وذلّني
ما اصدّق
بس صحيح انج جفيتي
وللاسف لكن وفيتي
مانكرتيني نعم
لكن بعد حبنا اختفيتي
ثم تركتيني اعاني
العن الحظ وزماني
بالدقايق والثواني
ما اصدّق.... يا أمـاني
< كنترول >
هو صحيح أنج جفيتي ؟؟؟
ثم تركتيني اضيع !!
ليه هذا الصد والهجران
من بعد الهوى
وسنين عشناها سوى
ما أصدّق..ما أصدّق .. ما أصدّق
ليه اصدّق ؟
وانتي روحي
يابعد روحي وجروحي
انتي لازلتي طموحي
ما اصدّق..ليه اصدّق
لو صحيح انج رحلتي
وضاع حبّج
كان انا ناسي هواج
وانسى ان غيري معاج
وانسى قلبي
وانسى روحي
وانسى نفسي
يابعد باجر وأمسي
انتي نفسي ..
ما اصدّق
انتي لازلتي في قلبي
حب اوّل ..انتي حبّي
ما تحوّل .. اي وربّي
انتي قلبي..
ما اصدّق
صارت ايّامي حزينه
وكل اسابيعي حزينه
والشهور اتمر
صارت لي
محطّات وقبور
والحزن اصبح طيور
صرت انا موطن عبور
والشعر يبكي اذا قلته بسطور
ينتحب يبكي لحالي
للفراق ان كان غالي
اللي تركني أعيش وحدي
والزمن والحظ والايام ضدّي
ما اصدّق
للقصر ترحل هجوسي
وللنسيم وللعيون
وكيف انا بعدج اكون
والظنون اتّم هي نفس الظنون
وما تسلّيني الأغاني
بعدج انا انسان ثاني
انسان معدم عايش بليا عيون
كيف اشوف الناس بعدج
وانتي صرتي لي العيون
ما أصدّق
مرّت شهور وغيابج سلّني
والحزن بعدج لقاني ودلّني
ما عفاني وذلّني
ما اصدّق
بس صحيح انج جفيتي
وللاسف لكن وفيتي
مانكرتيني نعم
لكن بعد حبنا اختفيتي
ثم تركتيني اعاني
العن الحظ وزماني
بالدقايق والثواني
ما اصدّق.... يا أمـاني
< كنترول >
انا المخطي وانا الخاين وانا الكذاب بعيونك
وانا احساسي عديم وما بقى لي شي احيا به
انا ذاك المتيّم بالهوى اللي كان مفتونك
نطر منّك تواسيه وتداوي كل ما صابه
انا اللي كان في يوم(ن) من الايام مجنونك
غدى مجنون في عينك وأهبل ماله إمشابه !!!
انا قصـه حزيــنه وانكتب عنوانها بلــونك
قراها كل من يعرف عذاب الحب واطيابه
انا لحن الحزن ومركزي في نوتة الحونك
يغنيني الحزن دايم وقلبي رد تغنّى به
انا المسجون من حكمك وتحكمني انا سجونك
حكمت بحكمك الظالم ولاأدري وشهي أسبابه
انا شاعر كتبت الشعر لأجل الناس يقرونك
ولبست من الشعر لبس العذاب اليوم وثيابه
انا منهو ؟؟؟!! انا انسان رافق بالهوى اجنونك
ولكن جنّك الشاطر , عرف إنسي وتسلّى به
< كنترول >
الزمن قاضي وهو له متّهم
والهوى هو الجريمه والذنوب
والجريمه كل دوافعها الوهم
والهواوي اليوم تمليه العيوب
الهوي في وسط قلبه كالسّهم
سهم نار الحب في قلبه نشوب
جرّب الحب الحقيقي وما رهم
طار مع هاك العواصف والهبوب
التهم ريح العواصف التهم
شاعرٍ من حب خلّه ما يتوب
الحبيب اللي فتح بابه ودهم
وما فتح غيره ابد هالباب نوب
هو قرا أسرار قلبه وهو فهم
وهيّض الأشعار واسكنها القلوب
في دروب الحب اصبح مشيهم
مستقيم الدرب والخطوه لعوب
المهم مستقبل الحب المهم
من نجاح اليا نجاح اليا رسوب
طاري الفرقا يعكّر جوّهم
عايشين ولا بسين الحزن ثوب
ناطرين الموت . لكن صدّهم
صدّهم حلفٍ مشوا به بالدروب
اتفّاق الوصل عزّز حبهم
كنّه حلف الاطلسي بين الشعوب
والفراق اللي طرى ماهو مهم
المهم ان حبّهم وسط القلوب
والوهم ياللي قريت وتفتهم
ان هواهم ذنب من عرض الذنوب
< كنترول >
خلني خلني
خلني لوحدي اهيم بدنيتي وانسى عذابي
خلني ارحل وابتعد عنك ولو تهت بسرابي
خلني اتعذب واشوف الضيم بعد يا صوابي
خلني خلني
خلني ياضلع انكسر فوق القلب مابيه طبّه
خلني عايش والحزن جوّا القلب والوقت شبّه
خلني منّي لك نصيحه ,, انسى قلبي وانسى حبّه
خلني خلني
شوف ياعيني وبعد عيني انا اللي صار بيّه
ما اريد الحب جان الحب اصبح لك اذيه
ولو فتحت القلب غنّا لك من احزانه بوذيّه
خلني خلني
هاي هوه الحب خلني
هاي هوه الضيم خلني
هاي هوه الحزن والدلاّل باحزانك يذلني
للحزن اشكي عذابي وما سمعني غير هوّه
وللعذاب اشكي الحزن واقول بيه لوهو ولوّه
صاروا الاثنين ليّه من نصيبي احلى خوه
وبيهم قليبي تجوّه
خلني خلني
يابعد هالروح خلني
يابعد هالناس خلني
يابعد هالدنيا كلها
خلني روح ابعيد خلني
جنت انا ويّاك احلى اثنين عصفوره وغصنها
وجانوا الاشجار تتمنى لو يضمّك حضنها
وجيت يمّي اتقول روحي شافتك انته وطنها
ولو سألت الليل مع ضي القمر يحجون عنها
هاي بأيام المحبه !!!
قلت ارحل وابتعد عنّك بعيد
ما اريد الحب منّك ما اريد
موتتني وهاي انا عايش ولا صرت الشهيد
دار دوراته الوقت , حسيت انا حبّك كتلني
بعدي اصغيرون واحلام الهوى يمكن تملني
مدري اشمال الهوى شفته من افراحه عزلني
خلني خلني
وقلت انا للولف خلني
وصاح بيّه الولف خلني
قال ليّه : ما اريدك
ارد اعوفك
وما بعد فد يوم اشوفك
ما اريدك صاح بيّه , حظي ويّاك وخذلني
قلت انا : يوم الاعوفك
ما اريدك يوم تتعب
تشتري حبي وتكسب
هم مع ضيم وكدر
وانته في ضنّك انا ويّاك نلعب !!!!
جان هاي الضن بيّه , لو يجي طاريك يشتب
وقررت اني اعوفك
واتركك انتا وظروفك
لأني احبّك
والله احبّك
وما اريد ابيوم اشوفك تبجي ودموعك سببها
اني احبك
ارد اعوفك لأني احبّك
وما بعد فد يوم انسى اي وربّك
بس شوفوا اشعمل بيّه : !!!!
قال : انته اتريد تمشي انته خاين
هاي دمعاتك جذب والجذب باين
انته اكيد اتحب غيري وانا حبي صار هاين
وهم انا قررت مثل ارد اعوفك
ولو امر يمّك اطوفك
انعمت عيني وبد الناس صارت ماتشوفك
انته خاين انته خاين
قلت : هاي اشلون عجبه
ارد اعوفه لأني احبّه
بعده اصغيرون وهموم الهوى لاشك صعبه
هو وحيد امه وابيّه
يا عسا يخليه ربّه
بس احبه
ولنّي احبّه قلت اعوفه
بس ظلمني
ما رحمني
وما عرف قصدي وفهمني
صار مقهور بفراقي
يريد كل لحظه عناقي
ولو يشق صدري بخنجر
صاااااااح بهره ( الله واكبر )
بالقلب معجزه وتكبر
حتى مايقدر يعبر
شاف نفسه بيه أيه
صار قلبي له مرايه
وقلبي يحجي له ويقول
انته باقي انته باقي انته باقي
< كنترول >
ويش اكتب من قصيد اليا كتبت
ويش أقـول واشتكيلك يازمان
ويش أقـول واشتكيلك يازمان
كيف أصوّر فكرةٍ منها تعبت
ودّي انظمها قصـيده للعيان
ودّي انظمها قصـيده للعيان
فكرةٍ قد عشت قصتها ورسبت
كنّها منهـج دراسي بإمتحان
كنّها منهـج دراسي بإمتحان
كنها درس الحساب ولا حسبت
طالبٍ دش امتحانه واستهان
طالبٍ دش امتحانه واستهان
طالبٍ فاشل وبالتالي انّكبت
النتيـجه شفتها والحال شان
النتيـجه شفتها والحال شان
منهجي هو الهوى اللي له وهبت
روحي وعقلي وقلـبي له مكان
روحي وعقلي وقلـبي له مكان
إبتديته شاب مير اليوم شبت
إندثر لون الشعَر والشيـب بان
إندثر لون الشعَر والشيـب بان
كان بيدي لعبةٍ فيها لعبت
كيف كنت وكيف حالي اليوم كان
كيف كنت وكيف حالي اليوم كان
يازماني .الحب سالبني وسلبت
منّه الشعر وهمومه من زمان
منّه الشعر وهمومه من زمان
ماترك لي غير دفتر به كتبت
شعـر في صدري ويحكيه اللسان
شعـر في صدري ويحكيه اللسان
شعر أقوله للجماهير وركبت
خيلٍ امقيّد وأنا أطلقت العنان
خيلٍ امقيّد وأنا أطلقت العنان
ماشوف الا حبيبٍ به عطبت
عاطبٍ به قلب قد شـاله وصان
عاطبٍ به قلب قد شـاله وصان
له عطيت الروح . منّه ماطلبت
ماطلبت الا الدفا منه وحنان
ماطلبت الا الدفا منه وحنان
لكن الحظ الردي منّه انغلبت
فارس الميدان طاح امن الحصان
فارس الميدان طاح امن الحصان
إنخطف منّي الهوى كنّي انتهبت
لا أبد ماهي بكنّي هي ضمان
لا أبد ماهي بكنّي هي ضمان
إملكه غيري وأظن إنيّ انكتبت
في قصيـده ضمّها حضن الزمان
في قصيـده ضمّها حضن الزمان
< كنترول >
هلا والله بالاخت مزنه
ومشكوره على هالحضور الطيب .. ياطيبه
بالنسبه لسؤالج :
الشعر عندي ملتقى يجمع أرواح ....... روحي وروح اللي سكن في خيالي
كلما طرالي أكتب الشعر بي فاح ....... عطر (ن) رياحينه . تزّكي مجالي
أكتب . ولا أبغا به نياشين ووشاح ....... أكتب ,أفضفض . وأشتكي . ما جرالي
اترجم أحزاني بالأبيات . وأرتاح ........ وأنسى الألم في وحدتي وإعتزالي
ونادر يجيني إلهام شعري بالأفراح ........ كن الشعر يفرح بوقت إعتلالي
ذي نبذةٍ عن حالي بالشعر يا صاح ......... ولك أعترف محد (ن) فهم ويش حالي
ياللي سألت .. أجاوبك بالذي باح ........ سدّه . وكشف مكنون صدره بتالي
فتحت باب الشعر من دون مفتاح ......... وأصبحت مع طرقه . والألحان سالي
مركب وببحور الشعر دوم سوّاح .......... وعلى شواطي الشعر توقف رحالي
هو الخرز وأصبحت له خيط مسباح ........ يلعب بي هاجوسي يمين وشمالي
وبالوزن . لي وزن (ن) ليا مال بي طاح ....... وتكثر سكاكين الجمل فيه تالي
أبيات حصريه كُتبت لهذه المناسبه 
< كنترول >
أخت مزنه
الشعر بالنسبه لي عباره عن حاله أعيشها ولا أدري شلون جتني هالحاله والله , لأنها مو وراثه عندي
والشعر يا مزنه سهل نقوله , بس صعب نترجم من خلاله اللي بداخلنا ..
والشعر يا مزنه سهل نقوله , بس صعب نترجم من خلاله اللي بداخلنا ..
ومن اهم أركان القصيده ,, وجود فكره مناسبه تعيشينها وتحسين انها تستاهل انها تترجم الى قصيده .. وانتي وحسب ما شفته منج .. عندج هالفكره .. وهالشي لاحظته بكذا قصيده كتبتيها .. بس ناقصج الوزن .. ومثل ما قلت بالبدايه حاولي تغنين الأبيات على لحن معين .. وانا علمتج قبل فتره هالشي .
حاولي ...
الشعر عندي ملتقى يجمع أرواح ....... روحي وروح اللي سكن في خيالي
كلما طرالي أكتب الشعر بي فاح ....... عطر (ن) رياحينه . تزّكي مجالي
أكتب . ولا أبغا به نياشين ووشاح ....... أكتب ,أفضفض . وأشتكي . ما جرالي
اترجم أحزاني بالأبيات . وأرتاح ........ وأنسى الألم في وحدتي وإعتزالي
ونادر يجيني إلهام شعري بالافراح ........ كن الشعر يفرح بوقت اعتلالي
ذي نبذةٍ عن حالي بالشعر با صاح ......... ولك أعترف محد (ن) فهم ويش حالي
ياللي سألت .. أجاوبك بالذي باح ........ سدّه . وكشف مكنون صدره بتالي
فتحت باب الشعر من دون مفتاح ......... وأصبحت مع طرقه . والألحان سالي
مركب وببحور الشعر دوم سوّاح .......... وعلى شواطي الشعر توقف رحالي
هو الخرز وأصبحت له خيط مسباح ........ يلعب بي هاجوسي يمين وشمالي
وبالوزن . لي وزن (ن) ليا مال بي طاح ....... وتكثر سكاكين الجمل فيه تالي
أبيات حصريه كُتبت لهذه المناسبه
< كنترول >
يا سلام عليك يا اخوي كنترول ...أقسم بالله إبداع ....
الحقيقة يؤلمني هذي الكنوز مدفونة في المنتديات !!!!!!!
كنترول يا مال العافية شاكرة لك جزيل جزيل جزيل الشكر على ما أمتعت به ناظرينا ....وما ارتقيت به من شعر في المنتدى هنا ....
أدعو الله ربي لي ولك أن يكون الشعر والقصيد في خدمة دينا في يوم من الأيام والدعوة لللضالين والجهلاء في الدين ....صدقني ذي أفضل دعوة لمن يقدرك ...
شكرا لك على النصيحة ....وأتمنى من الله وأدعوه ليل نهار أن يبعدني عن الشعر وعن المنتديات وعن وعن وعن .................آه اسمح لي ....
كل الشكر
حيرتني منّك وشاغلت بالي
واشغلت قلبي بالحكي والتهامه
جتني السوالف كنها طلق صالي
مدري وش اللي جابلي هالذمامه
وانت الذي اصبحت لك دوم سالي
والشعر في غيرك ترى البال صامه
شريتك ومابعتك برخص تالي
وتدري طبوعي كلّها بالشهامه
اهلي هل الجود وعمامي خوالي
ولا ني من اللي ناكرينه عمامه
لاترمي اتهامك علي بالتوالي
وانا ادري ان ماجيت صوب الكرامه
لاتحسب اني مضعف اليوم حالي
وجيتك ابي منك الرضا والسلامه
القلب مايزعل ..من الحقد خالي
ليه ازعل ان كان الثقه بي علامه
ماهمني هرج (ن) يجي صووب جالي
بحر (ن) ولي وسط المحيطات هامه
رجّـــال بالله عـــــزّتي واتكّالي
ماطمّ راسي مثل راس النعامه
والحرّ ماله غير روس الجبالي
ما يتبع ضباع الجيَفْ والرمامه
هذا ولك عندي غلا هو خيالي
ومركز غلاتك داخلي هي زعامه
مافــكّـــــر اني ازعلك يادلالي
كيف ازعلك والروح بك مستهامه
يا مرّ ذقته تالي الوقت حالي
يا زاد نفسي يا شراب وطعامه
يحلا السهر بك بالليالي الخوالي
يا فرحة القلب الشقي وابتسامه
اطلب تدلل والرضا بك منالي
تفداك عين (ن) ليلها ماتنامه
والله والله الولي خير والي
لازلت عندي بدر حبي وتمامه
يازين خــــل السالفه لاتبالي
وش فادنا كثر الحكي وانقسامه
ان كان هي بالجد واللا هزالي
مايجبر الكسر القوي كود خامه
لاتحســــب إني ناكرك ياغزالي
مابيننا عهد (ن) وانا بألتزامه
ملكت قلب (ن) وسط صدر الشمالي
جلست به ضيف (ن) رفيع (ن) مقامه
قهواك فنجال الغلا للثمالي
ياكيف ترحل ثم تبدّي حطامه
خل الــزعـــل مابينا للزوالي
عدّت سحابة صيف مثل الغمامه
الضيم من بعدك لفا وارتكالي
والحال ادنى حالها لانعدامه
ياما سهرت الليل والليل طالي
شفتك قمر ليل السهر واحتشامه
اجرّ لك مـــــوال يا لا يلالي
الله يديم الحب والخير دامه
شريتك ومابعــتك برخص تالي
حر (ن) وشفتك في مجالي حمامه
< كنترول >
مهما يطول الوقت والا يقتصر لابد تعود
مهما تطول إبك المسافات الطويله تبـ ترد
مهما تطول إبك المسافات الطويله تبـ ترد
بترد لي مثل الطريدة اللي تلاحقها الأسُود
كل (ن) يبي ينهش لحمها وغايته فيها وجد
كل (ن) يبي ينهش لحمها وغايته فيها وجد
بتقول لي هذي ثقه , لكن ونفسي لي تجود
نفسي تجود بعِزّها وبعَزّها مالي مصد
نفسي تجود بعِزّها وبعَزّها مالي مصد
دايم اعزّ النفس بالدنيا وأنا فيها صمود
لي مبدأ إني ما اخون الوعد وانقض للعهد
لي مبدأ إني ما اخون الوعد وانقض للعهد
إن جيتني ما أنكرك . لكن عساني ما أعود
واذّكرك في ماضي (ن) أسود على غدرك شهد
واذّكرك في ماضي (ن) أسود على غدرك شهد
يشهد عليك الله رب الكون والكل له يعود
إن أنت أوّل من نكر عهد الهوى فينا وجحد
إن أنت أوّل من نكر عهد الهوى فينا وجحد
لكن أنا ماني مثل طبعك ولاني بالجحود
ولاني أنا الخاين ولاني اللي بدا وخان الوعد
ولاني أنا الخاين ولاني اللي بدا وخان الوعد
أحفض مواثيق الهوى . ودستورها هي والبنود
وأقدّس الحب الشريف اللي الوفا فيه اعتمد
وأقدّس الحب الشريف اللي الوفا فيه اعتمد
مسلم ديانه وبالهوى . أعشق مثل جند اليهود
إليا ذبـــــح نفســـه الفدائي . راح ولبيته يهد
إليا ذبـــــح نفســـه الفدائي . راح ولبيته يهد
ما غير أنا اللي بينفعك والناس والدنيا شهود
وإن جيتني أمد يدي لك وكفي وقلبي لك بعد
وإن جيتني أمد يدي لك وكفي وقلبي لك بعد
< كنترول >
أساها
يا قساها
لحظة الفرقا عساها
ترحل وتعتق هجوسي
وعقلي يفرح لو نساها
ماهي لحظه
لا أبد ماهي بلحظه
هذي كنها الفين عام
ألف هم . وألف احساس وغرام
ياحرااااااااااااام
ياحرااااااااااااام
ودّي انساها وأعيش بدنيتي مثل البشر
لا عذاب ولا كدر
ما أبي اسأل انا.
هي وين راحت ؟؟؟
هي سعيده ؟
او شكت مثلي وناحت ؟!!
مثلي صاحت!!
هذي اللي عشت انا لحظة عذابي من سببها
كنت احبها
كيف اوادعها بليله ؟؟؟
كنّي فيها احتضر !
فارقت روحي جسدها
والعـــــــذر...!
إنّها تفرح .....
وانا بالهم اشقى
بــــس أبقى
واتذكّر لحظة الفرقا واساها
ياقساها ياقساها ياقساها
كانت بليله من أيّام الشتا
كن ملاك الموت حيّاني وأتى
بأول ايام السنه
فيها حسيت بضياعي
موتي فيها لي دنا
وبعدها ماعشت
او ذقت الهنا
بالعنا عايش انا
عاشق وحبّه فنا
والسبب ؟!!!!!!!
لحظه مريضه
صابها فيروس غامض
اكتشفت انه الفراق
من بعد ذاك العناق
وبعدها هالكـــــون كلّه !!
فيني ضاق فيني ضاق
وانتهى حبنا بلحظه
عانقتني في حياتي
ساكنه بعقلي وذاتي
باقيه حتى مماتي
لحظه صارت لي عمر
لا هي يوم ولا شهر
كنّها صارت دهر
انكتب لي اعيشها حتى
يحطوني بقبر
قبر مظلم
قبر يسليني لحالي
ووقتها انسا لحظة الفرقا
واساها ياقساها
ياقساها
ياقساها
ياقساها والاماني اتّبعثر عند حظّي
واصبحت عندي شتات
حــــــــب مات
يافرح ولّى وفات
ياحزن في داخل أحشائي يبات
وينثر دموعي انين
والعيون اللي بكت
تبغا الحنين
ياسنين
اسمعيني ياسنين
اسمعيني ياسنين
اسمعي عاشق فقد حبّه ومات القلب
من راحت اماني
صرت انا المجني عليه !!
وصرت انا الجاني
صرت اسأل ؟؟
هو انا نفسي انا ؟؟؟
ماتغيّر شيء فيني ؟؟
او انا ميّت ولا ادري ؟
وتمّت لحظة الفرقا تعزّي هالبشر فيني !
وعقلي صار بي حضره ومأتم
ولحظه الفرقا تردد
ياعسا الله يرحم اموات العشق
كان مركب وسط بحر الحب هايم
بس
غرق
وانسرق منّي انا يا لحظة الفرقا
وتم عااايش
يردد
يا اساها يا قساها يا اساها يا قساها
لحظة الفرقا عساها
ترحل وتعتق هجوسي
وعقلي يفرح لو نساها
< كنترول >