جــنــــون الشـــــعـــــر

[كنترول]

الحب ذوق . وشوق . وإحساس . ثاني
الحب . مثل .الفلسفه . ما له . إكتاب

ماهو . بـ شــعــرٍ . نكتبه . أو . أغاني
ويا للأسف . ذا . الوقت . الحب . به . عاب

إمّا . يعلّي . الشان . والا . بــ طماني
وياما . سمعنا . إن . الهوى . طمّن . أشناب

وكــم . عاشق (ن) . يعشق . لأنه . يعاني
نقصان . شخصيه . وهو . ناقص . إحساب

وانا . ترى . قد . عشت . به . شخص. هاني
فرحان . في . حبّي . ولا ني . بـ مرتاب

طرقت بابــه . ثـم . فتـح . لي . بثواني
دشيت . بـ مراحه . وركّزت . لي . إركاب

ريح . الشمال . اللي . بهبوبه . سباني
اصبحت . له . عاشق . عشق . شم . الأطياب

وأجمل . ثلاث . سنين . صارن . ثواني
يوم(ن) . نوى . حظي . الردي . نزع . الأطناب

ومن . يومها .طاريه ... هم (ن) غزاني
ذكراه . جرح (ن) . بي . من . سنين . ما طاب

واليا . نويت . أعشق . وأنساه ... جاني
طاري. الذي. عنّي. أبد . ما بعد . غاب

مير . اسمعي . منّي . النصيحه . تراني
حبّيت . ومن. الحب .. الراس . بي . شاب

العمر . هو ..واحد .. وتدرين.. فاني
إنسي. الهوى . والحب . يا بنت . غلاّب

الحب . ماهو . بـ شعر . والا أغاني
إمّا . عسل . ذقتيه .. أو . سم . من . داب

< كنترول >​

 

[كنترول]

هالعين فتنه طائفيه .. تفتك بكل القلوب

يا لبا سحر اللي عجبني .. وصادني من نظرته


قلبي فتى بإعجابها . وبإعجابها عقلي يذوب

يا حي . من شوفة عيونه . نرتعب من حظرته


ذي نار فتنه . ولّعـت قلـبي . كما نار الحروب

اللي إتولّع بـيـن ... شيعة ديننا معْ سنّته


< كنترول >​

 

[كنترول]

حداني القاف بألحانه , وِحَيدي
يجرّه صــوت ما غنّى لسوايه

بنات الفكر بطروقي تجيدي
كأن الشــعر ,, اصبح لي وصايه

طرى لي طاري, فـ بالي شريدي
غواني غَاوي أشعاري غِوايه

ذكرت اللي مضى لي , وجا يعيدي
عذابي من بدأ وحتى النهايه

صريح ,, وما أخاف الا الشديدي
رحوم(ن) خصّنا فـ دين الهدايه

سميع(ن) يسمع إشكاة العبيدي
وانا عبده , ولا لغيره رجايه

اعيش فـ دنيتي كنّي وحيدي
لأني طيب , وطيبي هوايه

وعلى وضح النقا قصري يشيدي
اساسه صافي , واركانه نوايه

ولاكن للأسف طبعي طريدي
لأن الوقت ذا ,, هو للردايه

وحتى بالهوى ,, أخطيت صيدي
احاول مير اخطي بالرمايه

افيده , ومنْه ابد ., ما أستفيدي
وعلى جمرة تحلّى له شوايه



< كنترول >​

 

[وسم*]

ماشاءالله كلمات رووووعه ياكنترول خاصة القصيدة الأولى التي تصف فيها الحب شي راااااااااائع

 

[كنترول]

الاخت مزنه والاخت وسم

اشكر تواجدكن الدائم هنا

والتشجيع المستمر لكتاباتي وقصائدي

وهذه الصفحه وُجدت لكي تعانق كل متذوق للشعر

تحياتي

 

[كنترول]

الا يالله يالواحد كريم وغافر الزلاّت
دعيتك مادعيت الا كبيرٍ باسط اعروشه

تصحّح لي مسارٍ قد مشيته ومكثر الهفوات
وتغفر لي ذنوبي بالهوى واحسانك آنوشه

قريت أبيات من شاعر حزين وزادت الونّات
كأنه عارفٍ وش داخلي من ( آه ) منقوشه

صحيح انه وصف حاله وشابه وصفه الحالات
يشابهني بحالاتي الذي من الحب مدهوشه

انا مثله مفارق . كم تعشش داخلي الآهات
قصر مهجور والحزن الكريه متكاثره اعشوشه

كتمت الحزن في جوفي وزفّتها بعد ما جات
تراها ان جت لي جثّه على هالارض مفروشه

الا ياطير خبرني عن اللي حبّها ما مات
أخاف ان حبّنا الماضي حكاية حب مغشوشه

أخاف انها إتّناساني وهي متقدّمه بخطوات
ولا تنزل لها دمعه وهي تقبل على الكوشه

وتنسا شاعرٍ فاضت دموعه حبر للأبيات
عيونه كم بكت منها وكم اهتزّت ارموشه

حياتي بعدها ظلمه ولو طال الزمان وفات
واموت تراب من فوقي . وهي بالورد مرشوشه

لعنت ام الهوى من بعدها وازدادت اللعنات
لعنته مثل ما المسلم لعن شارون وجيوشه

بقول ألعن ابو حبٍ يخلّيني بحياتي اشتات
شتات مقطّع اوصالي . وظلوعي دوم منهوشه

ولكن وشهي الحيله ولو كثرت بنا الصيحات
يتم الحب نكسه . والهجر دنياه موحوشه



< كنترول >​

 

[وسم*]

الا ياطير خبرني عن اللي حبّها ما مات
أخاف ان حبّنا الماضي حكاية حب مغشوشه

أخاف انها إتّناساني وهي متقدّمه بخطوات
ولا تنزل لها دمعه وهي تقبل على الكوشه

وتنسا شاعرٍ فاضت دموعه حبر للأبيات
عيونه كم بكت منها وكم اهتزّت ارموشه

حياتي بعدها ظلمه ولو طال الزمان وفات
واموت تراب من فوقي . وهي بالورد مرشوشه

< كنترول >[/CENTER]

يووووه ياخوي كنتروووول كلماتك تخلي الواحد يحس وكأنه هو صاحب المشكلة بالفعل وصف حييييل يعور القلب
الله يوفقك يالغالي ويعوضك بحب أحلى وأجمل من الحب اللي راح

 

[كنترول]

ألم أخر ,, ونبضي مختلف ,, وأوراق منسية
وبوح ,, يعانقه دمّي ,, بـ سطور , لبوح ولهانه

تبي تشكي , لمن يفهم , شعوري والذي فيّه
لعلها شافت الراحه وحضنها , صدر شطئانه

كما أطفال تبكي داخلي , احزان مخفيه
يتيمه ,, تايهه ,, ماترتوي هي دوم عطشانه

أبد لا هم , أو همّين ,, أو عشره ,, بعد ميه
اذا للهم وزن , اصبح خفوقي يحمل أطنانه

كأني والسماء صحبه ,, أسرني بالقمر, ضيّه
وأعد نجومها , واكتب قصيد ,, بكل اوزانه

تهيالي , بكل ليلة سهر , لي فوق حوريه
على ظهر القمر , تأشر بيدها ,لي ,, فرحانه

اناديها بصوت الحب , كان الحب لي نيّه
وترد هي بالصدى ,, قالت خفوقك يبهر إجنانه

علامك يا مناديني ,, حروفك دوم مدميّه
وقلبك بالوهم , قال الشعر والحزن بأشجانه

تراني حلم راود لك ليا من رحت لي جيّه
ولكنّ دنيتي وهم(ن) يشيّد فيك أركانه

نعم إصحى من احلامك تراها بحالتك ,, سيّه
مجرّد وهم يا عاشق ,,, يبيلك انت إنسانه



< كنترول >​

 

[@Noura@]

علامك يا مناديني ,, حروفك دوم مدميّه
وقلبك بالوهم , قال الشعر والحزن بأشجانه

الحزن بأشجانه
صح لسانك يا كنترول​

 

[وسم*]

كما أطفال تبكي داخلي , احزان مخفيه
يتيمه ,, تايهه ,, ماترتوي هي دوم عطشانه

أبد لا هم , أو همّين ,, أو عشره ,, بعد ميه
اذا للهم وزن , اصبح خفوقي يحمل أطنانه

< كنترول >[/CENTER]

ومافي شك ان هالكلمات لاخوي الغالي كنترول
تسلم والله على هالكلمات الحلوة

 

[كنترول]

علامك يا مناديني ,, حروفك دوم مدميّه
وقلبك بالوهم , قال الشعر والحزن بأشجانه

الحزن بأشجانه
صح لسانك يا كنترول​

صح بدنج يالغاليه

ومشكوره على هالمتابعه

لا خلا ولا عدم

 

[كنترول]

ومافي شك ان هالكلمات لاخوي الغالي كنترول

تسلم والله على هالكلمات الحلوة ​

الله يسلمج يالغاليه ,, وعساني ما انحرم من هالتواجد الرائع

وأهدي لج هالقصيده​

*****​

يا وسم ابكتب لك على النيّه
بشكيـــلك الحاله وما فـــــيّه
حال الــــذي بدنياه مبــلـــيّه
يالله عسا افرح وانساهااا​

قالوا العرب والقول ذا مشهود
يـــومٍ لنا ويــــومٍ علينا اردود
ذا وقت نرفع به بيارق سود
نبكي على الحاله ونرثاهااا​

والحب ياوسم العزيزه صار
بالمصلحه يشرى وكم دينار
ماعاد له قيمه ولا مقدار
ماهوب شعور النفس واهواها ​

دنيا بها صالح مــــع طالح
والطالح اصبح بالهوى صالح
لاتحسبينه عذب , هو مالح
أنهار الهوى تسقي رداياها​

جربت انا اعشق وعشت الحب
ماغـــير افـــــكر فيه انا واتـــعب
ومنّه سموم الهم جتني اتهب
والله رحم حالي وما جاها​

قلت الذي عني وعن نفسي
كل ما جرالي وفات من أمسي
قولٍ تردد مع صدى همسي
همسات تنطق أه بأصداها​

والحين ابشكي حال عيشتنا
عيشه بها الضيقه حليفتنا
اللي غدت بالنفس ضيفتنا
محدن رضا فيها ويرضاها​

شبابنا هالوقت هو ضايع
دم الردى بعروقهم مايع
متشردٍ بأوهامه وصايع
هذي رجال الديره واحماهاا​

والبنت شفناها اصبحت بويه
عوجه ترى عند البدو , وعويه
عند الحضر . والدعوه هي لويه
محدن عليه تخفى سواياها​

هذي سبايب من حكومتنا
نبغاها ترفعنا , وطمّتنا
عهدٍ جديدٍ مع خليفتنا
اللي تباركها وخلاّها ​

ادري اني جبت العيد ياناسي
بس الحقيقه موجعه راسي
ماهيب ربحٍ مير هي افلاسي
ياوسم وشهو الحل بأتلاهاا​

< كنترول>​

 

[وسم*]

تسلم ياخوي كنترول وربي يرزقك بوحده حلووووة ومزيوونه وتقدر الحب وتقدر شاعريتك يالغالي

 

[كنترول]

لي متى هذا شعوري

لي متى حزني بكتماني

وافراحي بظهوري

ادفن بصدري غرابيل الزمان

كن صدري مقبره

والعذر ويّاه ’’ بس ما اعذره

كان ياما كان كان

كان ياما كان كان

كان حبي والهوى دستور واضح

والبنود اللي بطياته مسارح

تعرض فصول الحكايه

والمشاهد لي شجون

تبهر عقول وعيون

اللي سمعها او قراها

مادروا ان قلبي التافه !!!

عواها

وترجم آآآآهاته قصيد

والحزن دايم ينادي

قل يا شاعر ابي منْك المزيد

خلّني اطرب على ألحانك واغني

ابتساماتي بحزنك

ودوم هو لي ضحك سنّي

هذا مشهد

من مشاهد مسرحية تافهه !





< كنترول >​

 

[كنترول]

آآآه أنا منّي ​

وكلّي آآآه مصدرها وجع​

ساكن(ن) فيني ​

وحالي له خضع​

بس متحمّل ​

وأقول الله كريم ​

هو عليم ​

رب هذا الكون ما يخفاه شي ​

خالق الإنسان من تربة وميّ​

راضي في حكمه علي​

**​

اي نعم جرّبت أنا ​

آآآه الهوى​

و​

آآآه الفراق ​

اي نعم حسّيت​

آهي​

مثلما آهات ​

كل شعب العراق​

اللي عانا الإحتلال ​

ثم ​

مال ​

إتجاهه صوب حرب(ن) طائفيّه​

للملاّ ماهي خفيّه​

تفتك بأهله بكل صبح ومسيّه​

بين كل ​

سنّي و شيعي ​

القتل أصبح كما​

لقمة هنيّه ...!!!​

وكل واحد منّهم ​

في داخله ​

آهات ​

مصدرها وجع​

***​

آآآه أنا منّي​

وكلّي آآآه مصدرها وجع ​

بوحدتي عانيت​

من كثر الدماء اللي فـ بوحي ​

القلم إبره ​

وصفحات الدفاتر ​

شاش ​

ضمّاد ,,, لـ جروحي​

والسطور هي الجروح..!!!​

تكشف آلامي وبوحي ​

وأأأه مصدرها وجع ....!!!!!​

واعرف إن الآه منّي​

وكلّي أنا آهات وآلام ووجع ​

< كنترول >​

 

[كنترول]

مساء الخير يا نبضي , مساء الخير , يـ الآلام
مساء الخير يا حـــرفٍ نزف دمّــه بصــفحاتــي

مساء الخير ’ يا اتعس مسا , يا محطّم الإلهام
ليا من زدت في بوحي , تدخّلني بمتاهاتي

ابي افرح ولو مرّه , وحتى لو مع الأحلام
ولكن يا مسائي انت , تقصر فيك خطواتي

تغرّب شمسي واعلن انا لك حالة استسلام
وأكتب لك وثيقه حبرها دمّـي ودمعاتــي

كأني يا مساء الهم , لاجلك اعبد الأصنام
لأني بس اناظر للنجوم , وتزيد هفواتي ...!!

احاكيها واعددها , واتوه بعالم الأوهام
واذا بك تهت , تخنقني بصدري منْك عبراتي

واهل ابيات مصدرها خفوقْ , بـ سبّتك منضام
وتحزن لي نجومك يا مسا , وتبكي مع أبياتي




< كنترول >​

 

[كنترول]

غريب اللي تقولينه , وحبنا تو هو ما مات
ولا ادري وش هي القصه , ولكنّك صدمتيني

كأنك هاويه همّي , وقصدك تكثر اللوعات
وعلى درب الجفا امشي . وحيد انتي تشوفيني

تبين الحزن يسكن داخلي . وأترجمه لأبيات
لأن انتي بنيتي الحب فيني , ثم هدمتيني

جعلتي العقل شارد بك . وكل ليله معاك يبات
وبأحلامي غديتي انتي الأميره اللي تسلّيني

اعيش بواقعك , وانسى همومي , ونبرة الونات
وانا ماقلت ابـهجر واقعك ,, وانتي هجرتيني

وحروف اللي بديتيها وقلتي , جاتني طعنات
أمانه لا انكشف امرك ,,,قولي انتي طعنتيني



< كنترول > ​

 

[مواجع]

كتابات مبدعة تعبر عن كاتبها

وتعكس الاحساس الصادق الذي

احتوته تلك القصائد والخواطر في تلك الصفحة

وأعطاها طابعا خاصا اختلف فيه اللون والبوح

تقبل خالص تقديري وإعجابي


دمت بود

 

[وسم*]

اخت مواجع

ماشفتي شي هذا قليل من شاعر منتدانا كنترول

لو تتبعتي قصائده ستشعرين بانسان في قمة الاحساس والذوق

بالفعل شاعر خطييييييييييييير ياكنترول

 

[كنترول]

كتابات مبدعة تعبر عن كاتبها

وتعكس الاحساس الصادق الذي

احتوته تلك القصائد والخواطر في تلك الصفحة

وأعطاها طابعا خاصا اختلف فيه اللون والبوح

تقبل خالص تقديري وإعجابي


دمت بود

الإخت الجميله

والزميله الجديده

مواجع

اشكرك على هذا المرور الجميل

والتعبير الصادق ,, والذي اعتبره وسام شرف لي ,, وشرف لصفحتي قدومك وتوقيعك هنا


تحياتي ​