طبعا انت ياكاتب زمانك تبدأ بأيحات على مزاجك .. وتقول كلام انشائي وجمل مكرره .. وتنسب ضعف المحاور وصحه كلامك لنفسك وكأنك جمهور لنفسك .. وترجع تأكد للشخصنه بين الدقباسي والوزير .. هذا رأيك ..
مع ثاني اقتباس لك جملتيين مكررات بتغير المفردات واثنينهم بنفس المعنى ... مايهمنا مانلومك لازلت كاتب مبتدأ ..الله يعينا معاك على الحشو ..
مافي دليل على اثباتك لان الدقباسي ماراح يرد عليك ويحقق لك حلمك ... وبعدين الدقباسي تصريحاته واضحه اكتبو اللي تكتبون مايهمني ..
واضح انك يالبيدان دورت الزله والحجه مالقيتها .. ولكن استندت على رأي فردي شخصي يعتمد على عاطفته قبلي .. بقوله التفاخر وجمله كافي انه استجواب شيخ ..انا لااعرف كيف استشفيت أرائك ياصحفي على مقوله عاطفيه من راي الشارع.. ليس بها موضوعيه واوهمتنا بها واستندت عليها .. وبناء على هل الجمله ان الرشيدي لايريد اصلاح من لال هذا الاستجواب بل نصر سياسي وتكسب انتخابي .. وهذا يعتبر تصرف طائش منك .. وقلب للحقائق يافيصل .. وطمسها ..
والدليل بكل بساطه التأييد الواسع للاستجواب من النواب الذين تجاوزر عددهم 23 نائب .. بأيمانهم التام ان هذا الاستجواب للأصلاح والحفاظ على الوحده الوطنيه ..
الدقباسي ما ادعي ياعزيزي .. القانون صادر من 2007 ومجلس الامه عدل على القانون مرتين في جلستين مع التوصيات الى ان اكتمل ..
ما ادري شنوا تقصد بتجاهل عن عمد تقرير الهيئه ماوضحت ..؟؟ لا تسوي نفسك فاهم وانت مبهم وتقط الجمله وتمشي .. شتقصد ..؟
كلنا ندري انه الوزير ماتحرك الا وقت تقديم الاستجواب لانه ماداوم بالوزاره الا 6 مرات خلال السنه .. واثناء تقديم الاستجواب بدأ التحرك ونشر اعلانه وداوم بالوزاره .. فلا تبرر للوزير يافيصل ..
طبعا موغريبه عليك يا حضره الصحفي فيصل القص واللزق كالعاده .. هالاقتباس نصف مقالتك ماخذها من نشره الاخبار اللي كانت قدام الوزير بالرد على المحور الاول ..
هالمراسلات بالكتب والمخاطبات كلها انشائيه من غير نتيجه والدليل انه من تاريخ تسلم الوزير الوزاره من 29-5-2009 الى 28-2-2010 للاعلان الثالث لتعيين المراقبين الماليين ... لم يفعل شي ولم يعين مراقبين .. امحق بيروقراطيه تأخذله سنه كلام ماخوذ خيره والاعلام الفاسد يمول ماديا للصحف الصفراء وقنوات الفتنه تضرب بالوحده الوطنيه وتقسم الشعب فئات .. وحضره الوزير لحد الان يراسل بكتبه ..لاوبعد ماخلص حتى يومنا هذا ...وهذا دليل صارخ على عدم تطبيق قانون المرئي والمسموع والمطبوعات وعدم الاحتفاظ بالسجلات المنتظمه .. مخالفه صريحه زبده المحور الاول .
خلاصه سريعه .. مقدمتك مدح لنفسك يافيصل وموهم نفسك انك انت صح وعندك تأكيدات ماشفنا شي غير نقلك لكلام الوزير ..واللي متضح لي انه مدان ولا رد على محور الدقباسي .. والدليل انه حاول منذ توليه الوزاره لليوم وماسوى شي معقول مايقدر يعين مراقبيين على الاعلام ويطبق القانون ...طول هالمده .. هذا دليل انه الوزير تارك الحبل على القارب ومطنش .. اثبات واضح على تقاعس الوزير ..وعدم تطبيق القانون ..
ولي عوده ياكاتب فيصل ....