شكل السالفة اليوم مافيها نوم بما إن سيرة الطبخ انفتحت
اللزانيا فيه الطريقة العادية
المقادير هذي لصينية فرن مقاس 9 انش × 13 انش اللي هي المستطيلة الكبيرة
تسلقي اللزانيا (12 وحده تكفي.. اضيفي ملعقة زيت لماء السلق عشان ما تتلزق، واضيفيهم وحده وحده.. يعني حطي الأولى وانتظري دقيقتين، بعدين اللي وراها وكذا عشان ما تتلزق) تقريباً 10 دقائق على آخر وحدة اضفتيها بعدين سكري النار وخليها في الموية، بس اضيفي عليها موية باردة عشان تقدرين تمسكينها
تحضري لحمة مفرومة بطريقتك العادية مع شوية بصل وفلفل أسود وشوية ريحان إذا عندك وأوريغانو. بعدين اخلطي مرطبان أو أكثر صلصة سباغيتي جاهزة (ترى صلصات الطماطم الجاهزة صحية جداً وسريعة ولذيذة).. اللحم تقريباً نص كيلو.. اضيفي الصلصة (تقريبا مرطبان ونص) بحيث ما يكون اللحم ناشف.. يعني تشوفي صلصة زايدة عن كمية اللحم
تحضري صلصة البشاميل
إذا ما تعرفي تضبطيها.. حطي في الخلاط الزبدة (2/3 أصبع) مع الطحين (2/3 كوب) مع الحليب (8 أكواب)، اخلطيهم بعدين انقليهم للقدر وعلى النار مع التحريك المستمر إلى أن تبدأ بالغليان، ويصبح قوامها ثقيل (غلوتين ثلاثة بس)
ضعي شوي صلصة بشاميل في قاع الصينية
صفي 3 من شرائح اللزانيا بحيث تغطي قاع الصينية
أضيفي 1/2 كمية اللحم وصلصة الطماطم
غطيها بكمية من صلصة البشاميل
غطيها بثلاث شرائح لزانيا أخرى
النصف الثاني من اللحم المفروم
كمية من البشاميل لتغطية الوجه
3 شرائح لزانيا أخرى
كمية أخرى من البشاميل
رشة معتبرة من جبنة الموتزاريلا المبشورة
دخليها الفرن لمدة ساعة تقريباً
بعد ما تطلعيها من الفرن خليها تقريبا 1/2 ساعة برا الفرن قبل الأكل عشان تتماسك شوي
ملاحظة: راح تحتاجين بس 9 شرائح لزانيا.. بس عادة اسلق أكثر عشان ممكن بعضها يتقطع، وإذا أول مرة تسوينها.. اسلقي أكثر
هذي الطريقة العادية.. فيه الطريقة الأمريكية ألذ.. بس أكتبها يوم ثاني إن شاء الله
عشان تصير الأكلة صحية أكثر وأقل دسامة، بإمكانك الاستغناء عن الزبدة نهائياً، ما راح يفرق كثير بالطعم. صلصة الطماطم مافيها دسم، والجبنة الموتزاريلا أخف أنواع الأجبان دسامة، بس لا تكثرين منها إذا مسويه ريجيم.