استغرب كلام بعض الناس في مسألة التجنيس ومنح الجنسية لليمني والهندي والسوري والعراقي والايراني... الخ لاعتقادهم أن الي مو كويتي يعني هيلقي... ومعارضتهم لقرارات الحكومة في تجنيس الناس بحجة الاضرار بالنسيج الاجتماعي للكويت والكويتيين ومشاركتنا في أرزاقنا وخيرات بلدنا وغيره من الكلام الماخوذ خيره والي ما يوكل خبز....
والمصيبة إننا نردد المثل الي يقول ( كلنا عيال قريه وكل من يعرف اخيه) واحنا كلنا ندري أن الكويت عبارة عن خليط من الأصول، مثل ما ذكر الكاتب محمد المليفي اليوم في جريدة الوسط وراح اقتبس لكم ما جاء في مقاله....
(المضحك حقا هو استنكار أحدهم أن يتوسط وزير سابق أو لاحق لمواطن عراقي لأخذ الجنسية الكويتية، وكأن ليس أكثر العوائل الكويتية عراقة بل ونفوذا ماليا وتجاريا أصولها يرجع إلى العراق الشقيق! نعم.. فالشعب الكويتي إما أن تكون أصوله سعودية أو عراقية أو إيرانية بل وبعض العوائل يرجع أصلها إلى الهند.. وآخرين إلى سورية ولبنان..فما الضير في ذلك وما العيب فيه؟ لكن العيب كل العيب والشنار كل الشنار أن يأتي من يزعم أنه من أهل الدين وممن لا يرتضون إلا بحكم الإسلام.. ثم يأتون ويتلبسون بلباس الجاهلية الأولى.. فيصبح عندهم هذا عراقي وذاك يمني وذاك صومالي ويجب ألا تعطوهم الجنسية الكويتية لأنها ماركة تجارية مسجلة لهم ويجب عدم إعطائها لأولئك الفقراء!)
وهذا يؤكد صدق كلامي وكلنا نعرف الشيء هذا، واكو بينه ناس لما تسأله انت شنو يقولك (عيمي.... زبيري... من حايل...من شنغهاي) بس ما يقول أنا كويتي إلا لما يطيح في مشكلة ويدش المخفر أو قاعد بين وافدين ويتشيحط عليهم أو يناجر مديره بالدوام ويقوله مو بكيفك انا كويتي....
وانا اشوف ان الناس طغت عليهم مشكلة الحسد والحقد والكراهية ووايد ناس بدت تشوف الكويت (بقرة حلوب) والشاطر هو الي يحلب منها أكثر ويستفيد منها اكثر، والمصيبة أن التصرفات الحاصلة كلها تؤكد صحة كلامي لان الناس تقترض لشراء افخم السيارات ولبس ملابس بأغلى الاثمان وساعات ماركات ولازم كل سنة سفر ولازم التلفون توصل فاتورته كل شهر فوق 100 دينار بسبب المغازل ولازم كل يوم ناكل بالمطاعم ولازم ولازم ولازم، ولانهم يخافون ان المتجنسين يشاركونهم في (سرقة الكويت) يعارضون التجنيس، لانهم اساساً ما قاعد يشتغلون ولا قاعد يسوون شي بل قاعدين يسرقون الكويت بتسيبهم وعدم تفانيهم واخلاصهم في عملهم...
وعندي وايد اسئلة ابي اطرحها على ذوي الدماء الزرقاء وعيال بطنها وعيال السور وابي منهم يجاوبون عليها بصراحة من غير لف ودوران وكلام ما منه فايده....
ليش الكويتي ما يشتغل زبال بالشوارع ويكنس الشوارع؟
ليش الكويتي ما يشتغل ناطور مدرسة؟
ليش الكويتي ما يشتغل بنشرجي وميكانيكي؟
ليش الكويتي ما يشتغل في البناء والهدام وغيرها من اعمال المقاولات؟
ليش الكويتي ما يشتغل خباز ونجار ومعلم شاورما وقارصون في مطعم ولا قهوه؟
ليش الكويتي يرى ان الوافد جاء لسرقة الكويت؟
ليش الكويتي يرى ان البنغالي هدفه سرقة اغطية البواليع؟
ليش الكويتي يحتقر المصري ويعتبره نصاب وحرامي؟
وليش الكويتي يستنى ديوان الخدمة المدنية عشان يوظفة؟
وليش الكويتي ما يتعب على عمره ويروح يطق البيبان ويقول ابي شغل؟
وليش الكويتي ما يهد ستاربكس وكوستا كوفي و يشتغل حمالي ويغسل سيارات؟
وليش الكويتي دائما مستهلك ونادر لما نلقى واحد منتج؟
والمصيبة إننا نردد المثل الي يقول ( كلنا عيال قريه وكل من يعرف اخيه) واحنا كلنا ندري أن الكويت عبارة عن خليط من الأصول، مثل ما ذكر الكاتب محمد المليفي اليوم في جريدة الوسط وراح اقتبس لكم ما جاء في مقاله....
(المضحك حقا هو استنكار أحدهم أن يتوسط وزير سابق أو لاحق لمواطن عراقي لأخذ الجنسية الكويتية، وكأن ليس أكثر العوائل الكويتية عراقة بل ونفوذا ماليا وتجاريا أصولها يرجع إلى العراق الشقيق! نعم.. فالشعب الكويتي إما أن تكون أصوله سعودية أو عراقية أو إيرانية بل وبعض العوائل يرجع أصلها إلى الهند.. وآخرين إلى سورية ولبنان..فما الضير في ذلك وما العيب فيه؟ لكن العيب كل العيب والشنار كل الشنار أن يأتي من يزعم أنه من أهل الدين وممن لا يرتضون إلا بحكم الإسلام.. ثم يأتون ويتلبسون بلباس الجاهلية الأولى.. فيصبح عندهم هذا عراقي وذاك يمني وذاك صومالي ويجب ألا تعطوهم الجنسية الكويتية لأنها ماركة تجارية مسجلة لهم ويجب عدم إعطائها لأولئك الفقراء!)
وهذا يؤكد صدق كلامي وكلنا نعرف الشيء هذا، واكو بينه ناس لما تسأله انت شنو يقولك (عيمي.... زبيري... من حايل...من شنغهاي) بس ما يقول أنا كويتي إلا لما يطيح في مشكلة ويدش المخفر أو قاعد بين وافدين ويتشيحط عليهم أو يناجر مديره بالدوام ويقوله مو بكيفك انا كويتي....
وانا اشوف ان الناس طغت عليهم مشكلة الحسد والحقد والكراهية ووايد ناس بدت تشوف الكويت (بقرة حلوب) والشاطر هو الي يحلب منها أكثر ويستفيد منها اكثر، والمصيبة أن التصرفات الحاصلة كلها تؤكد صحة كلامي لان الناس تقترض لشراء افخم السيارات ولبس ملابس بأغلى الاثمان وساعات ماركات ولازم كل سنة سفر ولازم التلفون توصل فاتورته كل شهر فوق 100 دينار بسبب المغازل ولازم كل يوم ناكل بالمطاعم ولازم ولازم ولازم، ولانهم يخافون ان المتجنسين يشاركونهم في (سرقة الكويت) يعارضون التجنيس، لانهم اساساً ما قاعد يشتغلون ولا قاعد يسوون شي بل قاعدين يسرقون الكويت بتسيبهم وعدم تفانيهم واخلاصهم في عملهم...
وعندي وايد اسئلة ابي اطرحها على ذوي الدماء الزرقاء وعيال بطنها وعيال السور وابي منهم يجاوبون عليها بصراحة من غير لف ودوران وكلام ما منه فايده....
ليش الكويتي ما يشتغل زبال بالشوارع ويكنس الشوارع؟
ليش الكويتي ما يشتغل ناطور مدرسة؟
ليش الكويتي ما يشتغل بنشرجي وميكانيكي؟
ليش الكويتي ما يشتغل في البناء والهدام وغيرها من اعمال المقاولات؟
ليش الكويتي ما يشتغل خباز ونجار ومعلم شاورما وقارصون في مطعم ولا قهوه؟
ليش الكويتي يرى ان الوافد جاء لسرقة الكويت؟
ليش الكويتي يرى ان البنغالي هدفه سرقة اغطية البواليع؟
ليش الكويتي يحتقر المصري ويعتبره نصاب وحرامي؟
وليش الكويتي يستنى ديوان الخدمة المدنية عشان يوظفة؟
وليش الكويتي ما يتعب على عمره ويروح يطق البيبان ويقول ابي شغل؟
وليش الكويتي ما يهد ستاربكس وكوستا كوفي و يشتغل حمالي ويغسل سيارات؟
وليش الكويتي دائما مستهلك ونادر لما نلقى واحد منتج؟
الجواب لأن الكويتي دائما ينظر لنفسه انه مميز لان الله خلقه كويتي ومعه صك الغفران عشان يدش الجنة!!!!!